مازالت عذراء - اليك القصة
مازالت عذراء - اليك القصة
بناااااات راكم في طريق الإنقراض😞 😭...نحبكم لكل هنا💪جبتلكم كرونيك #تونسية رووووعة عنوانها: #مازلت_عذراء أبطالها: #لمار_ومجد....لحكاية تحكي على تفكير وتقاليد المجتمع لي مزالت لحد الآن تتحكم في حياة الناس....منطولش عليكم نخليكم تقراوها اذا لقيت تفاعل نكملهالكم😇😇
:
:
:
:
الحلقة الأولى
امان امان يالماني سافر عليا وخلاني
هههه ايا بنات وحدة فيكم تجيب دربوكة
ورررررري مشاله على بنتي
(ليوم حمام عرس لمار بنية مزيانة بيضا برشاا و قصيرة شعرها اكحل و طويل عالخر عندها غمازات و حشامة ليوم حنتها بش تحني لشريك حياتها و حبها لول مجد كاانت فرحانة علخرر )
لمار لتوا مغسلت شعرك معاتش وقت عالحجامة راو
باهي
لبنات يدربكوا و يشطحوا و امها تزغرت كملت لمار حمامها لمت دبشها لبست سفساري و ركبت في الكرهبة بش تمشي للحجامة
شنوا مجد متقيش ناوي تمشي للحنة متع لمار يا صاحبي هبلت ياخي ههه
- ملا شنواا منصبرش عليها هههه كان منراهاش يمكن نهبلل ههههه
مقوى سعدها هههه
صحوبة برجوليه يلزمك تعاوني بش نمشيلها
هههه باهي مجد توا نحاول كيفاش ندخلك ههه
عيشوا صاحبي لغالي
مجد مزيان اسمر عينيه عسليين و لحية مارون خفيفة بدن مسكل و البنات لكل كالبين عليه اما هوا محلات في عينوا كان لمار حبها و عشقها و هيا زادا
مع 8
وررررري مشاله على بنتي تقتل
لمار حشمت خدودها حماروا عيشك ماا
لبست ساري هنداوي احمر و مكياج زاد فيها شطر عاملا تراس على جنب و خلخال في ساقيها طلعت تفتق
ركبت لمار في الكرهبة ماشيين لدار وين بش تعمل حنتها جواا مش نرمال وصلت و شدت كرسيها ناس لكل فارحتلها ناس لكلها تشطح و تغني عاملا جو ولمار مش معاهم لمار عينيها يدوروا هههه اي اي لمار تلوج على مجد حبيبها هيا هكاكا و ترا فيه ينادي
ارنوبتي طلع راسك فوق ههههه مجد روحي بداو يتمعشقوا هوا فوق السطح و هيا متصردة شاايخة عالخر عااملا جوا و كل مرة طيش تبسيمة بش متشلقش على روحها و ميرال اختها فايقة بيها و تشوفلهم و تصحك عليهم
جات امها قيمتها يش تشطح و هيا تحب تكمل تتمعشق مع مجد قامت بسيف و مجد شايخ علاها ضحك بدات تميل هي تجي بش تقعد و ميرال متخليهاش ملا شمايتية هههه لحاصل عملت جوا شطحت لين معاتش فيها وفات السهرية تعاد ليلة بدنيا و عملت فيها الي اشتهاتوا لكل عملت جوااا
تلموا الصبايا عملولها الحنة و هيا بش طير مالفرحة نهارين يفصلوها بش تتوحد هيا و حب حياتها مجد نهارين برك و تولي ملكوا و تولي متاعوا مزاللها نهارين في دار بوها الي عدات فيها 23 عام فرحانة و حزينة في نفس الوقت خاتر بش تبعد على اهلها و الفرحة غالبة الحزن حطت امار راسها عالمخدة و غمضت عينيها و رقدت
#تفاااااااعل عيشكم حبيباتي 😁😁
ال£حلقة 2 مازلت عذراء
وررررررررري قوم يا عروسة معاتش بكري عليك ليله وطيتك رااو حلت عينيها و تبسمت لأمها جات المرا لي تحرقس نحاتلها الحنة و عملتلها حرقوس عربي في يديها و ساقيها عملت فراشة في ظهرها و اسم حبيبها مجد في سدرها مع هيا بيضا زاد فيها الشطر بعدها كلات لقمة كملت ريقلت روحها و لبست السفساري متاعها و قصدت ربي عند الحجامة
مرحباا بيك يا عروسة لباس عليك
حمدالله عيشك فطومة
اليلة وطيتك مش هكا
هههه اي اي
ايجا نبداو خاتر معاتش بكري عليك حقا شه شه حنتك محلاها مشالله نشاله بالهنا كل شي
عيش اختي و العقبة ليك و لكل صبية نشاله
و لحجامة بدات تمكيج لمار
ا مجد سافا هكا ولا نزيد نقصلك شوي من لحيتك
هههه لا لا يزي ارنوبتي متحبنيش نمسها الحية هههه تحبها هكك
هههه ايا صحوبه مالا صحا صحا لخويا هوكا مريقل برا بدل دبشك معاتش وقت
اي اي عندك الحق و زيد امي تمشي و توصي بش منبطاش عليها
باهي مالا سلملي على خالتي خديجة و بابا شادلي
يوصل صحوبة اي نخاليك توا
خرج مجد طاير مالفرحة بش يشوف لمار ولا ارنوبة كيما يقلها هوا
£ في دار مجد £
ورررررررري العروس جا يا مرحبا بزين و العين ولدي الغالي مصلي عالنبي عليك عين الحسود فاها عود
باسلها راسها عيشك خدوجة جات نجيبة اختوا من غادي عسولي محلا زينك تقتل
باسها و انت احلى ايا نمشيوا معادش وقت راو
لمار حظرت لبست روبا روز فوشيا برينساز شعرها معمول بالبابيليز مسيب مكياج خفيف واتاها كي العادة طلعت تفتق الجماعة لكل تستنى في عايلة مجد و لمار قاعدة على كرسي التصديرة تلوج عليه بعينيها
سمعوا حس زغاريط قاموا لكل خرجوا يستقبلوا فيهم مجد بهت في زين لمار في مشطتها في مكياجها في لبستها هبلتوا خلاهم و مشا تصدر بحذاها ناس لكل تشطح عاملا جواا و مجد كل مرة يووشلها بش نمشمشك يا بمار ستنى حتا يجي غدوا و نا نورين و مرة يقلها محلا زينك ارنوب و مرة يقلها راك هبلتني
و هيا شايخة عليه ضحك تضحك من قلبها مالفرحة مفيبلهاش الي بش تتقلب حياتها فرد المرة في ليلة فرحها في ليله عمرها بسبب تخلف في امخاخ المجتمع بسبب غشاء يقيسوا بيه شرف المرة
الحلقة الثالثة مازلت عذراء
وفات السهرية روحت لمار تاعبة حتا هيا تميل ملي بدات السهرية لين وفات مقعدتش بدلت حوايجها حطت راسها عالمخدة تخمم كيفاه بش تفارق عايلتها و اهلها و دارها لي 23 سنة فيها عاشت فيها احلى دكريات عمرها احلى اياماتها هيا هكاكا تخمم صونا التليفون
الوا يا روحي
ارنوبتي وينك لتوا فايقة
اي هرب عليا النوم ههه
لا متهونش عليا تبقى فايقة لصباح
بدا يحكي معاها و يتغزل بيها حتا هزها النوم رقدت لمار كي البيبي
من غدوا قامت مع 12 جاتها امها تحمل و تبوس فاها ي روح امك صحا النوم
عيشك يا حنينة يا غاليه
نجيبلك فطورك للفرش ارتاح
ههههه لا امي مسقمة معيني ناكل حتا شي
اي اي عندك الحق اليلة عرسك اكيد هذا سقام العرايس ههه
حشمت لمار هوما اكاكا و دخلت ميرال
امي معاتش و قت راو يلزمها تدخل تعمل دوش و تمشي فاطمة الحجامة تستنى فيها كلمتني قبيلا شوي
اي اي عندك حق معاتش وقت علينا راو
دخلت لمار عملت دوش لفت السفساري و خرجت هيا و امها و اختها وصلوها للحجامة
مجد قوم عيش خويا معاتش وقت راو
نجيبة سيبني زح لبارح ساهر لصباح
ميهمنيش قوم بش توصالني نجيب روبتي و قفطان امي ملبريسنج
اووووووف منك هاني جااي
عيشوا خويا الغالي هوكا حطيطلك فطورك افطر و بدل و ايجا هاني في الكرهبة نستنا فيك
باهي
ريقل مجد روحوا و خطف الكرهبة و هز نجيبة اختوا للبريسينج و تعدا جاب كوستيم متاعوا من عند صاحبوا و روح لدار
امي هكا سافا مكياجي باهيا باهيا عسل
عيشك يا غالية زعما لمار كيفاه تطلعت
نعرش ريقل روحك فيسع و انا هاني بش نعمل ضربات كحل و نلبس قفطاني و كي ناديك ايجا ركحلي فولارتي باهي
باهي بهي تهناا
نجيبة نجيبة
وي مجد
ايجا راكاحلي الكرافات كايني مش مريقلة
لا لا تفتق و راس خويا عسل عسل كيفي ههههه
امي حظرت
اي اي
و بابا
مزال يركح في شعروا هههه
شه شه محلاه ولدي ورررررررري سعدودها لمار خدات و ربحت هههههه
لمار في الحجامة كملت لبست روبتها البيضا شعرها مسيب مجبود مكياج يقتل ملايكة كي تراها اسم مجد يبان مكتوب في سدرها تاج و اكسسورات تابعين الروبة كل ليلة تطلع احلى ملي قبلها
دخلت امها و ميرال يزغرتوا و يصلوا عنيبي و لمار شايخة
كي العادة ركبوا في الكرهبة ماشين للبلدية يكتبوا صداقهم و مبعد يتعداو لصالة يكملوا سهريتهم
الحلقة الرابعة مازلت عذراء
دخلت لمار للبلدية لقات مجد يستنا فيها الناس لكل لاهيه تحضر لكتبان الصداق اغتنم مجد الفرصه و بقا كل مرة يخطف منها بوسة و هيا شايخة ضحك كتبوا صداقهم و ركبوا الناس لكلهم في الكراهب بش يمشيوا للصالة لمار فرحانة عاللللخر حلم حياتها نحقق بش تتوحد هيا و مجد حبيبها الصالة كانت معبية هيا دخلت و هوما حطولها التعليلة قعدو ا عالكرسي شايخين و هوا كل مرة يوشوشلها كلمة زاد وترها هههه و هيا يطبيعتها حشاما
جات ام مجد للمار
ايا يا عروسة قوم بش تعمللنا شطحا باهيا قامت و بدات تميل و بعد مجد هز الميكروفون و بدا يغنيلها و الفرقة تعزف معاه " محلاكي محلاكي عمري و روحي فداكي لولاكي انا لولاكي و الله كنت بجن بموت " و هيا شايخة و بعد هزت هيا تغني " الفرحة النا فيها دي كلها ترجع ليك انا جمبك رضية و مرتاحة .... "
الناس لكلها هابلة عليهم ناس لكل فارحتلهم ناس لكلها تشطح عاملة جواا و لمار بش تجبد لقشة مسما بالفرحة عملوا جواا كانت ليلة عمرها بدنيا الي حلمت بيه و بناتوا هيا و مجد وقت لي كانت صغيرة تفكرت كيفاش كان ينحي النوار و يجيبهولها و كيفاش كلنوا يلعبوا مع بعضهم حب الصغر كبر معاهم و حلمهم حققوه اليلة كانت حاسة الي هيا بش تعيش مع حب حياتها و بش تتهنى و بش تكون اسعد عروسة في الدنيا اما المكتوب في الجبين لازم تشوفوا العين مكانتش تتوقع انوا بش يصيرلها هكا في ليلة فرحها
وفات السهرية جابتلها امها كعبات حلوا كلاتهم و كاس عصير و بعد جا المصور بدات تتصور هيا و مجد و معا عيلتوا لكلها وصل دور ميرال
مجد ميهمنيش فيك راو نحب عريس كيفك يغنيلي محلاكي
ههههههه مزلت صغيرة كي تكبر تاو نجيبلك عروس خير مني هههه
شاخت و بدات تصور معاه
