دوامة عشق 💜الحلقه 30💜 - اليك القصة
دوامة عشق 💜الحلقه 30💜 - اليك القصة
الحلقة الثلاثون
ابتلعت (سچى) ريقها وشعرت بالكثير بالأرتباك ثم قالت
-م٠٠ ماهو ٠٠ ا٠٠ اصل بص انت ؟!
نظر لها (يوسف) بحدة وقد شعر بإن صبره قد نفذ تماما
-اتكلمى بقولك ٠٠
اغمضت عيناها مسرعة وهى تقول كإنها تختطف تلك الكلمة من لسانها
-اناكتمرتبطةبيه
اضيقت اعين (يوسف) وقال بصوت مرتفع
-بتقولى ايه مش فاهم ؟!
عرفت (سچى) انه لا مفر من الهرب من تلك الأجابة فإجابت بهدوء وهى خائفة
-انا كنت مرتبطة بيه ٠٠ بحبه يا (يوسف)
تنهد (يوسف) قليلا ثم قال
-انتى يا بت مش كنتى مخطوبة ل (عمر) ولسه كنت هكلم (عمر) عشان نفسخ الخطوبة ازاى يعنى ؟
جلست (سچى) بجوار شقيقها ووضعت قدم فوق الأخرى وتحدثت بإريحية شديدة
-لا ماهو (عمر) عارف انى بحب (منير) وكان بيساعدنى
اتسعت أعين (يوسف) من الصدمة قائلا بذهول
-انتى بتقولى ايه ؟!
انزلت (سچى) قدمها بهدوء وهى تنظر لأسفل شاعرة بالخجل من نفسها
-ماهو ٠٠
قاطعها (يوسف) بحدة
-ماهو انتى متربتيش من اصله
نظرت له (سچى) وقالت بضيق
-انا اصلا سبت (منير) مش عاوزة اكلمه تانى من ساعة ما حكالى انه السبب فى ان يتقبض عليك
هز (يوسف) كتفاه بلا مبالاة
-يعنى لما يعمل حاجة صح فى حياته انتى تسبيه عشانها هو كان فاكر انى متورط كان بيعمل الصح
تحدثت (سچى) بضيق
-يقوم بسجنك !! ٠٠ ازاى بيحبنى وبيأذى اخويا
-يا (سچى) ٠٠
مدت (سچى) كف يدها قرب وجه (يوسف) حتى يكف عن الحديث ثم تحدثت قائلة
-ارجوك اسمعنى
نظر لها (يوسف) وعلى وجهه علامات استفهم فإوضحت (سچى) قائلة
-انت ليه ضحكت عليه يا (يوسف) وفهمته إن (سهيلة) باعته وقبضت الثمن وهى كانت مريضة بالكانسر
اتسعت اعين (يوسف) قائلا
-انتى بتقولى ايه ؟
-هو اللى قال انك روحت قبضتها التمن ٠٠ وهى يا عينى عملت التمثيلية دى عشان (منير) يكرهها ويعرف يعيش بعدها ٠٠
-بس اللى اعرفه ان فعلا هى باعته عشان الفلوس انا معرفش بموضوع مرضها ده
شعرت (سچى) بفرحة كبيرة ثم قالت
-بجد يا (يوسف) ؟!
هز (يوسف) رأسه بالإيجاب
-ايوة ٠٠ عمى فهمنى انها عاوزة فلوس عشان تبعد عنه وانها معاه بس عشان الفلوس ٠٠ انا هفهم (منير) كل حاجة
ابتسمت (سچى) بسعادة وهزت رأسها بالإيجاب ٠٠
****************
ابتسمت (سلمى) بسعادة ثم قامت بمد يدها لتسلم على (أكمل) قائلا
قاطعها (أكمل) وهو يبتسم ابتسامة ساحرة ثم مد يده هو الاخر ليربط عليها قائلا
-فى ايه يا سمسة ؟! ٠٠ ده انتى متربية ع ايدى
ابتسمت (سلمى) قليلا ثم قالت
-متكبرش نفسك كده الفرق بينا هو 3 سنين بس
ضحك (أكمل) ثم قال
-تنكرى انى اعرفك من ايام الروضة
هزت (سلمى) رأسها نافية
-مش عارفة اقولك ايه ؟!
