سلاسل جهنم #مقدمة_الرواية - اليك القصة

سلاسل جهنم

#مقدمة_الرواية

انا زينب ابراهيم دكتورة امراض باطنية من ٣سنين بالظبط وانا خارجة بالليل من العيادة بتاعتي بعد ما خلصت كشف علي العيانين بتوعي ومروحة لبيتي واولادي اتخطفت من قدام باب العمارة اللي فيها عيادتي واتاخدت علي مكان بعيد معرفش هو فين عبارة عن عنبر كبير زي عنبر المستشفي وببص لقيت معايا اتنين دكاتره تاني راجل وست و٣ بنات تمريض كانوا مخطوفين زيي !! ولقينا حوالينا ناس غريبة محاوطانا بالسلاح وواحد منهم بيهددنا اننا لو حاولنا الهرب او رفضنا ننفذ التعليمات هيكون مصيرنا الموت وكان مهمتنا اننا ناخد بالنا من ٣ اشخاص في غيبوبة نتيجة حادثة ودا كان واضح عليهم جدا لكن هما مين وايه حكاية الحادثة دي ؟! الله اعلم !! وقالولنا ان التلاته لازم يفوقوا بأي حال من الاحوال وان لو واحد منهم بس مات هيكون قصاده اتنين مننا هيموتوا زيه !! وفعلا مات اتنين مننا لما واحد من التلاته دول مات فجأة .. وبقينا اربعة وكان لازم نحافظ علي صحة الاتنين دول وانهم لازم يفوقوا بأي تمن عشان يتفك اسرنا ونرجع بيوتنا بقي .. ٣ سنين واحنا في عذاب ولا عذاب جهنم !! وحشوني ولادي اوي .. محمد وميار .. يا تري عاملين ايه دلوقتي ؟!! وهل فاكرين اني ما زلت عايشة ولا خلاص افتكروني مت ونسيوني !! في مره قررت اهرب انا ودكتوره معايا بس اتقفشنا ودفعنا التمن غالي اوي ؟؟!!!
تابعوني وواحدة من اغرب الروايات علي الاطلاق .. اثارة ومتعة وتشويق .. الجزء الاول منها الليلة علي مدونتي ( مدونة مالك الزعيم )
#محمد_مالك

مجموعة تفسير الرؤى والأحلام على فيسبوك