كحوا كملوا ركبوا الناس لكل في الكارهبة بش يمشيوا يتهنوا علعروسة و يروحوا دخلت فاطمة الحجامة لبيت لمار نحاتلها الروبة لبستها نويزات بيضا عاودت عملتلها ضربات بلاك و ريقلتلها مكياجها و خرجت خلاتها في بيت النوم لمار كانت خايفة علخرر زيد هيا حشامة برشاا كانت تخمم كيفاه بش تعدي اليله هاكي مجد دخل عمل دوش خرج شايخ يغني زاهيتلوا ودخل للبيت الناس لكلهم لبرا يستنوا في النتيجة او بالأحرى الشمعة لين تشعل
الحلقة الخامسة مازلت عذراء
ناس كلها بدات تحكي وينهم شبيهم بطاو ام لمار خاافت على بنتها
خديجة ام مجد قالت لبنتها نجيبة زعما تطون مش عذراء
لا لا يا امي ووووه لمار تربية و اخلاق مش متع هذا
ملا شبيها الشمعة لتاو
نعرش
ام لمار وجها تبدل بدات تتفجع و بوا بمار هوا و الرجال لبرا زادا يستنوا لعباد بدات تحكي في تلقاها مكسرة في مغتصبينها و هوما هكاكا خرج مجد وجهوا ملخلخ مصدوم و خرجت لمار لابيسة جلباب تبتي بشهقة دموعها سابقينا مصدومة خايفة عاالخر
مجد بدا ينادي ايجا يا بوا شريفة بنت الفاضل ايجا هز العاهرة الي جبتها انا غالط طحان لي خذيتها قبل من ثبت من عذريتها
يا ق*** انا مش راجل لي خذيتك و بدا يبزق عليها لمار حنتها مزالت في يديها تخرج بفضيحتها قدام الناس على خاطر حاجا هيا معملتهاش جا بو لمار كي را بنتوا هكاكا مطيشة عينيها مليانة دموع و مجد يسب فيها فهم الحكاية و عرف الي بنتوا مكسرة داخ ملصدمة لمار كلمة منطقتهاش و مجد يسب و يبزق عليها هيا و بوها
اييه يا هاملة امنتك على مجد نوارة عيني تشد دغفوا هاملة متحشمش على روحك لي كيفك بلاصتهم في وكر دعارة مش لاعبة فيها حشامة وانت حتا ماعذية ماكش عذراء
ناس لكلها ولات تسب فيها و في بوها و في ربايتها برغم لي لمار معملت لا يدها لا ساقها كانت مظلومة مكانتش تعرف لي سعدها بش يتكب في ليله عرسها مجد زاد طلعلوا الدم شد كركرها من شعرها حتا للشارع
بدا يسب و يضرب و الي متعدي يبدا يتفرج الي مسخفتوا و الي شمت فيها و الي بدا يعظم عليها ام لمار كانت متأكدة من انوا بنتها عذراء و معمرها مخبات عليها حاجا و زيد هيا حشامة عيطت بطول صوتها
سكررررر فمك تتكلم عشرف بنتي اشرف منكم و اعف منكم يا جهال الشرف ميتقسش بلحمة و لا بقطرات دم تنجم تهبط و ساعات لا اما يا مجد توااا تندم بنتي شريفة و انا متأكدة و توا نهزها لطبيب و توااا تعرف لي انت خسرت كنز كان بين يديك هذا حبك ليها كان جيت تحبها حتا كان مكسره متفضحهاش تسترها اما انت حيوان يهمك كان في الغريزة متاعط لمار الف واحد يتمناها و توا تشوف هزت بناتها روحت بيهم لمار محكاتش ساكتة معملت حتا ردة فعل و كانت عارفة الي هيا عذراء
من غدوا اول معملت امها خذاتلها موعد مع الطبيب و كيف كشف عليها كانت الصدمة ...
لحلقة السادسة مازلت عذراء
كانت الصدمة كبيرة كي قالها الطبيب الي لمار تخلقت من غير غشاء بكارة صحيح الحالات هاذي نادرة اما موجودة لاكن المجتمع متاعنا قاسي و متخلف كي ميراوش قطر الدم تولي الطفلة عاهرة برغم الي هوما معندهم حتا ذنب هاذي عقليه يلزم نغيروها نرجعوا لمار
دكتور سمحني ياخي فاش قاعد تقول ياخي تنجم المرا تتخلق من غير غشاء
- اي مدام معناها بنتك مزالت عذراء متمستش و لاكن برغم هذا معندهاش غشاء بنتك عذراء خاترها متمستش و هذا الي اثبتوا التقرير الطبي متاعها
دكتور تعمل مزيا اكتبلي تقرير فيه حاله لمار و كل الي حكيتهولي تاو
- وي مدام اكيد
خذات التقرير و هزت لمار الي كانت تمشي عبد بلا روح مصدمة من مجد الي عشقتوا الي حبتوا الي كانت تبني معاه في احلامها طاح في الما بسبب تخلف المجتمع القاسي دموعها على خدها كان جات الدنيا دنيا راو اليلة صباحها و راي راقدة بحذا راجلها اماااا .....
كانت تمشي بزربة تحب تثبت للعالم لكل الي بنتها شريفة و الي صارلها طلم كبير و الي عملوهولها كان غلط في غلط كان املها الوحيد انوا ترجع كرامة بنتها و ترجعلها حقها الضايع كانت تحب راجلها يرجع يرفع راسوا بعد الفظيحة لي صارتلوا
وصلت قدام دار مجد مسحت دموع بنتها و باستها
بنتي متبكيش كل شي تو يتصلح و حقك انا حية نرجعهولك و شرفك و عفتك مهيش لحمة هيا تربيتك و اخلاقك و عقليتك و تفكيرك و قلبك الصافي مش قطر دم باستها من جبينها و دقت الباب
خرجة خديجة ام مجد كي راتهم تصدمت يا مرحبا يا مرحبا زارتنا البركة شمجيبك مزال عندك وجه تقابلنا بيه متحشمش على روحك ياخي معندكش كراما حتا باعد ما طردك مجد و انت لاسقة فيه افهم ولدي تاو مشى بش يجيبلك طلقتك ليدك و انت جايه مادامني انا عايشة و موجودة هاملة كيفك مستحيل تذخل لداري ولدي تاو نعرسلوا ب للات النسا مش ب عاه
سكر فمك معاتش تجبد بنتي على لسانك بنتي اشرف منك انت و عيلتك انت مرا متخلفة عقليتك خامجة تحكم على شرف بنتي بقطر دم مالا يلا شد عندك لمار عذراء اي عذرا اما تخلقت من غير غشارء فهمني بلاهي شنوا دنبها هيا من عند ربي و هاو تقرير الطبيب زيد بنتي مش مطيشتلك بش تدخلها هاي عند اهلها معزة مكرمة من غير مزيتك انت وولدك نسيت كي كان ولدك جرد هامل سوكارجي بنتي صلحتوا ورجعتو راجل ونص و رباتوا و توا ولات لمار خايبة هوما هكاكا و مجد جاي من غادي
الحلقة السابعة مازات عذرء
كي را مجد لمار مشا يجري دزها شمجيبك ياخي لدرجة هاذي معندكش كرامة افهم راني مستحيل نرجعلك و كان تبوس عينك منرجعلكش كي تموت قدامي و بدي يدز فيها
لمار جثة بلا روح ساكتة كايني مش معاهم دمعة في عينها و كهوا
تلفتت امها شدتلوا يدوا و عطاتو كف فيقوا على روحوا
معاتش تحط يدك علا بنتي يا هامل يا متخلف بنتي شريفة و اشرف مشريفة هاو التقرير الطبي اقرا و اتمتع لمار مش هاملا و عاهرة كيما وصفتها لمار شريفة بنت الفاضل الله غالب مش ذنبها خاتر تخلقت من غير غشاء اما اقرا التقرير لمار متمستش جملاا و انت خسرت احسن حاجا كنت كاسبها في حياتك اما مضمض لمار مستحيل بش ترجعلك بعد الي صارلها يعد ما اتهمتها هكاكا من غير سبب اعرف راك بوهالي و كان دور طول العالم متلقاش كيفهاا انا علا كل حال تاو نعرس لبنتي براجل مش بجرد طرطور ميخمم كان في قطر الدم
مجد بقا مصدوم ملكلام لي سمعوا مجد عرف لي هوا خسرها خسر لمار خسر ارنوبتوا خسر احلى حب في حياتوا خسر كل شي كان يدعموا في الدنيا دخل لبيتوا دخل لدوش دخل تحب الماا يحب ينسى يحب يرتااااااح يحب يرتح مخوا اما المسكينة لمار متكلمتش بقات ساكتا طول الثنيا قلبها مكسر و ملبارح اول كلمة قالتها امي نحب نمشي للبحر و خذات تكسي و مشات و امها روحت لدار
قاعدت عرمل شادا ببوش في يدها ترمي فيه عالموج تتفكر في كلمة ارنوبتي في عرسها في مجد كي غنالها محلاكي تبسمت و الدموع في عينيها ضحكت ضحكت ضحكت و دموعها مليانة تلفتت لحنتها لحرقوسها مزالوا كحل زادت ضحكت و بعد بدات تصيح علاااااااه يااااا ربي شعملت علااه هذا ذنبي خاتر حبيت بصدق هذااا ذنبي خاتر طعتك علاااه و بدات تبكي باعلى صوت عندها دموعها مليانة و بعد هبطت غطست في وسط الما حبت تبقى فيه بش تحاول تنسا مجد بش تحاول تنسا كلاموا الي جرحها بش تحاول تنسى كل حاجا وجعتها بدات تصيح تصيح و تبكي مازلت عذراء مازلت عذراء خرجت ملما كلها مبلوله و قررت بش تنسى مجد بش تبدى صفحا جديدة من حياتها الي فات مات بش تولي لمار جديد بش تكمل حلمها بش تولي اكبر طبيبة قلب بش تحاول داوي جروح الناس بش تنسى جروحها
مجد نادم بش ياكل صوابعوا ندم مجد قرر يحاول يصلح اغلاطوا و يرجع مرتوا لمار قرر انوا بش يصالحها باي طريقة
#يتبع_في_الحلقة_القادمة
الحلقة الثامنة مازلت عذراء
بدل مجد حوايجوا و خرج لمار مزالت عالرمل حست كايني البحر يسمع فيها كايني بصوت الموج متاعوا يهدي فيها ارتاحت رتحت اعصابها دنيا بدات تظلام معاتش وقت لمار هزت روحها و روحت
مجد كي المهبول يلوج عليها من بلاصة لبلاصة حاسس بذنب بغلطة حاسس انوا تفكيروا تقلب و تبدل ملقاهاش مشا للبار عباها بشراب و ركب في الكرهبة ماشي للمار
لمار في الدار دوشت بدلت حوايجها شدت صندوق كان مخبي في بيتها فيه كل ذكرياتها مع مجد حلتوا هذا اول كادوا عطاهولها حجرة منقوشة عليها مجد لمار دموعها هبطوا بشدات تبكي بشهقة علاه يا ربي علاه بكات لين معاتش فيها و عاودت رجعت للصندوق ماصو حلتوا تفكرنوا هذي اول رساله عطاهالها مجد بدات تقرا و تبكي
لمار يا فرحتي با نور عينيا
و الله نحبك مستحيل نسلم فيك مستحيل انا نعشقك ونعشق التراب لي تمشي عليه نهار منهارات بش نكونوا اسعد زوجين في الدنيا يا احلى ارنوبتي راني مهبول بيك و بحبك مستحيل نخليك مستحيل نوجعك شهقت لمار فحمت بالبكا كل متحاول تنساه متنجمش تفشل حبها ليه اكبر من انها تنساه لمار دخلت لحظتها في هستيريا يا كاذي انت وعدتني بش متخلينيش علاه عملت هكا معايا مزلت عروسة خرجت بفضيحا بحنتي في يديا ليله عرسي رديتني هامله خاطر قطر دم يا كاذب هيا هكاكا تبكي و تصيح و تفرغ في قلبها حتا من صحباتها كل طفاوها معاتش يتشرفوا لش يحكيوا معاها خاتر سمعوا عليها كلام لمار حياتها دمرت من جرة عادة متخلفة يقيسوا سها شرف المرا هيا هكاكا و تسمع في صوت مجد سكران ينادي
لماااااااااااار لمارررررررر اخرج اخرج لمار تفجعت خافت مسحت دموعها و هبطتت ساقيها اعلى من راسها كي راتوا تفكرت شعمل فيها كيفا بزق عليها كيفاش اهان بوها حتا داخ تفكرت كل شي عملوا فيهاا