تحدث (أكمل) بجدية
-تقولى انك هتروحى وانى مستنيكى بكرة إن شاء الله فى مكتبك
هزت (سلمى) رأسها بالإيجاب ثم توجهت نحو الباب فإمسك (أكمل) هاتفه ليقوم بالأتصال ب (نورهان) وما إن اتاه صوتها وهى تقول
-الو
تحدث (أكمل) بهيام
-وحشتينى
ابتلعت (نورهان) ريقها ثم قالت
-وانت كمان
صمت (أكمل) قليلا ثم قال
-وانا كمان ايه ؟
ظهر على معالم وجهها الخجل قائلة
-وحشتنى يعنى
ابتسم (أكمل) مع شعوره بالرضا ثم قال واغمض عيناه بهيام
-بحبك يا نوري
ابتسمت قليلا ثم صمتت صمت طال بعض الوقت فتحدث (أكمل) قائلا
-فى ايه ؟! ٠٠ شكلك بتفكرى فى حاجة
تنهدت (نورهان) بعدم راحة ثم قالت
-خالتو ٠٠ عاوزة اقول لخالتو ع موضوعنا حاسة انى بكدب عليها
-قولتلك هى مش هتكره لينا الخير هى بتحبنى وبتعتبرك زي (نرمين) ٠٠ فين المشكلة قولى ؟
-المشكلة انى مش (نرمين) ٠٠ متجملش الوضع يا (أكمل) هى هتشوفنى خطفتك من بنتها
تحدث (أكمل) بضيق
-(نرمين) ماتت ماهياش عايشة شيلى التخاريف دى من دماغك ٠٠
تنهدت بإسى ثم قالت
-انت مش حاسس بتأنيب الضمير يا (أكمل) ؟! موحشتكش (نرمين) ٠٠ انت ظلمتها و ٠٠
قاطعها بإنفعال قائلا
-لا ٠٠ ارجوكى بطلى تقولى كده مظلمتهاش و ٠٠ احنا لازم نتقابل بكرة إن شاء الله وهحطلك النقط ع الحروف فى كل حاجة
شعرت (نورهان) بالقلق قائلة
-طب فى ايه طمنى ؟!
حاول (أكمل) ان يطمئنها قائلا
-متقلقيش ٠٠ بس مش عاوز اخبى عليكى حاجة
هزت (نورهان) رأسها بالإيجاب
-ماشى حبيبى
*******************
بينما اتجه (يوسف) إلى غرفة (منير) وطرق باب الغرفة فتح (منير) باب الغرفة وجد (يوسف) أمامه فإشتعلت عيناه غضبا فنظر له (يوسف) بإبتسامة رقيقة
-ممكن اتكلم معاك ؟
زفر (منير) بضيق شديد
-وانا مش عاوز ؟!
تحدث (يوسف) بنبرة حانية
-مكنتش اعرف
نظر له (منير) وقد اضيقت عيناه قائلا
-بلاش لاحسن اصدق
ثم تبع كلماته الاخيرة بإبتسامة سخرية فقال (بوسف)
-مش هنتكلم ع الواقف كده ندخل جو نتكلم شوية ٠٠ ولو مصدقتنيش انت حر
تنهد (منير) بثقل ووقف جانبا كى يدلف (يوسف) للداخل وما إن دخل حتى تبعه (منير) قائلا ببرود
-خير
ابتلع (يوسف) ريقه ثم بدء بالحديث
-بص عشان تبقى عارف عمى قالى انها بتحبك عشان فلوسك ولما اتكلمت مع (سهيلة) اكدتلى كده وكنت بسلمها الفلوس ٠٠ والله ما كنت اعرف انها مريضة لو كنت اعرف مستحيل كنت اوافق ع حاجة زى دى ولا انى اشارك فيها
صمت (منير) قليلا فتابع (يوسف) حديثه
-لازم تصدقنى انا حبيبتى ماتت وهى بتكرهنى فعارف احساس الفراق صعب اد ايه عمرى ما هوجعك الوجع ده الاحساس ده صعب يا (منير) صعب جداا
نظر له (منير) بشئ من الريبة فوقف (يوسف) عن مقعده وقال
-مش عارف اثبتلك صحة كلامى ازاى بس انا مكنش ليا مصلحة فى انك تسيب (سهيلة)
ثم تركه وذهب نحو خارج الغرفة ٠٠ جلس (منير) على الفراش وهو لا يعرف بما عليه ان يفعل ايصدقه ام يضرب بحديثه عرض الحائط ٠٠
