قصة شيطاني الاليف الجزء الثالث💀 - اليك القصة

قصة شيطاني الاليف الجزء الثالث💀 - اليك القصة

#شيطاني_الاليف
#الجزء_التالت
أول ما وصلنا المكان اللي جبت منه القطة كان المكان مختلف وغريب مش ده المكان اللي كنت فيه من كام يوم في حاجة غلط
دكتور أحمد: هو ده المكان إنتي متأكدة؟!
دينا: أيوه متأكدة إن هو ده
دكتور أحمد: إزاي إنتي أكيد مجنونة ده بيت عادي جداً ومستحيل يكون ملجأ قطط مشردة زي ما بتقولي
دينا : معرفش بقي بس أنا متأكدة إن هو ده المكان
دكتور أحمد : طيب تعالي ندخل ونشوف
خلوني أوصفلكم البيت كويس بيت من بيوت القاهرة القديمة  البيت قديم وكأنه مهجور مفيهوش أي حاجة تدل علي وجود حياة خبطنا علي الباب لان مكنش في جرس حتي
محدش رد خبطنا كتير ومفيش فايدة ولما قررنا نمشي الباب فتح وظهرت سيدة مسنة جدا حوالي ٧٠ سنة شعرها أبيض قصير وعنيها بتلمع بشئ غريب مش قادرة أحدد إذا كان حزن أو شر او حقد أول ما شافتنا بصت لدكتور أحمد وإبتسمت وقالت إدخلوا
دخلنا وراها واحنا مش فاهمين قعدنا في صالة بيتها اللي كانت عبارة عن حصير قديم مفروش علي الأرض قعدنا الصالة بتاعتها كانت غريبة قصادها باب الخروج ومن ناحية تانية باب لأوضة شكلها غريب عليها ورد وفراشات وكأنها الوحيدة اللي فيها حياة وفي الجنب طرقة طويلة الظاهر بتودي لبقية البيت
بدأت تتكلم : أنتوا مين وجايين هنا ليه
بدأ دكتور أحمد في الكلام : أنا دكتور أحمد ودي دينا إحنا سمعنا إن في ملجأ للحيوانات الأليفة هنا
ضحكت بسخرية غير مفهومة وقالت : هنا متلاقيش حيوانات ممكن أجبلك بني آدمين
بصتلها بعنف وقولتلها : لو سمحتي الموضوع مفيهاش هزار إنا جيت هنا من إسبوع واللي كان مكان البيت ده كان ملجأ بيتباع فيه حيوانات
ضحكت أكتر وقالت : البيت ده بقاله أكتر من ١٠٠ سنة موجود وإنتي بتقولي كنتي هنا من يومين شكلك إتلخبطتي في العنوان
الدكتور أحمد
بدأ يتكلم معاها بس أنا عنيا كانت علي الاوضة كان مقبض الباب بيتحرك ببطء  قولتلها هو في حد هنا
قالت : لا مفيش أنا عايشة لوحدي بقالي سنين
قولتلها طيب ممكن كوباية مايه
بصتلي بنظرة غريبة وقالت ماشي مش متأخر
قومت وراها عشان أشوف مين في الاوضة
دكتور أحمد شدني وقالي إنتي بتعملي ايه
قولتله في حد في الاوضة دي أنا متأكدة
قالي واحنا مالنا إحنا لازم نمشي حالا
قولتله مش همشي قبل ما أفهم في ايه
مسكت مقبض الباب وقبل ما أفتحه إتفتح لوحده  الاوضة كانت ضلمة جدا دورت علي النور مشتغلش طلعت موبايلي وشغلت الكشاف الاوضة كانت أوضة طفلة سرير ومكتب ودولاب رسومات علي الحيطة وفراشات كنت بسأل نفسي ياتري دي أوضة مين قطع أفكاري صوت من ورايا صوت باب بيتفتح بدأت أدور بالكشاف علي مصدر الصوت كان جاي من الدولاب روحت ناحيته ولسه بفتح خرجت من قطة ونطت في وشي صرخت من الخضة ورجعت لورا دخلت الست ومعاها دكتور أحمد شغلت النور وشوفت صورة لبنت علي الحيطة أبوه دي البنت اللي بشوفها بصيت لدكتور أحمد عشان أقوله أن هي دي البنت لقيته بيبصلي بصدمة بصينا ناحية الست كانت واقفة وشايلة القطة علي ٥إيديها أيوه قطتي سوداء تماماً وكل عين لون
قولتلها إنتي جبتي القطة دي منين
قالتلي : دي قطتي وعندي من سنين
قولتلها مين البنت اللي صورتها علي الحيطة
قالت: دي بنت ابني أهلها ماتوا وسابوها اربيها ماتت السنة اللي فاتت بسبب حادثة عربية
في اللحظة دي دكتور أحمد شدني وقالي إحنا لازم نمشي  قولتله إستني بس هو شدني بعنف وخرجنا
قولتله إنت ليه بتعمل كده
قالي نمشي من هنا ونتكلم  بدأ يسوق العربية بسرعة جنونية وصلنا المستشفي طلعنا قسم الرعاية دخلنا مكتبه
كان باين عليه الخوف والصدمة بصلي وقال : إنتي مش عارفة البنت بجد
قولتله : تقصد أي بنت أنا أول مرة أشوفها
قالي : ياريت كان أول مرة فعلا
قولت يعني ايه
قال : فاكرة الحادثة اللي حصلت السنة اللي فاتت وجاتلنا فيها بنت وولد البنت كانت حالتها أحسن من الولد فاكرة عملنا أيه