شتحب عندي اعتقني مستحيلللللل نرجعلك كان نموت نخير نموت على اني نرجع لواحد هاني بزق عليا ضربني طردني ليله عرسي من غيير حتا سبب خاطر تخلف زايد براا روح و معادش نحب نرا منظرك في حومتي برا انساني براا اخطاني و بعد قاتلوا ستنا لحظة طلعت تجري لدار جابت الصندوق جبدتلوا الكادوات و الرسايل و قتلوا
شد هذا كذب السنين خليه عندك محاجتيش بيه ولا تعرف كيفاه مشات جابت وقيد و غاز صبت عليهم القاز و شعت فيهم الناار مجد ساكت منطق حتا كلمة و لمار تتفرج في النار الي والعة و دموعها هابطة
لحلقة التاسعة مازلت عذراء
علاه لمار ناس كلها تغلط ربي يغفر و يسامح خلي العبد دزتوا قاتلوا طير روح يا خامج ريحتك لكلها شراب و تحكي علا ربي طير من هنا رجعت سوكارجي كي العادة مالا الخامج مليه كان الخمج مشات و خلاتوا طلعت البيت تتغصور بكات بكات موقفتش
مجد قعد بحذا النار لي شاعلة يبكي يبكي و بدا يصيح علا طول صوتوا لمار سمحني والله نحبك انا حتا شي منغيرك نحبك تكون ام ولادي مرتي و حلالي نعديوا المر و الحلوا مع بعضنا هوا هكاكا يبكي و يصيح خرجلوا بوا بمار و جاب اولاد الحومة فشخوه بطريحة و هوا يبكي و يقول لمار لمار نحبك سامحني
لمار عيش بنتي قوم كول حاجا بش تموت راك نهارين مذقت شي
منحبش امي هز غادي
لا ب ش تاكل طفيه تاو نعرسلك بمخير منوا
امي عيشك منحبش نجبد الموضوع مرا اخرا
لمار لبارح صاحب بوك فيصل طلبوا كي سمع بالحكاية اقترح عليه انك تمشي بحذاه ل كندا فماش متنسا همك و منوا تكمل قرايتك و تولي طبيبة قلب
امي عيشك اخرج معندي خلوق لحتا شي الي يساعدك اعملوا لماار ماتت معات تحس بشي الي عملتوا مبروك هذاكا هوا
فرحت ام لماار عالخر باست بنتها و مشات بش تبشر بوها بالحكاية لمار تخمم كيفاش بش تفارق مجد كيفاه بش تنساه كيفاه بش تنسا حبوا اما كهو احسن حل تولي طبيبه
مجد مطيش في الصبيطار مدمدم بضرب عايلتوا كل ملمومين غادي اموا تبكي و تتحلف في عايله لمار بش دمرها و بوه ساكت مصدمة و نجيبة اختوا تبكي و تنوح علا خوها بعد شويا خرج الطبيب قالهم ولدكم تضرب برشاا و خسر دم يلزمكم تتبرعولوا و فما شكون مجماعة لي ضربوه دغروه بسكينة في كلوتوا حالتوا خطيرة و ربي يقدر الخير
ام مجد قامت تندب تبكي و تصيح علا ولدها و بعد مشات لطبيب بش تتبرعلوا بدم بش يعملولو عمليه علا كلواتوا مجد مطيش في الصبيطار
بعد جمعة لمار بدات تلم في دبشها و ديبلوماتها و كتبها بش تسافر لكندا و مجد عمل العمليه ملي قام و هوا يهتري بسم لمار الطبيب قالهم جيبوهالوا يمكن ياسر يتحسن
لمار ريقلت كل شي باش تسافر ركبت معا بوها في الكرهبة وصلها للمطار
طيارتها مزالت عليها نص ساعة
مجد حالتوا عمالي تتعكر و اهلوا كي مشاوا بدار لمار تصدموا كي سمعوا لي هيا سافرت خافوا خافوا خاترهم بش يخسروا ولدهم نوارة عينهم رجعوا لصبيطار يلقاو ولدهم عمالي حالتوا تسوء
لمار ركبت في الطيارة متاعها
يتبع_في_الحلقة_القادمة #مريم
الحلقة العاشرة مازلت عذراء
لمار حاطا كيت في وذنيها تسمع في غنايه كارول سماحة و تعودت و تبكي تفكرت مجد زعما شعامل زعما يخمم فيا كيما نخمم فيه
هبطت دمعة و هزها النوم
مجد في الصبيطار حالتوا عمال تسوء الطبيب بعثوا ل شارل نيكول حالتوا تعكرت برشاا
لمار قريب توصل لكندا بش تنسى همها و تولي طبيبة و مجد كان ديما في مخها منجمتش تنساه جملاا ساعة ساعة تهبط دمعة لاكن بطول الوقت كل شي بش يتبدل
بعد 5 سوايع
مدام ولدك مجد بدا يتجاوب مع الدوا و حالتوا مستقرة كان قعد هكا من هنا لغدوا تنجموا تروحوا بيه
وررررري حمدالله علا ولدي يفرح قلبك دكتور و مشات تبشر في نجيبة بنتها و راجلها
لمار في المطار تستنى في فيصل صاحب بوها بش يعرضها خاترها بش تسكن عندهم هيا هكاكا ة تسمع فيه ينادي
مشات تجري حملتوا بلقوووووي عمي فيصل لباس عليك لباس لبنات و تاتا حنان حمدالله بنتي كلنا لباس و هاك لمقربع فراس لباس عليه
ههه لباس كل هوكا كل يستناو فيك في الدار هههههه
مالا هيا نمشيوا
ركبوا في الكرهبة بش يهزها لدار
مجد تحسنت حالتوا و روحوا بيه لدار و مزال مسمعش الي لمار في كندا الصدمة بش تاثر على صحتوا هكا علاه محبوش يحكيولوا
لمار وصلت هيا و عمها فيصل لدار شافت مرتوا مشات تجري حملتهاااا تاتا لباس عليك
اي بنتي لباس و انت و ماماتك لباس حمدالله وينهم لينا و كنزة تووووحشتهم ر فراس برشااا
اوكا لداخل يحضروا مصباح دخلت لمار حملتهم سلمت عليهم و بعد تلفتت لفراس مهبولي ويينك حتا تليفون لا
ههه وااله خدمة بين الكلينيك و الكابيني و الله يا دوب وقت الي نرقد فيه شعاملا مالا شفما جديد
و الله شي و انت فماش حويجة
ههههههههه تهنا تهنا منبدلكش
لمار حشمت و مشات بحذا لبنات بش يحكي
نحكيلكم علا فراس و علا عايلتوا
كانوا جيران قبل ما يترقا بوهم و يولي يخدم في كندا و فراس هابل علا لمار يموت عليها من ايام الصغرة اما لمار كانت تحب مجد فراس طويل موهر شعروا مارون و عينيه كحل اسمر مزيان عالخرر و متربي برشاا هاكا علاه لمار ترتاح معاه
اياو لبنات افطروا
كنزة و لمار قومو امي تنادي للفطور
ههه هيا حتا انا جعت
فراس من بعيد يتبع في لمار بعينيه
مجد ولا لباس يخرج و يمشي للقهوة اما مزال مبراش بلقدا و مسمعش بالي لمار سافرت
الحلقة الحادية عشر مازلت عذراء
فراس ياكل و يشوف من تحت لتحت لمار مشلقة بيه اما مطفية الضواا
كنزة ياخي شبيها لينا لتاو مجات ههههه هذيكا اكيد راو تكلم في حبيبها هههه
يا ياخي مصوحبا ؟
ههه لا لا مخطوبة هههه و عرسها عام الجاي
ههههه كل شي بلهنا و انت فماش حويجا
هههه لا لا انا نكمل قرايتي و بعد يسهل للحكايات هاذهم هههه
و انت فراس وقتاه ناوي راك وليت شيباني هههههههههههه
انا مناخوا كان الطفلة لي نحبها لي عشقتها من صغرتي لي حبيتها بقلب و رب
هههههه صحا ليها و علاه متصارحهاش
قلبها مع غيري عينيه رغرغت بدموع و قام من لماكلة
لمار طلعت لبيتها تنظم في حوايجها طاحت ملفاليجة طاحت تصويرتها هيا و مجد
غزرتلها تبسمت و هبطت دمعة من عينها التصويره هادي عملتها نهار الخطبة خلاو الناس لكل لداخل و خرجوا للبحر يدورا و عملوا سلفي
زادت قوات في البكا تفكرت كيفاه طيحلها كرامتها تحب تنساه تحب تكرهوا تحب تقتلوا كيما قتلها اما الحب مخلهاش هيا هكاكا و تدخل حنان ( مرت صاحب بوها ) شبيها بنتي تبكي كي رات في يدها التصويرة فهمت علاش منرفزة حملتها باستها من جبينها
عيش الزين متبكيش ميستاهلكش كان جا يحبك راو معملش هكاكا حاول تكمل حياتك و تعاودها اختار شريك جديد يحبك ميخليكش انساه
نحبوا يا تاتا منجمش نبدلوا بغيروا اما تاو نحاول
لمار بدات تفكر بجدية في العرس رغم الي حبها لمجد كل يوم يزيد و يكبر
مجد في القهوة يسمع في ولد حومتوا يحكي و الله مربحت كان لمار بنت عمي خالد مشات لكندا و ارتاحت من تونس و من قينيتها صحا برجولية
مجد سمع اسم لما ر تهز و تنفض دموت غلاا قام طيش الكرسي ومشا لولد حومتوا
فاش تحكي انت لمار مزالت هناا وين انا كندا متاعك
هههههه شنوا صحوبة متقليش انت اخر من يعلم لماار بح مشات لكندا ههههه تكمل قرايتها و تعرس ههههههه
فاش تحكي ياخي مجد الصدمة كانت قوية بنسبا ليه مصدقش الي لمار بش تنساه و تعيش من غيروا كان مصدوم كان يسخايل روحوا اكسجين في حياة لمار اما طلع غالط لمار بش تكمل حياتها مجد قرر انوا يمشي لكندا و يرجع حبيبتوا مهما كانت التكاليف
الحلقة الثانية عشر مازلت عذراء
(و الله العظيم الحلقة هبطها خاتر الي قاعدين يدعموا فيا و الله بدنيا راكم ) مجد مشى للدار جبد اوراقوا بش يحضر روحوا بش يسافر لكندا
لمار في الدار بدلت حوايجها لبست دجين و شوميز حمراء و كحلا كاروات و كنفارس جبدت شعرها بالبلاك و عملت مكياج خفيف حطة مرايات شمس فوق راسها هزت ساكها و اوراقها و خرجت ماشية للفاك بش تقراا مزاللها كان العام هذا و تتخرج طبيبة قلب
هيا هابطة مدروج يعرضها فراس بهت في زينها في لبستها
صحاا صحاا شنواا هزين لكلوا
عيش زين فراس ماشا للفاك
ايا نوصلك
ههه اي عيشك
مشاو ركبوا في الكرهبة هزها للفاك و ثنيا كاملاا و منحاش عينيه عليها
وصلت لمار دخلت للكلاس لقات طاولة فارغة قعدت فيها دخلوا زوز بنات كي راوها وحدهاا مشاو قعدوا بحذاها
بداو يحكيوا باتونسي مع بعضهم ياخي
تعرفت عليهم وحدا اسمها ليليا وحدا اسمها فاطمة فرحت بيهم تعرفت عليهم ليليا عمرها 25 سنة مخطوبة لحبيبها قصي و فاطمة 24 سنة مخطوبة لحبيبها اسموا امين زوز بنات متربين محلاهم لمار ولات ديما معاهم ولاو اصحاب عالخرر
مجد حضر روحوا بدل حوايجوا هز الباسبور و الاوراق بش يمشي لحبيبتوا لمار و يرجعها ليه يضمها لصدروا يطلب منها السماح ركب في الكرهبة بعد مسلم علا اموا وبوه و اختوا و قصد ربي للمطار
لمار روحت لدار بعد تعب و قراية نهار كامل بدلت دبشها و هزت تليفونها تلعب بيه حلت التصاور تلقاا سلفياتها هيا و مجد الدوع نشفوا من عينيها قلبها واجعها متوحشتوااا اما مكتوب و رضات بيه مجد في الطيارة و قريب يوصل لكندا
من غدواا
لمار وينك
وي فراس ادخل
ههه هيا شقولك نمشوا نعملوا دورة
وي اش خص و الله فادة بدلت كي العدة و خرجت تحوس هيا و ياه