******************
فى المساء جلس (عمر) مع (أكمل) ليتابعوا تصاميمهم فنظر له (أكمل) قائلا
-انا تعبت ٠٠ التصميم اللى سرقه (يوسف) انا تعبت فيه وسهرت عليه شهور وليالى عشان يطلع بالشكل ده و ٠٠
حاول (عمر) طمئنته قائلا
-هنعمل احسن منه بس الصبر ٠٠ الضغط النفسى والتوتر اللى انت فيه مش هتعرف تشتغل فيه
هز (أكمل) رأسه بالإيجاب
-فعلا
فى تلك اللحظة دخلت (يمنى) إلى مكتب (أكمل) فإبتسم (أكمل) قائلا
-خير يا حبيبتى
اشتعلت عينان (عمر) غيظا اثر كلمة (حبيبتى) ولكن ما العمل ف (أكمل) لن يكف عن قول تلك الكلمة ل (يمنى) حتى اذا تزوج منها (عمر) قاطعت (يمنى) افكار (عمر) قائلة
-مفيش تعبت من المذاكرة قلت اجى اقعد معاكوا ٠٠ ونفسى اكل بيتزا بقى
ابتسم (أكمل) قليلا ثم قال
-انتى متأكدة ان نفسيتك كانت تعبانة من ضغط الدروس والدراسة
ضحكت (يمنى) ضحكة خفيفة
-اومال
نهض (أكمل) عن المكتب قائلا
-هروح اطلبلك بيتزا
ابتسمت (يمنى) قليلا فنظر (أكمل) إلى (عمر) نظرة تحذيرية بإن يلزم ادبه مع (يمنى) فهمها جيدا (عمر) فنظر إلى اسفل ٠٠ خرج (أكمل) للخارج ليحضر هاتفه النقال بينما نظرت (يمنى) إلى (عمر) قائلة
-اخبارك ايه يا (عمر) ؟
-الحمد لله ٠٠
-(عمر) ممكن اطلب منك حاجة ؟
نظر لها (عمر) بإهتمام
-فى ايه ؟!
اخرجت (يمنى) هاتفها من جيب بنطالها ووقامت بفتحه ثم اعطته ل (عمر) بيد مرتعشة مسك (عمر) الهاتف ليتطلع إليه وعيناه بدئت ان تظهر عليه الغضب وهو يقرأ
(بعد امتحانك بكرة هجيلك يا (يمنى) وحشتينى جدا وعاوز اشوفك)
احمرت عينان (عمر) غضبا فقد كان المرسل بالطبع (سيف) نظر لها فإبتلعت ريقها ثم قالت
-انا لو قلت لعمو هيدبحه انه حاول يكلمنى و ٠٠ مش عارفة اعمل ايه هو بعتها ليا من الصبح وانا قلقانة
تحدث (عمر) بلهجة صارمة
-هاجى اخدك بعد الامتحان متقلقيش
-طب وعمو هنقوله ايه ؟
-ملكيش دعوة انتى يا (يمنى) ٠٠ انا هتصرف
شعرت (يمنى) بالتوتر فتحدث (عمر) بلهجة آمرة
-افردى وشك لاحسن (أكمل) يلاحظ
-ط٠٠ طيب
*****************
جلس (منير) فى غرفته يشعر بإنه يشتاق لها كثيرا فلا يفهم لما سبب البعد لا يفهم لما لا تشعر به كما يشعر هو بها فقرر ان يراها والأن لن يمنعه شئ فقد فقد عقله حتما خرج من الغرفة الخاصة به متوجها إلى غرفتها طرق باب الغرفة عدة مرات فلم يجد منها رد سمع ان شخص ما يصعد الدرج ففتح باب غرفتها مسرعا ودلف للداخل عندما رأته (سچى) داخل غرفتها صدمت وكادت ان تصرخ لولا انه وضع يده على فمها ليكتم صراخها قائلا
-اسكتى خالص
-اممم ٠٠ مممممم
حاولت بعد يده عنها بعنف حتى أزاح يده قليلا عن فمها فقالت
-جاى ليه ؟
نظر إلى ملامح وجهها فقد كان يشتاق إليها كثيرا قائلا
-وحشتينى جداا يا (سچى) ٠٠ مش قادر ع بعدك حرام عليكى اللى بتعمليه فيا ده
عقدت يدها نحو صدرها
-وانك تحاول تسجن (يوسف) ده شئ عادى ؟!! ٠٠ انت حتى محاولتش تعرف برائته !!
