قصة عمار البيت الجزء الثاني - اليك القصة

قصة عمار البيت الجزء الثاني - اليك القصة

عمار_البيت
الجزء_الثانى
نمت على نفسى وانا مستنية عاصم والولاد..صحيت على صوت الباب بيخبط.. اتفجعت وقما مخضوضة كدة وبعدين هديت وقمت فتحت الباب وانا متادة انة عاصم والولاد مقولتش مين وفتحت الباب ..لقيت قطة سووووودة شكلها استغفر الله العظيم يارب ..هويام. مرعبة بشكل صعب فاكرين لما كنا نشوف قطة سودة خصوصا بالليل نقول دى شيطان.. دة الى حسيتة والله حسيت انها شيطان مش قطة قلبى اتقبض من شكلها واتفجعت وصرخت بصوت عالى حاولو القطة دى تخربشنى عشان تدخل  الشقة رحت زقيتها برجلى من على عتبة البيت اتخبطت فى باب الاسانسير ورحت قفلت الباب وفضلت الف خوالين نفسى بالشقة لسة نازلة مصر ومعايش خط مصرى عشان اكلم حد...
رحت بصيت من العين السحرية لقيت القطة بتلف قدام الباب وكل شوية تخبط الباب وانا اترعب وقلبى يقف .. جة ف بالى اقف بالبلكونة ع الاقل اشوف الناس والناس تشوفنى عشان اطمن شوية
جريت فتحت البلكونة ووقفت فيها نور عمود النور ضعيف اوى البلكونات كلها مقفولة محدش ماشى بالشارع .. حسيت انى اترعب اكتر بس قلت مش هدخل لحد ميرجعوا وسامعة صوت خبط القطة برة وكانها بتتشال وتتهبد فى باب الشقة وتنونو بصوت مرعب ... دمعت من الرعب ..
الحمد لله عاصم اهو دخل من اول الشارع وف ايدوا الولاد فضلت بصة عليهم لحد مدخلو المدخل .. جريت وقفت ورا الباب لحد ميطلعوا بالاسانسير ويخبطوا الباب وخفت القطة تاذى العيال
فضلت مستنية كتير كتيييير كتييير محدش طلع والقطة اختفى صوتها ..قلقت جدا رحت وقفت بالبلكونة تانى فلت يمكن رجعوا يشتروا حاجات .. فضلت واقفه كتير حوالى نص ساعة وبعدين ظهر عاصم والولاد ع اول الشارع ومش معاهم كياس خالص المرادى مدخلتش قلت هفضل واقفه لحد مبخبطوا الباب
وفعلا فضلت وقفه وطلعوا وخبطوا الباب رحت افتح وانا خايفة الصراحة اول مرة طلعت قطة تانى مرة مطلعوش اصلا..
قلت بصوت عالى ميبيبييبيبن رد عاصم افتحى يا سارة..
فتحت وبصيت لهم برعب كدة .. وسالت عاصم اى الى رجعك بعد مجيت من شوية ..
قالى جيت فين انا لسة جاى اهو اى الى هيرجعنى ..
اتصدمت ومعرفتش اقول اى قدام الولاد فسكت .. ودخلت المطبخ احضر العشا
زعقلى عاصم قالى اى الانوار دى كلها مولعاها ليه من اولها اهمال..
وقعد يبرطم ك العادة
و ك العادة طنشت ومردتش وبالى مشغول بالى بيحصل
قعد يستفزنى اكتر ويضايقنى بالكلام ..مردتش عليه برضو وحطيت العشا اكل سندونش ودخل نام ... وهو مضايق منى معرفش ماله الصراحة كل دة عشان منورة النور .. هو دى طبعة .. غشيت الولاد ودخلتهم اوضتهم ونيمتهم ..
ورجعت ع اروح اوضتى سمعت صوت طفل بيعيط حسبته سليم
رجعت اوضتهم تانى ابص عليهم لقيتهم بسرايرهم  بسابع نومة
حسيت برعب مش طبيعى وجرييييييت لحد اوضتى دخلت وقفلت الباب ونمت عجب عاصم ومسكت ايدة ومحستش بنفسى
اغمى عليا من التعب سفر وتنضيف .. رحت بالنوم بلحظة بس طول الليل احلم بالقطة واصحى ع صوت الباب بيخبط بس مبلقيش اى حاجة اول مصحة وافتح عينى
صحيت الساع 12 على صوت ادم وسليم بيتخانقوا .. ملقتش عاصم جمبى ولقيتة سايبلى ورقة نزلت ادور على محل ..
قمت وحسة جسمى مكسر اوووى وهلكانة لقيت عاصم وسليم بيتخانقوا ع الاى باد وبيضربوا بعض زعقتلهم وشديتة منهم وقاتلهم عقابا ليكم مافيش لا اى باد ولا تى فى انهاردة لحد ما تتعلموا ان كل حاجة تتشاركوا فيها وتلعبوا مع بعض من غير خناق وضرب
طبعا ولا اتهزوا وبصولى بقرف وسبونى ومشوا ..
كنت حاسة نفسى شخصية اوى وانا بزعقلهم لكنهم قصفوا جبهتى ومشوا..
دخلت غسلت وشى وحضرت الفطار وندهتهم يفطروا وفطرنا سوا
وشغلتلهم التى فى وسبتهم قدامة ودخلت انضف افتح الشنط وارتب الهدوم بالدولاب
وانا بطلع الهدوم من الشنط سمعت صوت الباب خبط وعاصم جة وبيكلم سليم وادم..
عملت نفسى مقموصة من الى حصل امبارح ومردتش اطلعله وقلت اكمل ترتيب لحد ميسال عليا ويدخلى الاوضة
استنيت كتير ومدخليش عاصم ولا عبرنى والعيال قاعدين يلعبوا مع بعض وهو معرفش ساكت وبيعمل اى لما خلصت ترتيب الشنط اضطريت اطلع انا عشان احضر الغدا .. لقيت ادم وسليم بيتفرجوا ع التلفزيون .. قلت اكيد عاصم بالحمام ..
طنشت وكانى مخستش بيه لما جة ومسالتش علية
دخلت المطبخ احضر الغدا ومستنياه يجيلى برضوا معبرنيش اتغاظت اوووووى
ونويتلة ع نية سودة ...
بعد شوية الباب خبط طلعت من المطبخ بطريقى للريسيبشن قبل موصل للباب ..  كان سليم فتح .. طلع عااااصم
نعم... امال مين الى خبط من شوية وسمعت صوتة بيكلم العيال معقول تخيلات ....
اية دة بالظبط
دخل عاصم بنفس درجة البرود المتوقعة مسلمش عليا ودخل يتصل بناس سماسرة  بيسالهم على محل وقعد حوالى ساعه ونص من مكالمة لمكالمة
وانا مستغربة مستغربة ومش فاهمة انال مين الى جة اول مرة والولاد كانوا بيتكلموت مع مين ...
يتبع😍😍
لو عجبكم الجزء عرفونى و شجعوني في التعليقات 😍 و هنزل الجزء الثالث
.