مجد وصل و بدا يدور في شوارع كندا و يتفرج فيها و عندا أمل كبير انوا بش يلاقي حب حياتوا
فرااس تشريلي قلاس
هههه ياقنوشوا يا قنوشوا تحب قلاس
هههه اي شوكولا
باهي مشا فراس جاب لقلاص و بدا يوكل في لمار و يضحكوا شايخين
مجد وصل بزهر لنفس البلاصة لي فيها لمار و مجد هوا هكاكا يسمع في صوت اي اي هوا صوت لمار تضحك تلفت يلقاها تاكل في القلاص من يدين فراس و تضحك شايخة شعلت فيه النار
#يتبع_في_الحلقة_القادمة
الحلقة الثالثة عشر مازلت عذراء
{كان كملت التحضير بكري تاو نكتبلكم حلقة 14 مهم تفاعلوا معايا}
لماار شتعمل شكونوا هذاكا
لمار قلبها دق بالقوي سمعت صوت حبيبها مجد تلفتتلوا خزرتلوا تمنات تمشي تبوسوا و تحملوا اما لا عملت العكس حبت تنتقم
شكونك و شيهمك فيا
امان يا لمار شكوني انا راجلك مجد
ههه راجلي اما هوا راجلي الي طردني ليلة عرسي و هنتلني انا ة عايلتي لا خويا غالط انا اصلا قدمت شكاية للضرر بش نطلقوا
فكلها يدها من فراس
ايجا هنا ابعد عليه شكونوت
حقا مقتلكش فراس خطيبي و حبيبي و توا طير محلا فراقك معتش توريني منظرك ملي ريتك ملقيت خير مجد عينيه دمعت حس باذل و الاحتقار من قبل لمار هبطت دمعة سخونة من عينوا اما مسلمش عندها الحق مزالت في لحظة غش مشا و خلاها
لمار كانت تبكي دم من داخل كرهت روحها كيفاه عملت لحب حياتها هكاكا اما كهو غلط لازم يخلص قاس شرفها ب لحمة و أهانها
فراس كان كي لطرش في الزفة مفاهم حتا شي ملحكاية محبش يسأل لمار خاتر حسها كانت منرفزة برشاا
روحت طول مشات لدوش حلت الماا علا لحمهاا تحب تنسا مجد و الي قالتهولوا تحب تكرهوا اما حبها كان صادق كل يوم يزيد تحب تقتل روحها كيفاش عاملتوا هكاكا كملت الدوش بدلات دبشها و شدت تصويرتها هيا و مجد بدا تبوس فاها و تبكي بشهقة هيا هكاكا و يدخل فراس لقاها تبكي مشالها يجري حملها شبيك لمار شفما احكيلي فرغ قلبك شبي الزين لمار بدات تبكي بشهقة و حكاتلوا لي صارلها مع مجد لكل اما محكاتلوش الي هيا عذراء و الي هيا مش مكسرة و الي تولدت من غير غشاء فراس بهت
ملا متخلف يا خي الشرف يتقاس بلحمة مالا متخلف الحب عمروا مكان هكا كي حبك يلزم يقبل بيك كيما انت
لمار قصت عليه فراس جاو ب بصراحة مزلت تحبني
لمار انا نحبك و نعشقك و عمري ما بش ننساك
مجد مستعد ترضا بيا و انا مش عذراء
انا الحكايات هاذم اخر همي ميعنيونيش الناس لكل تغلط و زيد المرا بتربيتها و اصلها لمار فرحت الي فراس يخمم هكا برغم الي مفيبالوش الي لمار عذراء اما من غير غشاء
لمار بعد ما سمعت كلاموا لكل فرحت
مجد انا مستعدة ناخذك و خممت بجدية
و بعدها حكاتلوا علا حالتها لاخر كان اختبار ليه بش متغلطش كيما غلطت كي خذات مجد اما حبها كان ليه كبير متنجمش تنساه اما الله غالب الدنيا متقفش علا غلطة
حكات هيا و فراس و تفاهموا بش يعملوا خطبة الجمعة الجاية
#يتبع_في_الحلقة_القادمة #مريم
الحلقة الرابعة عشر مازلت عذراء
مجد في الدار متكي عالفرش يخمم في لمار في كلامها لي جرحوا مجد حاسس بأغلاطوا لكل و نادم و حس الي هوا لازم يتعاقب و يخلص الي عملوا فيها
لمار في الدار موجوعة مالقرار الي خذاتوا حاسة روحها مخنوقة عالخر اما كهو هذاكا المناسب ليها مجد محترمهاش جبدت تليفونها كلمت مجد تحب تقابلوا
& في القهوة &
مجد نحب نطلق مذابيا بالتراضي
لمار انا غلط و ناس لكل تغلط سامحني اعطيني فرصة ربي يغفر و يسامح خلي العبد و الله نادم و عقليتي بدلتها منيش مجد لقديم و انا بش نكفر على دنوبي بش نعمل الي انت تحبوا خاتر الي يفرحك يفرحني من غدوا نبداو اجراءات الطلاق
لمار وجها لخلخ و صفار تحل تحملوا و تقولو حتا انا نحبك اما حاجة تمنعها اسمها كرامة
روحت لدار بدلت دبشها و رقدت طول لا ماكلة لا شراب دخلت عليها كنزة اخت فراس
شبي الزين لمار
بش نطلقوا يا كنزة ساي بش نطلقوا و حملتها و بدات تبكي بشهقة لمار معندهاش اخت تحملها و تواسيها لقات كنزة سكنها واستها حتا رقدت
بعد جمعة
لمار و مجد خارجين مالمحكمة بعد ما كملوا اجراءات الطلاق مجد حزين يبكي دم من داخل لمار اكثر منوا حزينة عالخر
لمار انا حبيتك من قلبي و محبيتلك كان الباهي ربي يسمعني عليك علم الخير و تذكر ديما و نوعدك عمري لاني بش نعرس و بش نبقى عايش علا حبك
مشا و خلاها دموعها علا خدها كل حد مشا في طريق لمار بش تقرس تشوف حياتها و مجد بش يبقا عايش لحبها
مجد روح لدار بش يبدا صفحا جديدة من حياتوا مشا دوش و لبس جبة صلاة هداتهالوا لمار في عيد ميلادوا عمل بارفان فرش السجادة كانت اول ركعة بش يصليها مجد في حياتوا كان يصلي و يبكي خاشع لربي و كي كمل بدا يدعي لربي بش يرجعلوا لمار حب حياتوا كان مشهد مؤثر عالخرر بعد ما كمل حس بروحوا خفيف كايني مولود من جديد حس هم تناحا من قلبوا الصلاة خلاتو يتفرهد يتوب لربي يكفر علا اغلاطوا الكل كان بالحق عبد نادم عالي عملوا مش خاتر لمار عذراء لا خاتر الشرف ميتقاسش يلحمة تبدل كل شي فيه من نهار الي حط فيه راسوا عالسجادة ربي هداه و كانت لمار هذا الكل بفضل عقاب لمار القاسي ليه
#يتبع_في_الحلقة_القادمة #مريم
الحلقة الخامسة عشر مازلت عذراء
مجد في الصالة شادد مصحف القرأن في يدوا هوا هكاكا و تكلموا اموا
الوا امي
وينك يا وليدي وقتاه ناوي تروح من كندا راو توحشتك قد صبري في الدنيا
امي بحول االه نهار الجمعة نروح لتونس
عيش ولدي والله بلاصتك ميفكها حتا حد هني نستناا فيك
عيش امي على خير
لمار روحت لتونس خاتر اليله فراس بش يجي يخطبها كان اصعب قرار في حياتها مجد مسكين ماشي فيبالوا لمار في كندا مفيبلوش اليله خطبتها
الناس لكل فرحانين الي لمار خذات راجل وسيد الرجال يستاهلها اما هيا مكانتش فرحانة جملا
ام مجد تسمع في الزغاريت كي طلت تسمع في الناس يخكي عرفت الي اليلة خطبت لمار مشات كلمت مجد مجد اول مسمع تصدم بكا دم من داخل لم دبشوا و خذا أول طيارة لتونس
لمار في الدار لبست مكيجت جاو اهل فراس لبست لمار الخاتم و هيا من داخل حزينة كايني مش فرحها كايني موتها كانت مزيانة عالخرر روبة روز مكياج روز و تراس علا جنب لبست الخاتم و قراو الفاتحة
هوما هكاك و يدخل مجد لابس كوستيم شادد بوكي نوار في يدوا مشالها قربلها
نشاله مبروك لمار لعقبة للعرس عينيه مليانة دموع عطاها البوكي و خرج
مشا لبلاصة خالية و بدا ينادي لماااار نحبك علاه حرام عليك راك قتلتني راك دمرتني راني وليت انسان بلا روح راني نادم علاااه يا ربي علاه يصير هكا فيا علاه شعملت راني نحبهاا بدا يبكي و يصيح حتا لين داخ
لمار دخلت لبيتها عندها غصة في قلبها حاسا روحها بش تموت بالوجيعة و القهرة اتعس نهار في حياتها اما كهو هذاكا اختيارها و هيا تتحمل مسؤوليتوا
مجد مزال مطيش دايخ هوا هكاكا و يتعدا واحد صاحبوا من غادي بزهر راه صب عليه الما عملوا برفان في خشموا و شي مجد مفاقش حطوا في الكرهبة و مشا بيه جريا لصبيطار خايف كان مجد يطلع صارتلوا حاجا
لمار في بيتها معنقة تصويرة مجد و تبكي بشهقة حست روحها ظلمتوا و ظلمت حبها ليه بكات حتا شاحوا دموعها تبكي و محملة التصوبرة في يدها
صاحب مجد وصلوا لصبيطار دخلوا الطبيب و صاحبوا كلم عايلتوا الكل بش يجيوه غادي اهلوا لكل تصبوا في الصبيطار اموا تبكي و تنوح كي خرج الطبيب من عندوا كانت الصدمة
#يتبع_في_الحلقة_القادمة #مريم
الحلقة السادسة عشر مازلت عذراء
مدام ولدك جاتوا جلطة حسب ما فهمت من حالتوا جاه خبر صدموا و مخوا متحملوش حالتوا صعيبة و منجموا نحكموا كان بعد ما يفيق
صاحت ام مجد فرد صيحة بدات تبكي و تنوح علاا ولدها بش تموت بقهرتها مجد مطيش في الصبيطار و لمار شادا تصويرتوا و تبكي تتفكر في ايام عرسها في حفلة عمرها في كل ذكراتها بمجد هيا هكاكا و تطلبها حنان ام فراس
الوا تاتا لباس عليك
اي لباس بنتي كان نسأل عليك
هاني في الدار لمار فراس مسافر لسويسرا شهرين اخرين و بش يبقا غادي عامين و يلزمكم تعرسوا قبل الشهرين الجايين
منعرفش تاتا تاو نشوف و نقلك
باهي بنتي علا خير
علا خير تاتا
هبطت دمعة سخونة من عينها اما كهو مجد غلط يخلص و مزال مفيبلهاش بالي صار لمجد
ام مجد و نجيبة و بوه لكلهم في الصبيطار لا ماكلة لا شراب هوما هكاكا و يجيهم الطبيب
دكتور مجد لباس
و الله اش بش نقلكم حالتوا حرجة و هوا في حاالة صدمة فما خبر كان سبب في حالتوا
دكتور خويا بش يعيش من هكاا
و الله انا بش نعمل الي عليا و الباقي علا ربي
باهي دكتور بدات تحمل في امها و تبكي و بعد نجيبة قررت بش متسكتش خذات تاكسي و خرجت مصبيطار قررت بش تمشي لمار و تحكيلها علا حالة مجد و عالي صار فيه بسبب قرارها صحيح خوها غلط اما خلص و بزايد
لمار تحضر في روحها بش تخرج مع فراس بش يحضروا كل شي لعرسهم معاتش وقت علاهم بدلت حوايجها و ريقلت امورها و قعدت في الصالة تستنا فيه
نجيبة وصلت قدام باب دار لمار خذات نفس مسحت عينيها مدموع و دقت الباب خرجت ام لمار حلتلها الباب فرحت بيها
لمار ايجا نجيبة جات طل عليك
لمار فرحت بنجيبة زيد هيا باهيا مع لمار و اصحاب مصغرة و عشيرات عمر
لمار نشاله مبروك سمعت بيك تخطبت
عيشك نجيبة عقبة ليك
عيش اختي
شوف لمار انا جيتك لهنا بش نقلك الي مجد ...