وضع (منير) يده على قلبه
-قلبى كان موجوع ومجروح
تنهدت (سچى) ثم نظرت فى عينه وقالت بصوت يكتم دموع تريد ان تهمر
-للدرجة دى كنت بتحبها
شعر (منير) بالتوتر ثم قال
-انتى عارفة ٠٠
لم تستطع (سچى) ان تمنع هبوط تلك الدمعة من عيناها فنزلت دون ارادتها حاولت ان تنظر لأسفل حتى لا يرى دموعها ولكنه توقف عن الحديث ورفع ذقنها ليراها قائلا
-(سچى) ٠٠
ثم مسح دموعها بيده وتابع قاائلا
-انتى مجنونة انا بحبك انتى والله بحبك ومش قادر ع زعلك مش قادر اقعد يوم من غير ما اكلمك انا اليومين اللى فاتوا عدو عليا بصعوبة
ارجعت يده للخلف لتبعدها عنه قائلة
-بكرهك يا (منير) ٠٠
نظر لها (منير) بعتاب شديد
-بتكرهينى !! انتى متعرفيش الكلمة دى بتعمل فيا ايه بتموتنى مليون مرة فى الثانية حرام عليكى يا (سچى) نفسى تحسى بيا
اعطته (سچى) ظهرها قائلة ببرود
-اطلع بارة اوضتى بدل ما اصوت
-يا (سچى) حر٠٠٠
قاطعته بغضب
-بكرهك يا (منير) بكرهك جدا وبكره كل حاجة فيك ٠٠ ماهو الحب مش بالعافية
مسك (منير) ذراعها بقوة وجعلها تلتف ليرى وجهها
-بوصيلى كده وقولى انك بتكرهينى ماهو مش معقول كل الحب اللى كنتى بتحبيه ليا اتبخر
تألم ذراع (سچى) كثيرا ثم قالت
-كانت مشاعر مراهقة ٠٠ فاكر ؟! عمرى ما هسامحك حبك مات قى قلبى خصوصا ان (يوسف) مظلوم
صر (منير) على اسنانه قائلا
-ماشى يا (سچى) ماشى ٠٠ بس انا زى عملك الاسود لو مش انا حبيبك مفيش ٠٠ مفيش واحد هيطول منك ضحكة حتى فااااهمة ؟! وخروج مانتيش خارجة من باب البيت ولو فكرتى بس مجرد تفكير فى راجل تانى يا ويله منى يا (سچى)
قالت (سچى) غير عابئة وهى تشر بإصبعها
-اللى بيحبونى كتييير وانت عارف انا بس اشاور و ٠٠
نظر لها بغضب ممسكا بسبابتها
-هيتكسر قريب يا (سچى) وورينى هتشاورى ازاى ٠٠ مين المجنون اللى يفكر بس يحط عينه عليكى وخروج من البيت ده مانتيش خارجة الا ورجلى ع رجلك
ثم ابعد يدها بضيق التى كان ممسك بها فإبتسمت بسخرية
-براحتى هخرج مع (يوسف) براحتى انت ملكش كلمة ٠٠
اشار لها بسبابته محذرا
-لا انتى ولا 10 من (يوسف) يقدروا يقوفوا قدامى وابقى ورينى هتعمليها ازاى يا ٠٠ يا مراهقة
ثم تركها وخرج خارج الغرفة وهى تشتعل غضبا منه ٠٠
******************
فى ظهيرة اليوم التالى خرجت (يمنى) من امتحانها وهى تشعر بقليل من الخوف بحثت بعيناها عن (عمر) حتى وجدته يقف امامها عند سيارته ابتسمت واتجهت نحوها ولكنها وجدت شخص ما يمسك يدها ويجذبها نحوه قائلا
-وحشتينى يا (يمنى)
ارتبكت (يمنى) قليلا وشعرت بقليل من الخوف وهى تنظر له قائلة
-(س٠٠سيف) انت عاوز منى ايه ؟
كاد ان يقول
-انا مش ه ٠٠
ولكن عندما رأه (عمر) كان قد ترجل من السيارة مسرعا واتجه نحوه وامسك ذراع ثم قام بلكمه على وجهه قائلا
-تبقى مجنون لو فكرت بس يا (سيف) تقرب منها تانى
شعر (سيف) بالغضب قائلا
-انت ملكش دعوة يا (عمر) وعلاقتى ب (يمنى) ملهاش دعوة بيكوا فااهم ؟!