بصت بصدمة : البنت اللي إحنا خدنا قلبها
قال : أبوه هي دي البنت بس ساعتها كان عندها إصابات كتير في وشها فأنتي معرفتيش ملامحها إنما أنا فاكراها أنا سلمتها بنفسي لجدتها اللي كنا عندها في البداية معرفتش شكلها بس هي عرفتني في حاجه غلط
خليني أحكيلكم عن الحادثة شوية من سنة تقريبا جتلنا حادثة واحد خبط بنت بعربيته بس وهو بيحاول يتفادها العربية اتقلبت بيه كان معاه إبنه الصغير  الولد حالته كانت سيئة جدا وكان علي وشك الموت أبوه عرض علي دكتور أحمد مبالغ كبيرة جدا مقابل إنه ينقذ إبنه وساعتها دكتور أحمد قرر يأخد قلب البنت وينقله للولد وطلب مني أساعده لان العملية غير قانونية منكرش إني رفضت في الاول الفكرة كانت بالنسبة لي مستحيلة بس لما عرفت وضع البنت خلاني ألين شوية خصوصا إني  بحب دكتور أحمد والحب ممكن يخليك تتصرف أحيانا بجنون وبعدين البنت كانت وحيدة وملهاش حد كانت هتتربي وحيدة ويتيمة زيي أنا عملتلها خدمة الدكتور أحمد لما عمل العملية فشلت للأسف والولد والبنت ماتوا ابو الولد معرفش يعمل حاجه لان العملية كانت غير قانونية وهو موقع علي إقرار والموضوع عدي ونسيناه
دكتور أحمد : اللي بيحصل ده جنون هي إزاي ظهرت البنت خلاص ماتت وانتهي إزاي رجعت إزاي انتي مجنونة أكيد وإحساس الذنب صورلك انك بتشوفيها
دينا : لا انا شوفتها أنا مش مجنونة أنا متأكدة،
دكتور أحمد :طيب ليه انا مش بشوفها ليه إنتي أنا مش هسمعك جنونك ده أكتر
سابني ومشي  معرفش أنا هعمل ايه دلوقتي ولا هتصرف إزاي مش عايزة أرجع بيتنا وابقي لوحدي ولا حتي قادرة أقعد هنا في المكان اللي قتلناها فيه
خرجت من مكتب دكتور أحمد وروحت ناحية أوضتي أول ما دخلت الباب اتقفل بقوة بدأت أسمع صوتها المرة دي مش صوت القطة كانت البنت بتغني أغنية أطفال وبتضحك بدأت أرجع بضهري ناحية الباب خبطت في حاجه جسم صغير لفيت كانت هي عوجت رقبتها للدرجة اللي سمعت فيها صوت رقبتها بتتكسر صوتها بدأ يتغير يبقي أقوي أعنف أعلي
الغريب إني كنت سامعة قلب بيدق بقوة بس مكنش قلبي بدأت أرجع لورا وهي بتقرب ناحيتي وصوتها بيعلي وقعت علي الأرض وبدأت أزحف لورا بس إيدي مسكت حاجه كانت قلب أبوه قلب بينبض وبيتحرك قربت ناحيتي عينيها سوداء تماما شعرها إسود مربوط بفيونكات فستانها كله دم ومكان قلبها فاضي وبينزف سائل إسود قربت مني وبصتلي وقالت " لو سمحتي ممكن ترجعي قلبي مكانه " وبدأت تضحك ضحكات مرعبة بدأت أعيط من الخوف وأقولها أرجوكِ سامحيني أنا مكنتش أقصد أنا أذيتك أرجوك متأذنيش ضحكاتها كانت بتعلي وفجأة فتحت بقها بدأت أشوف عنين جوا بوقها حاجة بتحاول تخرج دي كانت القطة حاولت أهرب أجري ناحية الباب بس كنت مشلولة تماما كل عضلة في جسمي مشلولة حاولت أصرخ معرفتش القطة بدأت تقرب مني أمور وبدأت تغرز أنيابها في جسمي وتاكل جزء مني أيوه أنا بتفرج علي نفسي وانا بتاكل وحتي عاجزة عن إني أصرخ ومع كل مرة القطة بتغرز أنيابها في جسمي البنت بتضحك أكتر إستسلمت لقدري وقررت أغمض عيني وأستسلم للموت بس اللي حصل أن الباب إتفتح ودخلت سماح زميلتي لقتني مرمية علي الأرض وحشني كله بينزف أول ما شوفتها فقدت الوعي تماما ولما صحيت عرفت إنها دخلت عليا لقتني ماسكة مشرط عمليات وبقطع في جسمي كلهم بيقولوا عليا مجنونة بس أنا مش مجنونة أنا بشوفها  ولسه بشوفها بحلم بيها كل يوم بتقول إنها مش هتسيبني وإن موتي هيبقي بشع بس كله بيقول عليا مجنونة حتي دكتور أحمد بطل يتعامل معايا بيقول اني مجنونة وموهومة وعقدة الذنب هي السبب  بس أنا شايفاها دلوقتي واقفة قصادي بفستانها الابيض الغرقان دم ومكان قلبها الفاضي وشعرها بفيونكاته الحمرا والقطة اللي واقفة جنبها أنا مش مجنونة بس أنا هموت، هموت قريب

يتبع............
انتظروا الجزء الرابع 😍
Hadeer_saeed