#يتبع_في_الحلقة_القادمة #مريم
الحلقة السابعة عشر مازلت عذراء
مجد جاتوا جلطة مطيش في الصبيطار خويا تعاقب علا غلاطوا و هواا نادم يا لمار و الله يحبك و يعشقك و يموت عليك غلط و خلص انت الشخص الوحيد الي ينجم ينقذوا مالموت
لمار تصدمت ملقات متقول دموعها سبقوها قامت تبكي و حملت نجيبة نحيوا يا نجيبة نحبوا منجمش نعيش من غيروا راني نعشقوا اما هاك ريت شعملي انا عرسي الشهر الجاي شنواا بش نجم نعملواا و اله نحبوااا اما طو تخطبت منجم نعمل حت شي
بدات تحمل فيها و تبوس مشاو لصبيطار دخلت لمار تجري للبيت الي فيها مجد بدات تبكي بقات تحكي معاه علا لكلام الي جرحهولها بكات بكات حتا معاتش فيها دموع نشفوا من عينيها معاتش تستحمل
فراس وصل لدار لقا ام لمار غادي وخرجتلوا قاتلوا يا وليدي مشات لمجد في الصبيطار جاتوا جلطة المسكين بين حيا و موت
فراس شعلت نار الغيرة في قلبوا معاتش ينجم يستحمل يرا خاطيبتوا و حب حياتو مع غيروا خدم الكرهبة مشا يجري لصبيطار كي لقاها شادة يدو و تبكي شدها من يدها و هزها معاه للكرهبة
شوف لمار انا راني راجل لحم و دم و نحس كانك معاتش تحب تكمل معايا متعدبنيش كان تحب نقصوها من تاو منحملش نراك مع غيري
لا لا يا فراس اش قام هالكلام عرسنا الشهر الجاي علاه تحب تفسدها
باهي هيا نمشوا نشوفوا الصالة كيما تفاهمنا
هيا
لمار كان قلبها طول الوقت مع مجد كانت تخمم زعما فاق زعما لباس شوي طو كان مخها مش مع فراس جملا
الحب غلبها اما مجد عمل فيها كهوا و فراس راجل معاها حبها بصدق الي تطلب تلقا كهوا يلزم تعرس و تمشي معاه لسويسرا بش تحاول تنسا مجد و حبها ليه
لمار شقولك مزيانا ماك تحب روز موف اهيا صاله تعمل 66 كيف
باهي كان تحب اكريها هيا انا راسي يوجع ماشيا لدار نرتاح
مجد بدا يفيق و بدا يستعيد في وعيوا
يتبع في الحلقة القادمة #مريم
الحلقة الثامنة عشر مازلت عذراء
دكتور دكتور امان ايجا فيسع مجد بدا يفيق
حمدالله بفضل ربي مجد رجع فاق و عندوا أمل انوا يعيش في الدنيا
وررررررررررررررري حمداله علا ولدي
مدام ولدك مزال كي فاق خليه يرتاح ميلزمش يكون عليه ضغط
بهي وليدي هاني خرجت
لمار ؤوحت لدار طلعت فوق السطح و بقات طل علا دار مجد من غادي تتفكر في اياماتها معاه كي كانوا صغار
لمار نحبك بلثاا و كي نكبلو بث نعرثوا
لا لا انا بث نقعد عند ماا منحبث نبعد عليها مذد ثقولك كان تذي انت تعيث بحذايا و هكاكا منبعدث علا ماما
اي واله فكلة و نلعبوا بادمية و الكلهبة مع بعدنا هههههه
تبسمت وحدها غمضت عينيها تخمم يلزمها تفهم روحها تاخوا فراس ولا تبقا مع مجد الي هيا تعشقوا اما فراس مسكين شنوا دنبوا حبها بصدق و وقف معاها خممت خممت و بعد قررت تبقا مع فراس هوا لي عطاها قيمتها و كارها هوا لي مخلاهاش خذات قرارها وفا بش تعرس بفراس و اكيد مع طول الوقت توا تحبوا و تولي تنسا مجد
مجد مجد سافا توا لطف عليك يا خويا لا يوريك سو
لمار وينها لمار وينها
مجد عيش ولدي هدي روحك طو تجي لمار
وينها نحبها تسامحني نحب نغنيلها محلاكي لماار وينك يا دنيتي راني نحبك ونموت فيك راك عمري معاك بنيت احلامي غلط و نستاهل اكثر من هكا اما و النبي والله نحبك موووت لماارر وينك و بدا يصيح و يبكي علا طول صوتوا نحبك ارنوووووووووبتي ارنوووووووبتي
لمار في نفس الوقت تخمم فيه زعما فاق زعما لباس شويا طوا كلمها فراس
لمار حبي وينك
هاني في الدار
لنار خممت في قرارك ولا لا
اي فراس انا خممت و قررت معاك انت بش نكمل حياتي و حبي لمجد مع طول الوقت يتنسا
فراس كان حاسس الي لمار نبرة صوتها كل حزن و دموع حس باذنب حس لي هوا فرق زوز عشقوا بعظهم موووت بقا يخمم يخمم اش بش يتصرف
مجد المسكين كان يبكي بش يموت مالقهرة مذنب حاسس باذنب تمنا الوقت يرجع بيه لتالي و ميعميلش الي عملوا اما كهو وفااا عرف الي هوا خسرها و مستحيل ترجعلوا بعد لي عملوا فيها
فراس بدا يخمم بجدية بش يبطل من لمار خاتر هوا يحبها يحب يراها فرحانة حتا كان معا غيروا
#يتبع_في_الحلقة_القادمة
جااام امان بش متتسكرش الباج و رايكم
ماكس جام نزيد حلقة اخراا #مريم
الحلقة التاسعة عشر مازلت عذراء
الوا لمار
وي فراس
اخرج هاني نستنا فيك لبرا قدام الدار
باهي هاني خارجة
ؤكبوا في الكرهبة و هزها معاه للبحر
فراس علاه جبتني لهنا
بش نحكيوا
شوف لمار انا منجمش نحكي معاك و نعرس بيك نشوف في حبك لمجد بعينيا و انا مستعد نفسخ الخطبة طوا كان تحب
حطت يدها علا فموا
لا فراس منفسخوا شي انا بش نعرس بيك و مستحيل اني نتراجع علا قراري مجد نحاول ننساه و كهوا حياتي المستقبلية معاك
فراس فرح عالخرر حس روحوا برجوليتوا بتقديروا لمار كسبها
فراس انا عندي شرط وحيد
الي هوا شنوا
نحب عرس بساكتة نهار كتبان صداق و كهوا لا صالة لا شي
كيفاه لمار هاذي فرحة عمرنا بش نعملوا عرس الناس لكل تحكي بيه
لا فراس هذا شرطي الوحيد
بهي الي عملتوا انت مبروك
باهي عيشك
مجد مزال يحضر في روحوا بش يخرج مصبيطار و كان مأيس من رجوع لمار ليه هذاكا علاه حط روحوا قدام الامر الواقع زيد لمار اقل من جمعتين و تكون مع فراس لازم يحاول ينساها لاكن مستحيل يبدلها بوحدا اخرا
في نفس الوقت لمار بدات تحضر في عرسها مزالت جمعة بركا تفصلها علا حياتها الجديدة حبها لمجد كبير اما فراس خير و اكيد بش يهنيها خاتروا يحبها بصدق
مجد في الدار يصلي و يدعي لربي انو ي نسا لمار و حبها و ذكرياتها يدعيلوا بش يغفرلوا دنوبوا لكل
لمار بدات تحضر في لعرسها شرات جهازها لكل و كرات الدار الي بش تعيش فيها مع فراس ريقل كل شي
فراس كان مهموم كان يخمم كيفاه بش ينجم يعيش مع بنية حبها و هيا قليها مع غيروا كيفاه بش ينجم يستحمل يبعد لمار عالي تحبوا كيفاه بش ينجم ينسيها فيه
لمار قلبها دم بش تفارق حب حياتها للابد كيفاه بش تنجم تقاوم تعيش مع فراس و تعطية بدنها و قلبها و حياتها كيفاه بش تنجم تعدي عمرها مع راجل معندها حتا احساس تجاهوا مع شخص مكانتش تتخيلوا شريك حياتها في نهار منهارات
تعدات جمعة لف لف و بدا العد التنازلي غدوا كتبان الصداق غذوا لمار بش تعرس بفراس غدوا بش تحطم الي بناتوا معاه لكل و تبدا من جديد
يتبع في الحلقة ألقادمة #مريم
مازلت عذراء الحلقة عشرون
ورررري مشاله على بنتي الهم صلي عنيبي مزينك
برغم الي لمار كانت عادية روبة عادية بيضا شعرها مشطة و مكياج خفيف و طلعت تهبل الناس لكلها فارحة لماار خاترها تعذبت برشاا في حياتها خرجت مالحجامة و ركبت في الكرهبة ماشين لدار فراس بش يكتبوا صداقهم غادي و يعملوا لمة عائلية شويا جو و شطيح مابين بعضهم
وصلت لمار للدار الناس لكل تزغرت فارحتلها هيا حزينة كايني مش عرسها موتها اما كهوا مجد صفحة و طواتها من حياتها قعدت عالكرسي سألها العدل انسة لمار *** تقبل بفراس *** راجلك على سنة الله و رسولوا هزت راسها بحشمة اي نقبل فراس زادا وافق صححوا ناس لكل تزغرت و فارحة قعدت هيا و فراس علا كرسي حاطوا غنا شويا صبايا يشطحو هوما هكاك و يدخل مجد مشالهم مد يدوا الفراس تبسملوا تبسيمة مخلطة ببرشا دموع و حزن مبروك صاحبي سلم عليه مبروك لمار دموعوا سبقتوا سلم فيسع و خرج البرا يمسح في دموعوا لمار حست روحها في دوامة حست بحرقة كبيرة في قلبها حست الي هيا ظلمت حبها و ظلمت فراس معاها دموعها هبطوا فراس شالق بكل شي اما مش مبين بعد شويا زاد جا مجد و بدا يعاون في عايلة لمار علا كل شي فرق الحلو و العصير كي كملوا الناس العشا نظف الطواول لم الكراسي و في لخر هبط يشطح كان يبكي يبكي دموع دم حس بجمرة في ثلبوا نار شاعلة فيه لمار اكثر منوا حست الي قلبها مات ساي خسرتوا بدات حياتها مع فراس و فراس كان هايم في دنيا اخراا كهوا خذا طفلة ملوليد الي تحبوا و بعدها عليه حس بندم خاصة كي را مجد يبكي و يعاون فيهم كي مد يدوا باركلهم الذنب قتلوا
وفات الشبه سهرية الي عملوها ناس لكلها روحت مجد مشا للبحر هز معاه شقف بدا يبكي بشهقة و يصيح لمااااار نحبك علاه هكا خليتني بكا بكا حتا هزوا النوم عينيه ولات جمر مالبكا
لمار وصلت لدارها هيا و فراس اليوم بش تعيش مع راجلها في دارها جاتها الحجامة ريقلتهاو خلاتها فوق الفرش لمار كانت خايفة عالخررر مالي بش يصير في اليله هاكي هيا هكاكا هايمة و خايفة و يدخل فراس
يتبع في الحلقة القادمة #مريم
الحلقة الواحدة و عشرون مازلت عذراء
لمار متخافش جيست نهز مخدتي و نمشي لصالة نرقد منمسكش كان برضايتك و مستعد نصبر عليك خوذ وقتك
و خرج مشا لصالة
لمار حست بتأنيب الضمير بش تحرموا من حقوا مدامها قبلت تاخذوا لازمها تقبل بعلاقة بيناتهم قامت لمار مشاتلوا لصالة و فيقتوا
فراس فراس قوم اليلة عرسنا يلزمك تمسني هدا حقك الطبيعي و انا راضية و موافقة
فراس فرح قام باسها من جبينها و قالها
انت هدية بعثهالي ربي مسماء ربي يخليك و مشاو لبيت النوم
عدات لمار ليلة كيما اي عروسة كانت متوحشا مجد و قلبهت معاه اما كهو يلزم تكمل حياتها مع فراس
تعدات جمعة
مجد كان الشقف و البكا كل يوم يمشي للبحر يشرب و يبكي في النهار يرقد لا ماكلة لا حت شي لحية هايجة حوايج مسخة و كل ليلة يبات يبكي علا لمار
