رواية تاجر العذرية البارت العشرون ( الجزءالسادس ) - اليك القصة
رواية تاجر العذرية البارت العشرون ( الجزءالسادس ) - اليك القصة
- رواية تاجر العذرية
البارت العشرون ( الجزء السادس )
للكاتب المصري محمد مالك
جميع الحقوق محفوظة
بسيوني منزعجا بشدة .. في ايه يا فردوس مالك ؟!!
فردوس مرتبكة وخائفة .. مش عرفة يا بسيوني .. حسيت بحاجة كدا زي ما يكون شبح كتفني ورماني ع السرير وشل حركتي لثواني بعدها سابني وقام جري من الشباك !!
بسيوني ينظر الي الشباك فيجدة مفتوحا علي مصرعيه ثم يلمح بعينيه اثار دم علي ملابس فردوس من اسفل
بسيوني .. ايه الدم دا ؟!!
فردوس .. دم ؟!! مش عرفة الدم دا جه منين ؟!!
بسيوني بغضب وصوت عال .. يعني ايه مش عرفة ؟!!
فردوس منهاره .. صدقني مش عرفة !!انا خايفة اوي يا بسيوني
بسيوني يجري مسرعا ناحية الشباك وينظر منه علي الشارع ولكن لا يجد اي شئ غريب او ملفت للأنتباه فالشارع في حالة طبيعية تماما كعادته !!
بسيوني ينظر ل فردوس
فردوس .. انت بتبصلي كدا ليه ؟! مش مصدقني صح ؟!
بسيوني .. قومي تعالي
فردوس .. هنروح فين ؟!
بسيوني .. هوديكي للدكتور
فردوس .. بس انا مش عايزة اروح للدكتور .. انا خايفة اوي وبترعش .. من فضلك يا بسيوني ضمني لحضنك عشان احس بالامان واهدي .. ارجوك
فردوس تريد ان يضمها بسيوني الي حضنه ولكن بسيوني يصدها بقوة
بسيوني .. بقلك يلا بينا
فردوس متعجبة من رد فعل بسيوني .. يلا بينا فين ؟!
بسيوني .. هي اغنية ولا ايه هعيدهالك كل شوية ؟!! بقلك هوديكي للدكتور عشان نعرف سبب الدم دا ايه ؟!
فردوس .. يهمك تعرف السبب يعني ؟! ما أظنش انك تكون خايف عليا بعد رد فعلك دا !!
بسيوني .. لا يا روح امك .. انا مش خايف عليكي انا كل اللي يهمني انك تكوني لسة عذراء
فردوس مصدومة .. ايه ؟!! ايه الجملة اللي انت قلتها دي ؟! انت تقصد ايه بالظبط ؟!! انت فكرت اني ممكن .... انت بتشك في اخلاقي يا بسيوني ؟!
بسيوني .. اومال عايزاني اصدق الهبل بتاعك دا ؟! شبح ايه يابت اللي كتفك وشل حركتك وبعدها سابك وهرب ؟!! انتي مفكراني اهبل ولا مسطول ؟!! لا اصحي وفوقي .. دا انا بسيوني يا بت !!
فردوس .. معقول الكلام اللي بسمعه دا ؟! انت لا يمكن تكون بسيوني اخويا اللي انا اعرفة .. انت بتطعني في شرفي يا بسيوني ؟!
بسيوني .. بقلك ايه خفي لك اللي لا هيقدم ولا هيأخر .. بيني وبينك الدكتور وياويلك يا فردوس لو كان اللي في دماغي صح ؟!! يلا انجري قدامي
وتذهب فردوس مع بسيوني الطبيب وفي الطريق واثناء ما كانا يستقلا سيارة بسيوني يرن مروان علي بسيوني
مروان .. الو .. سلاموا عليكم .. استاذ بسيوني معايا ؟!
بسيوني .. ايوا .. مين ؟!!
مروان .. انا المهندس مروان .. كنت عاوز اقابل حضرتك عشان اتكلم معاك في موضوع كدا
بسيوني .. خير ؟!!
مروان .. هو خير ان شاء الله .. هو الموضوع بخصوص الاستاذه فردوس اخت حضرتك
بسيوني .. عايز تتجوزها يعني ؟!
مروان .. ان شاء الله .. بصراحة امنية حياتي
بسيوني .. والله وامنية حياتي انا كمان .. بس انا دلوقتي يا باش مهندس رايح مشوار مهم اوي .. مسألة حياه او موت .. كلمني بالليل ولو لسة عايشة يبقي لسة ليك نصيب فيها!!
مروان .. مش فاهم ؟! تقصد ايه حضرتك بالجملة الاخيرة دي ؟!
بسيوني .. لا متاخدش في بالك .. كلمني بالليل يا باش مهندس بعد ازنك
مروان .. حاضر .. شكرا يا استاذ بسيوني .. سلاموا عليكم
بسيوني بعد ان ينهي المكالمة ينظر ل فردوس نظرات غضب ووعيد وفردوس تلاحظ ذلك فيزداد خوفها ويصلا الاثنان الي عيادة الطبيب ويقوم الطبيب بفحص فردوس وبسيوني ينتظر خروج الطبيب علي اعصابه وبعد ان ينتهي الطبيب من الفحص يخرج الي بسيوني بوجه شاحب ويبدوا عليه الحزن الشديد وبسيوني يلاحظ ذلك وبعد ان يبتلع ريقه يسألة بصوت خافت
بسيوني .. خير يا دكتور ؟؟؟!!!
الاحداث اصبحت في قمة الاثارة وبلغت ذروتها واقتربنا كثيرا من حل اللغز .. تابعوني واخر واطول جزء من الرواية.. تحياتي ملك الروايات .. الكاتب والسيناريست المصري محمد مالك ..
>مجموعة تفسير الرؤى والأحلام على فيسبوك
لا توجد تعليقات حتى الآن "رواية تاجر العذرية البارت العشرون ( الجزءالسادس ) - اليك القصة "
إرسال تعليق
ملاحظة للجميع