شعر (عمر) بإنه قد فقد عقله تماما فإمسكه من تلاليب قميصه
-انت اتجننت رسمى لا انا ولا (أكمل) هنسمح بكده
حاولت (يمنى) التدخل
-بس بقى انتوا الاتنين ٠٠
ثم نظرت إلى (سيف) قائلة
-(سيف) احنا موضوعنا اتقفل معدش ينفع انت انسان مش كويس للأسف وانا خلاص قفلت صفحتك من حياتى
شعر (عمر) بالقليل من الرضا بينما (سيف) قد جن تماما وحدثها بصوت غاضب
-انتى مجنووونة انا مش هسيبك انتى مستحيل تبقى نسيتى حبنا
تحدث (عمر) بغضب
-لو قربت منها يا (سيف) مش عارف اقولك هعمل فيك ايه ٠٠ بس هسيبك تتخيل
مسكت (يمنى) ذراع (عمر) قائلة
-ارجوك يا (عمر) يلا نمشى انا مش عاوزة مشاكل ولا فضايح كفاية كده
صر (سيف) على اسنانه بينما اخذ (عمر) (يمنى) ليركبها السيارة وظل يرمق (سيف) بشدة محذرا إياه بعينه ثم استقل السيارة وقادها بسرعة ركل (سيف) قدمه فى الارضية غضبا ٠٠
كانت (يمنى) تبكى بالسيارة فنظر لها (عمر) وهم يزفر بضيق قائلا
-بتعيطى ليه دلوقتي ؟ محدش يقدر يقربلك وانا معاكى
حاولت (يمنى) مسح دموعها التى تنهمر وهى تقول
-مش بين يوم وليلة هعرف انسى ٠٠ حتى لو مكنتش بحبه فصعب اتخيل انه خانكوا بالطريقة دى
ضرب (عمر) يده بقوة فى عجلة القيادة ثم زفر بضيق نظرت له (يمنى) بطرف عيناها وشعرت بالخوف قليلا فقررت الصمت ٠٠
**********************
جلس (أكمل) فى مطعم ينتظر حضور (نورهان) حتى وجدها تدخل من باب المطعم ابتسم ابتسامة باهتة يشوبها التوتر شعرت به (نورهان) فجلست ونظرت له
-فى ايه يا (أكمل) ؟! صوتك وطريقة كلامك مش عجبانى
ابتلع (أكمل) ريقه وصمت قليلا ثم قال
-انا مش عاوز اكدب عليكى ٠٠ انا عمرى ما حبيت (نرمين)
عقدت (نورهان) حاجبيها قائلة
-مش فاهمة ؟ انت بتقول ايه اومال خطيبها ليه ؟
اغمض عيناه قليلا ثم قال
-اختى ماتت غريقة انتى عارفة ده مش كده ؟
-ايه العلاقة ؟
-(نرمين) هى اللى غرقتها ٠٠
اتسعت اعين (نورهان) قائلة
-ده مستحيييييل ٠٠ اللى بتقوله ده ٠٠
دوامة_عشق
علا_السعدني
لا توجد تعليقات حتى الآن "دوامة عشق 💜الحلقه 30💜 - اليك القصة"
إرسال تعليق
ملاحظة للجميع