لمار كانت متعذبة عالخر بالرغم الي فراس كان يا طبق الورد وين نحطك الي تطلب تلقا كانت اكثر مالي تستحقوا و فراس غير تطلب حاجا يمشي يجري محسسها بالحب يحبها تولي تحبوا كيما هوا يحبها كان يعشقها اما الي كاتب في الايمات الجاية مش بش يتوقعوا حتا حد
لمار كانت مرتاحة معاه كانت عايشة معاه حياة زوجية كاملة طل علا امها و بوها و تمشي لحماتها حتا لين جا النهار الي بش تسافر فيه لسويسرا مع راجلها حظرت فاليجاتها باسبورها ركحت كل شي و مشات لدارهم سلمت علا امها و بوها و تعدات لحماتها زادا سلمت عليها و ركبت في الكرهبة ماشية للمطار هيا و فراس هوما هكاك قاعدين يستناو و يجي مجد امان لمار بش تمشي و تخليني و الله نحبك و نادم بدا يبكي و هبط عالقاعة يبكي بشهقة لمار عينيها دمعوا سخفها ماهو الا الراجل الي حبتوا و عشقتوا و صاحب طفولتها الي كانت مابقاش نهار متراهش و متكلموش مشالوا فراس قيموا و قالو مكتوب صاحبي ربي يجيبلك الي تناسبك وصل وقت الطيارة مشاو و مجد بقا غادي
#مريم
الحلقة الثانية و العشرون مازلت عذراء
هوما وصلوا بش يركبوا في الطيارة و لمار داخت فراس تفجع و بدا يصيح جيبولي طبيب مرتي داخت اجريوا فيسع
مجاه حد حملها و هزها حطها في الكرهبة و طول مشا بيها للصبيطار دخلوها بقا يستنا خايف و مفجوع وجهوا اصفر ملخلخ خايف لا يكون بيها حاجا
هوا هكاكا خرجلوا الطبيب قالوا مبروك سي فراس عن قريب بش تولي بوا
فراس فراح قام يصيح مالفرحة حمل الطبيب و مشا يجري لمار حملها و باسها يا عمري انت يا روحي انت بش تجيبلي تحلا هدية في الدنيا بمار كانت تتمنا انوا كان هذا ولدها من مجد اما خسارة مش كاتب
مج روح بلمار يسايس فيها كلموا اهلهم الكل جات ام لمار تزغرت و فرحانة ناس لكلها شايخة معاهم فارحتلهم مجد كي سمع بالي لمار حبلة تدمر حس روحوا مييت كهوا مجد قرر بش ينتحر بش يقتل روحوا لمار نساتوا و حبت فراس اما لا لمار كل يوم حبها يقوا لمجد
لمار تستقبل فيالي جاوها هيا هكاكا و يدخلوا اصحابها و خواتها متع الصغرة #مهدي و #منال مشات تجري تحمل فيهم و تبوس منال مهدي وينكم واله توحشتكم مطلوش عليا وينهم الولاد شبيكم مجبتوهمش معاكم ياخي
و الله يا لمار و راس وخيتي لاهيين هكا علاه و الجيان بقدرة ربي طو نولي نطل عليك
لمار كانت فرحانة بولدها الي بش يجي في نفس الوقت كانت خايفة من ردة فعل مجد كي يسمع بحبالتها
فراس طول الجمعة كان هايم و داخل بعضوا متبدل برشاا نهار كامل شادد كراسة مذكرات و يكتب فيها
لمار لاحظت هذا و كي سألتوا قالها شي و مبعد قالها لمار كان تجرالي حاجا رد بالك علا ولدنا و الي في كراستي نحبك توعدني تنفدوا لمار حطت يدها علا فموا متقولش هكا ربي يخليك و نوعدك الي فيها نعملوا و حملها و رقدوا
في نفس الوقت مجد يخمم في الطريقة الي بش ينتحر بها بش يخلد الحب متاعوا للمار و يعرفوا الناس لكل الي هوا ندم و خلص
يتبع في الحلقة القادمة
الحلقة الثالثة و عشرون مازلت عذراء ن غدوا الصباح قامت لمار دوشت حضرت املات لفراس كيما هوا يحبها حضرتلوا قهوتوا كي العادة و مشات بش تفيقوا
فراس فراس قوم معاتش وقت عليك
شنوا طوا ماكش ناوي تنقص مدلال متاعك ايا قوم عاد قهوتك بش تبرد
شي فراس مقامش بعدت عليه الغطا تلقاه بارد و عينيه محلاولا صاحت فراس قوم فراس قوم شبيك فراس قوم قامت تصيح تبكي بطول صوتها بش تموت بقهرتها حط يد فراس علا كرشها قوم ولدك يناديلك قوم فراس علاه هكا متخليناش تخلي ولدك يتيم قوم تبكي تصيح تخبط مات فراس مات
جاو الجيران كلموا اهل لمار ناس لكلهم جاو بكا نديب عياط راجل مات لبارح كان بيناتهم لبارح كان يفدلك يضحك و يلعب باس كرش لمار قلها بش يجي وليد مزيان كي اموا و رجال كي بوه هزوا فراس لصبيطار و كانت الصدمة
فراس كان مريض باسرطان في الكبدة خبا مرضوا عناس لكل لمار في الصبيطار زرقولها بش هدات خايفين عالبيبي الي في كرشها
مجد حاضر بش ينتحر كتب اسم لمار علا سدروا و كلمة سامحني
و شد الام بش يقطع عروقوا و يرتاح
هوا هكاكا و دق اموا تصدمت كي رات ولدها هكاكا حالتوا كلوا دم من سدروا بدات تحمل فيه و تبوس علاه يا وليدي علاه تحب تقصف شبابك فيالك فراس الدوام لله
مجد كي سمع الخبر دخل في حيط علاه قام يبكي وجعوا فراس باهي معاه سخفوا مشا للصبيطار بش يطل و يعزي لمار و اهل فراس
لمار فاقت قامت تصيح الكراسة وينها الكراسة اي اي كراسة مدكرات فراس
مشاوا يجريوا جابوهالها مدار حلتها و بدات تقرا
لمار نعرف الي انا خذيتك و انت متحبنيش مالي سمعت بمرض متاعي عرفت اني بش نموت علا قريب محبيتش نوجعك بحتا كلمة لمار كي نموت نحبك تاخذ مجد و تعرس بيه تكمل حياتك معاه صحيح هوا غلط معاك اما خلص و يحبك بصدق مجد نادم يا لمار نادم و يحبك وصيتي ليك تاخذوا و زادا نحبك تحافظ علا ولدنا و رد بالك علا صحتك نحبك تدعيلي ديما و انا في قبري و زورني الي نملكوا لكل ملك ولدي ولا بنتي الي بش يجي متنسانيش راجلك الي حبك طول عمروا فراس
لمار طيحت الكراسة من ايدها قامت تخبط و تصيح النسا شادينها خافين علا الي في كرشها مجد مزال مسمعش بالي كتبوا فرا س قبل ميموت و مش فاهم شنوا لي موجود في الكراسة بش خلا لمار تتأثر هكا طبس بش يهزها و يقرا اش فيها
الحلقة الرابعة و عشرون و الاخيرة مازلت عذراء
مجد هز الكراسة و بدا يقرا دموعوا هبطط فراس حي و لا مييت يخمم فيه و في حبوا لمار مشا يجري حمل لمار و بدا و يبكيوا الزوز تعدات الايام و الشهور لمار حبلة و كرشها كل يوم تزيد تكبر بش تجيب وليد عن قريب
فراس بقا ذكرا منجمتش لماار تنساها ذكرا باهيا في حياتها
لمار ديما تتقابل مع مجد قداش تبدل تفكيرا تقلب كان عبد وولا عبد اخر لمار قررت انها بش تكتب صداقها علا مجد كيما وصاها فراس بعد موتوا ب 5 شهور يلمزمها تكتب صداقها
نهارتلي كتبت صداقها كان يوم عادي روبة عادية و لبست حجاب كانت كي الملايكة مجد كان اسعد راجل في الدنيا
مجد كي روح هوا و لمار لدارهم ممسهاش جملاا صحيح حبهم لبعضهم كبير اما لمار مزالت تاعبة مالي صايرلها
كانت حزينة علا فراس الي مات و فرحانة خاترها توحدت مع مجد حب حياتها
تعدات ايام و جات ايام
نهار لمار راقدة في فرشها هيا هكاكا و يشدها وجيعة قوية عالخررررر قامت تصيح مجد تفجع فهم الي هيا بش تولد كلم دارهم و داروا و هزها لصبيطار
الوقت تعدا بسيف مجد خايف و لمار في بيت العملية
خرج الطبيب
دكتور دكتور مرتي و لدي لباس
اي لباس و ولدي لباس
اي متخافش لباس عليه
ناس لكل ملمومين يباركوا لمار بولادتها هوما هكاكا و جتهم الطبيبة بش تقيد اسم الوليد لمار و مجد ملي صغار كانوا متفاهمين كي بش يجيبوا وليد يسميوه امين هيا جات بش تقول امين و مجد قص عليها فراس بش نسمي ولدي
لمار فرحت عينيها تملاو دموع فرحت الي مجد تبدل و تصلح و بدل تفكيروا
لمار كانت فرحانة عايشة هيا و مجد متفاهمين عالخر و هوا يا طبق الورد وين نحطك
حكاية مجد و لمار كانت عبارة عن عينة من واقعنا انا كتبت القصة هادي بش نوعي برشاا ناس الي لمرا شرفها ميتقاسش بغشاء و برشاا ناس يعتبرا المرا عاهرة كي متكونش عذراء نشالله تكون فهمتوهااا
:
:
:
:
الحلقة الأولى
امان امان يالماني سافر عليا وخلاني
هههه ايا بنات وحدة فيكم تجيب دربوكة
ورررررري مشاله على بنتي
(ليوم حمام عرس لمار بنية مزيانة بيضا برشاا و قصيرة شعرها اكحل و طويل عالخر عندها غمازات و حشامة ليوم حنتها بش تحني لشريك حياتها و حبها لول مجد كاانت فرحانة علخرر )
لمار لتوا مغسلت شعرك معاتش وقت عالحجامة راو
باهي
لبنات يدربكوا و يشطحوا و امها تزغرت كملت لمار حمامها لمت دبشها لبست سفساري و ركبت في الكرهبة بش تمشي للحجامة
شنوا مجد متقيش ناوي تمشي للحنة متع لمار يا صاحبي هبلت ياخي ههه
- ملا شنواا منصبرش عليها هههه كان منراهاش يمكن نهبلل ههههه
مقوى سعدها هههه
صحوبة برجوليه يلزمك تعاوني بش نمشيلها
هههه باهي مجد توا نحاول كيفاش ندخلك ههه
عيشوا صاحبي لغالي
مجد مزيان اسمر عينيه عسليين و لحية مارون خفيفة بدن مسكل و البنات لكل كالبين عليه اما هوا محلات في عينوا كان لمار حبها و عشقها و هيا زادا
مع 8
وررررري مشاله على بنتي تقتل
لمار حشمت خدودها حماروا عيشك ماا
لبست ساري هنداوي احمر و مكياج زاد فيها شطر عاملا تراس على جنب و خلخال في ساقيها طلعت تفتق
ركبت لمار في الكرهبة ماشيين لدار وين بش تعمل حنتها جواا مش نرمال وصلت و شدت كرسيها ناس لكل فارحتلها ناس لكلها تشطح و تغني عاملا جو ولمار مش معاهم لمار عينيها يدوروا هههه اي اي لمار تلوج على مجد حبيبها هيا هكاكا و ترا فيه ينادي
ارنوبتي طلع راسك فوق ههههه مجد روحي بداو يتمعشقوا هوا فوق السطح و هيا متصردة شاايخة عالخر عااملا جوا و كل مرة طيش تبسيمة بش متشلقش على روحها و ميرال اختها فايقة بيها و تشوفلهم و تصحك عليهم
جات امها قيمتها يش تشطح و هيا تحب تكمل تتمعشق مع مجد قامت بسيف و مجد شايخ علاها ضحك بدات تميل هي تجي بش تقعد و ميرال متخليهاش ملا شمايتية هههه لحاصل عملت جوا شطحت لين معاتش فيها وفات السهرية تعاد ليلة بدنيا و عملت فيها الي اشتهاتوا لكل عملت جوااا
تلموا الصبايا عملولها الحنة و هيا بش طير مالفرحة نهارين يفصلوها بش تتوحد هيا و حب حياتها مجد نهارين برك و تولي ملكوا و تولي متاعوا مزاللها نهارين في دار بوها الي عدات فيها 23 عام فرحانة و حزينة في نفس الوقت خاتر بش تبعد على اهلها و الفرحة غالبة الحزن حطت امار راسها عالمخدة و غمضت عينيها و رقدت
#تفاااااااعل عيشكم حبيباتي 😁😁
ال£حلقة 2 مازلت عذراء
وررررررررري قوم يا عروسة معاتش بكري عليك ليله وطيتك رااو حلت عينيها و تبسمت لأمها جات المرا لي تحرقس نحاتلها الحنة و عملتلها حرقوس عربي في يديها و ساقيها عملت فراشة في ظهرها و اسم حبيبها مجد في سدرها مع هيا بيضا زاد فيها الشطر بعدها كلات لقمة كملت ريقلت روحها و لبست السفساري متاعها و قصدت ربي عند الحجامة
مرحباا بيك يا عروسة لباس عليك
حمدالله عيشك فطومة
اليلة وطيتك مش هكا
هههه اي اي
ايجا نبداو خاتر معاتش بكري عليك حقا شه شه حنتك محلاها مشالله نشاله بالهنا كل شي
عيش اختي و العقبة ليك و لكل صبية نشاله
و لحجامة بدات تمكيج لمار
ا مجد سافا هكا ولا نزيد نقصلك شوي من لحيتك
هههه لا لا يزي ارنوبتي متحبنيش نمسها الحية هههه تحبها هكك
هههه ايا صحوبه مالا صحا صحا لخويا هوكا مريقل برا بدل دبشك معاتش وقت
اي اي عندك الحق و زيد امي تمشي و توصي بش منبطاش عليها
باهي مالا سلملي على خالتي خديجة و بابا شادلي
يوصل صحوبة اي نخاليك توا
خرج مجد طاير مالفرحة بش يشوف لمار ولا ارنوبة كيما يقلها هوا
£ في دار مجد £
ورررررررري العروس جا يا مرحبا بزين و العين ولدي الغالي مصلي عالنبي عليك عين الحسود فاها عود
باسلها راسها عيشك خدوجة جات نجيبة اختوا من غادي عسولي محلا زينك تقتل
باسها و انت احلى ايا نمشيوا معادش وقت راو
لمار حظرت لبست روبا روز فوشيا برينساز شعرها معمول بالبابيليز مسيب مكياج خفيف واتاها كي العادة طلعت تفتق الجماعة لكل تستنى في عايلة مجد و لمار قاعدة على كرسي التصديرة تلوج عليه بعينيها
سمعوا حس زغاريط قاموا لكل خرجوا يستقبلوا فيهم مجد بهت في زين لمار في مشطتها في مكياجها في لبستها هبلتوا خلاهم و مشا تصدر بحذاها ناس لكل تشطح عاملا جواا و مجد كل مرة يووشلها بش نمشمشك يا بمار ستنى حتا يجي غدوا و نا نورين و مرة يقلها محلا زينك ارنوب و مرة يقلها راك هبلتني
و هيا شايخة عليه ضحك تضحك من قلبها مالفرحة مفيبلهاش الي بش تتقلب حياتها فرد المرة في ليلة فرحها في ليله عمرها بسبب تخلف في امخاخ المجتمع بسبب غشاء يقيسوا بيه شرف المرة
الحلقة الثالثة مازلت عذراء
وفات السهرية روحت لمار تاعبة حتا هيا تميل ملي بدات السهرية لين وفات مقعدتش بدلت حوايجها حطت راسها عالمخدة تخمم كيفاه بش تفارق عايلتها و اهلها و دارها لي 23 سنة فيها عاشت فيها احلى دكريات عمرها احلى اياماتها هيا هكاكا تخمم صونا التليفون
الوا يا روحي
ارنوبتي وينك لتوا فايقة
اي هرب عليا النوم ههه
لا متهونش عليا تبقى فايقة لصباح
بدا يحكي معاها و يتغزل بيها حتا هزها النوم رقدت لمار كي البيبي
من غدوا قامت مع 12 جاتها امها تحمل و تبوس فاها ي روح امك صحا النوم
عيشك يا حنينة يا غاليه
نجيبلك فطورك للفرش ارتاح
ههههه لا امي مسقمة معيني ناكل حتا شي
اي اي عندك الحق اليلة عرسك اكيد هذا سقام العرايس ههه
حشمت لمار هوما اكاكا و دخلت ميرال
امي معاتش و قت راو يلزمها تدخل تعمل دوش و تمشي فاطمة الحجامة تستنى فيها كلمتني قبيلا شوي
اي اي عندك حق معاتش وقت علينا راو
دخلت لمار عملت دوش لفت السفساري و خرجت هيا و امها و اختها وصلوها للحجامة
مجد قوم عيش خويا معاتش وقت راو
نجيبة سيبني زح لبارح ساهر لصباح
ميهمنيش قوم بش توصالني نجيب روبتي و قفطان امي ملبريسنج
اووووووف منك هاني جااي
عيشوا خويا الغالي هوكا حطيطلك فطورك افطر و بدل و ايجا هاني في الكرهبة نستنا فيك
باهي
ريقل مجد روحوا و خطف الكرهبة و هز نجيبة اختوا للبريسينج و تعدا جاب كوستيم متاعوا من عند صاحبوا و روح لدار
امي هكا سافا مكياجي باهيا باهيا عسل
عيشك يا غالية زعما لمار كيفاه تطلعت
نعرش ريقل روحك فيسع و انا هاني بش نعمل ضربات كحل و نلبس قفطاني و كي ناديك ايجا ركحلي فولارتي باهي
باهي بهي تهناا
نجيبة نجيبة
وي مجد
ايجا راكاحلي الكرافات كايني مش مريقلة
لا لا تفتق و راس خويا عسل عسل كيفي ههههه
امي حظرت
اي اي
و بابا
مزال يركح في شعروا هههه
شه شه محلاه ولدي ورررررررري سعدودها لمار خدات و ربحت هههههه
لمار في الحجامة كملت لبست روبتها البيضا شعرها مسيب مجبود مكياج يقتل ملايكة كي تراها اسم مجد يبان مكتوب في سدرها تاج و اكسسورات تابعين الروبة كل ليلة تطلع احلى ملي قبلها
دخلت امها و ميرال يزغرتوا و يصلوا عنيبي و لمار شايخة
كي العادة ركبوا في الكرهبة ماشين للبلدية يكتبوا صداقهم و مبعد يتعداو لصالة يكملوا سهريتهم
الحلقة الرابعة مازلت عذراء
دخلت لمار للبلدية لقات مجد يستنا فيها الناس لكل لاهيه تحضر لكتبان الصداق اغتنم مجد الفرصه و بقا كل مرة يخطف منها بوسة و هيا شايخة ضحك كتبوا صداقهم و ركبوا الناس لكلهم في الكراهب بش يمشيوا للصالة لمار فرحانة عاللللخر حلم حياتها نحقق بش تتوحد هيا و مجد حبيبها الصالة كانت معبية هيا دخلت و هوما حطولها التعليلة قعدو ا عالكرسي شايخين و هوا كل مرة يوشوشلها كلمة زاد وترها هههه و هيا يطبيعتها حشاما
جات ام مجد للمار
ايا يا عروسة قوم بش تعمللنا شطحا باهيا قامت و بدات تميل و بعد مجد هز الميكروفون و بدا يغنيلها و الفرقة تعزف معاه " محلاكي محلاكي عمري و روحي فداكي لولاكي انا لولاكي و الله كنت بجن بموت " و هيا شايخة و بعد هزت هيا تغني " الفرحة النا فيها دي كلها ترجع ليك انا جمبك رضية و مرتاحة .... "
الناس لكلها هابلة عليهم ناس لكل فارحتلهم ناس لكلها تشطح عاملة جواا و لمار بش تجبد لقشة مسما بالفرحة عملوا جواا كانت ليلة عمرها بدنيا الي حلمت بيه و بناتوا هيا و مجد وقت لي كانت صغيرة تفكرت كيفاش كان ينحي النوار و يجيبهولها و كيفاش كلنوا يلعبوا مع بعضهم حب الصغر كبر معاهم و حلمهم حققوه اليلة كانت حاسة الي هيا بش تعيش مع حب حياتها و بش تتهنى و بش تكون اسعد عروسة في الدنيا اما المكتوب في الجبين لازم تشوفوا العين مكانتش تتوقع انوا بش يصيرلها هكا في ليلة فرحها
وفات السهرية جابتلها امها كعبات حلوا كلاتهم و كاس عصير و بعد جا المصور بدات تتصور هيا و مجد و معا عيلتوا لكلها وصل دور ميرال
مجد ميهمنيش فيك راو نحب عريس كيفك يغنيلي محلاكي
ههههههه مزلت صغيرة كي تكبر تاو نجيبلك عروس خير مني هههه
شاخت و بدات تصور معاه
كحوا كملوا ركبوا الناس لكل في الكارهبة بش يمشيوا يتهنوا علعروسة و يروحوا دخلت فاطمة الحجامة لبيت لمار نحاتلها الروبة لبستها نويزات بيضا عاودت عملتلها ضربات بلاك و ريقلتلها مكياجها و خرجت خلاتها في بيت النوم لمار كانت خايفة علخرر زيد هيا حشامة برشاا كانت تخمم كيفاه بش تعدي اليله هاكي مجد دخل عمل دوش خرج شايخ يغني زاهيتلوا ودخل للبيت الناس لكلهم لبرا يستنوا في النتيجة او بالأحرى الشمعة لين تشعل
الحلقة الخامسة مازلت عذراء
ناس كلها بدات تحكي وينهم شبيهم بطاو ام لمار خاافت على بنتها
خديجة ام مجد قالت لبنتها نجيبة زعما تطون مش عذراء
لا لا يا امي ووووه لمار تربية و اخلاق مش متع هذا
ملا شبيها الشمعة لتاو
نعرش
ام لمار وجها تبدل بدات تتفجع و بوا بمار هوا و الرجال لبرا زادا يستنوا لعباد بدات تحكي في تلقاها مكسرة في مغتصبينها و هوما هكاكا خرج مجد وجهوا ملخلخ مصدوم و خرجت لمار لابيسة جلباب تبتي بشهقة دموعها سابقينا مصدومة خايفة عاالخر
مجد بدا ينادي ايجا يا بوا شريفة بنت الفاضل ايجا هز العاهرة الي جبتها انا غالط طحان لي خذيتها قبل من ثبت من عذريتها
يا ق*** انا مش راجل لي خذيتك و بدا يبزق عليها لمار حنتها مزالت في يديها تخرج بفضيحتها قدام الناس على خاطر حاجا هيا معملتهاش جا بو لمار كي را بنتوا هكاكا مطيشة عينيها مليانة دموع و مجد يسب فيها فهم الحكاية و عرف الي بنتوا مكسرة داخ ملصدمة لمار كلمة منطقتهاش و مجد يسب و يبزق عليها هيا و بوها
اييه يا هاملة امنتك على مجد نوارة عيني تشد دغفوا هاملة متحشمش على روحك لي كيفك بلاصتهم في وكر دعارة مش لاعبة فيها حشامة وانت حتا ماعذية ماكش عذراء
ناس لكلها ولات تسب فيها و في بوها و في ربايتها برغم لي لمار معملت لا يدها لا ساقها كانت مظلومة مكانتش تعرف لي سعدها بش يتكب في ليله عرسها مجد زاد طلعلوا الدم شد كركرها من شعرها حتا للشارع
بدا يسب و يضرب و الي متعدي يبدا يتفرج الي مسخفتوا و الي شمت فيها و الي بدا يعظم عليها ام لمار كانت متأكدة من انوا بنتها عذراء و معمرها مخبات عليها حاجا و زيد هيا حشامة عيطت بطول صوتها
سكررررر فمك تتكلم عشرف بنتي اشرف منكم و اعف منكم يا جهال الشرف ميتقسش بلحمة و لا بقطرات دم تنجم تهبط و ساعات لا اما يا مجد توااا تندم بنتي شريفة و انا متأكدة و توا نهزها لطبيب و توااا تعرف لي انت خسرت كنز كان بين يديك هذا حبك ليها كان جيت تحبها حتا كان مكسره متفضحهاش تسترها اما انت حيوان يهمك كان في الغريزة متاعط لمار الف واحد يتمناها و توا تشوف هزت بناتها روحت بيهم لمار محكاتش ساكتة معملت حتا ردة فعل و كانت عارفة الي هيا عذراء
من غدوا اول معملت امها خذاتلها موعد مع الطبيب و كيف كشف عليها كانت الصدمة ...
لحلقة السادسة مازلت عذراء
كانت الصدمة كبيرة كي قالها الطبيب الي لمار تخلقت من غير غشاء بكارة صحيح الحالات هاذي نادرة اما موجودة لاكن المجتمع متاعنا قاسي و متخلف كي ميراوش قطر الدم تولي الطفلة عاهرة برغم الي هوما معندهم حتا ذنب هاذي عقليه يلزم نغيروها نرجعوا لمار
دكتور سمحني ياخي فاش قاعد تقول ياخي تنجم المرا تتخلق من غير غشاء
- اي مدام معناها بنتك مزالت عذراء متمستش و لاكن برغم هذا معندهاش غشاء بنتك عذراء خاترها متمستش و هذا الي اثبتوا التقرير الطبي متاعها
دكتور تعمل مزيا اكتبلي تقرير فيه حاله لمار و كل الي حكيتهولي تاو
- وي مدام اكيد
خذات التقرير و هزت لمار الي كانت تمشي عبد بلا روح مصدمة من مجد الي عشقتوا الي حبتوا الي كانت تبني معاه في احلامها طاح في الما بسبب تخلف المجتمع القاسي دموعها على خدها كان جات الدنيا دنيا راو اليلة صباحها و راي راقدة بحذا راجلها اماااا .....
كانت تمشي بزربة تحب تثبت للعالم لكل الي بنتها شريفة و الي صارلها طلم كبير و الي عملوهولها كان غلط في غلط كان املها الوحيد انوا ترجع كرامة بنتها و ترجعلها حقها الضايع كانت تحب راجلها يرجع يرفع راسوا بعد الفظيحة لي صارتلوا
وصلت قدام دار مجد مسحت دموع بنتها و باستها
بنتي متبكيش كل شي تو يتصلح و حقك انا حية نرجعهولك و شرفك و عفتك مهيش لحمة هيا تربيتك و اخلاقك و عقليتك و تفكيرك و قلبك الصافي مش قطر دم باستها من جبينها و دقت الباب
خرجة خديجة ام مجد كي راتهم تصدمت يا مرحبا يا مرحبا زارتنا البركة شمجيبك مزال عندك وجه تقابلنا بيه متحشمش على روحك ياخي معندكش كراما حتا باعد ما طردك مجد و انت لاسقة فيه افهم ولدي تاو مشى بش يجيبلك طلقتك ليدك و انت جايه مادامني انا عايشة و موجودة هاملة كيفك مستحيل تذخل لداري ولدي تاو نعرسلوا ب للات النسا مش ب عاه
سكر فمك معاتش تجبد بنتي على لسانك بنتي اشرف منك انت و عيلتك انت مرا متخلفة عقليتك خامجة تحكم على شرف بنتي بقطر دم مالا يلا شد عندك لمار عذراء اي عذرا اما تخلقت من غير غشارء فهمني بلاهي شنوا دنبها هيا من عند ربي و هاو تقرير الطبيب زيد بنتي مش مطيشتلك بش تدخلها هاي عند اهلها معزة مكرمة من غير مزيتك انت وولدك نسيت كي كان ولدك جرد هامل سوكارجي بنتي صلحتوا ورجعتو راجل ونص و رباتوا و توا ولات لمار خايبة هوما هكاكا و مجد جاي من غادي
الحلقة السابعة مازات عذرء
كي را مجد لمار مشا يجري دزها شمجيبك ياخي لدرجة هاذي معندكش كرامة افهم راني مستحيل نرجعلك و كان تبوس عينك منرجعلكش كي تموت قدامي و بدي يدز فيها
لمار جثة بلا روح ساكتة كايني مش معاهم دمعة في عينها و كهوا
تلفتت امها شدتلوا يدوا و عطاتو كف فيقوا على روحوا
معاتش تحط يدك علا بنتي يا هامل يا متخلف بنتي شريفة و اشرف مشريفة هاو التقرير الطبي اقرا و اتمتع لمار مش هاملا و عاهرة كيما وصفتها لمار شريفة بنت الفاضل الله غالب مش ذنبها خاتر تخلقت من غير غشاء اما اقرا التقرير لمار متمستش جملاا و انت خسرت احسن حاجا كنت كاسبها في حياتك اما مضمض لمار مستحيل بش ترجعلك بعد الي صارلها يعد ما اتهمتها هكاكا من غير سبب اعرف راك بوهالي و كان دور طول العالم متلقاش كيفهاا انا علا كل حال تاو نعرس لبنتي براجل مش بجرد طرطور ميخمم كان في قطر الدم
مجد بقا مصدوم ملكلام لي سمعوا مجد عرف لي هوا خسرها خسر لمار خسر ارنوبتوا خسر احلى حب في حياتوا خسر كل شي كان يدعموا في الدنيا دخل لبيتوا دخل لدوش دخل تحب الماا يحب ينسى يحب يرتااااااح يحب يرتح مخوا اما المسكينة لمار متكلمتش بقات ساكتا طول الثنيا قلبها مكسر و ملبارح اول كلمة قالتها امي نحب نمشي للبحر و خذات تكسي و مشات و امها روحت لدار
قاعدت عرمل شادا ببوش في يدها ترمي فيه عالموج تتفكر في كلمة ارنوبتي في عرسها في مجد كي غنالها محلاكي تبسمت و الدموع في عينيها ضحكت ضحكت ضحكت و دموعها مليانة تلفتت لحنتها لحرقوسها مزالوا كحل زادت ضحكت و بعد بدات تصيح علاااااااه يااااا ربي شعملت علااه هذا ذنبي خاتر حبيت بصدق هذااا ذنبي خاتر طعتك علاااه و بدات تبكي باعلى صوت عندها دموعها مليانة و بعد هبطت غطست في وسط الما حبت تبقى فيه بش تحاول تنسا مجد بش تحاول تنسا كلاموا الي جرحها بش تحاول تنسى كل حاجا وجعتها بدات تصيح تصيح و تبكي مازلت عذراء مازلت عذراء خرجت ملما كلها مبلوله و قررت بش تنسى مجد بش تبدى صفحا جديدة من حياتها الي فات مات بش تولي لمار جديد بش تكمل حلمها بش تولي اكبر طبيبة قلب بش تحاول داوي جروح الناس بش تنسى جروحها
مجد نادم بش ياكل صوابعوا ندم مجد قرر يحاول يصلح اغلاطوا و يرجع مرتوا لمار قرر انوا بش يصالحها باي طريقة
#يتبع_في_الحلقة_القادمة
الحلقة الثامنة مازلت عذراء
بدل مجد حوايجوا و خرج لمار مزالت عالرمل حست كايني البحر يسمع فيها كايني بصوت الموج متاعوا يهدي فيها ارتاحت رتحت اعصابها دنيا بدات تظلام معاتش وقت لمار هزت روحها و روحت
مجد كي المهبول يلوج عليها من بلاصة لبلاصة حاسس بذنب بغلطة حاسس انوا تفكيروا تقلب و تبدل ملقاهاش مشا للبار عباها بشراب و ركب في الكرهبة ماشي للمار
لمار في الدار دوشت بدلت حوايجها شدت صندوق كان مخبي في بيتها فيه كل ذكرياتها مع مجد حلتوا هذا اول كادوا عطاهولها حجرة منقوشة عليها مجد لمار دموعها هبطوا بشدات تبكي بشهقة علاه يا ربي علاه بكات لين معاتش فيها و عاودت رجعت للصندوق ماصو حلتوا تفكرنوا هذي اول رساله عطاهالها مجد بدات تقرا و تبكي
لمار يا فرحتي با نور عينيا
و الله نحبك مستحيل نسلم فيك مستحيل انا نعشقك ونعشق التراب لي تمشي عليه نهار منهارات بش نكونوا اسعد زوجين في الدنيا يا احلى ارنوبتي راني مهبول بيك و بحبك مستحيل نخليك مستحيل نوجعك شهقت لمار فحمت بالبكا كل متحاول تنساه متنجمش تفشل حبها ليه اكبر من انها تنساه لمار دخلت لحظتها في هستيريا يا كاذي انت وعدتني بش متخلينيش علاه عملت هكا معايا مزلت عروسة خرجت بفضيحا بحنتي في يديا ليله عرسي رديتني هامله خاطر قطر دم يا كاذب هيا هكاكا تبكي و تصيح و تفرغ في قلبها حتا من صحباتها كل طفاوها معاتش يتشرفوا لش يحكيوا معاها خاتر سمعوا عليها كلام لمار حياتها دمرت من جرة عادة متخلفة يقيسوا سها شرف المرا هيا هكاكا و تسمع في صوت مجد سكران ينادي
لماااااااااااار لمارررررررر اخرج اخرج لمار تفجعت خافت مسحت دموعها و هبطتت ساقيها اعلى من راسها كي راتوا تفكرت شعمل فيها كيفا بزق عليها كيفاش اهان بوها حتا داخ تفكرت كل شي عملوا فيهاا
شتحب عندي اعتقني مستحيلللللل نرجعلك كان نموت نخير نموت على اني نرجع لواحد هاني بزق عليا ضربني طردني ليله عرسي من غيير حتا سبب خاطر تخلف زايد براا روح و معادش نحب نرا منظرك في حومتي برا انساني براا اخطاني و بعد قاتلوا ستنا لحظة طلعت تجري لدار جابت الصندوق جبدتلوا الكادوات و الرسايل و قتلوا
شد هذا كذب السنين خليه عندك محاجتيش بيه ولا تعرف كيفاه مشات جابت وقيد و غاز صبت عليهم القاز و شعت فيهم الناار مجد ساكت منطق حتا كلمة و لمار تتفرج في النار الي والعة و دموعها هابطة
لحلقة التاسعة مازلت عذراء
علاه لمار ناس كلها تغلط ربي يغفر و يسامح خلي العبد دزتوا قاتلوا طير روح يا خامج ريحتك لكلها شراب و تحكي علا ربي طير من هنا رجعت سوكارجي كي العادة مالا الخامج مليه كان الخمج مشات و خلاتوا طلعت البيت تتغصور بكات بكات موقفتش
مجد قعد بحذا النار لي شاعلة يبكي يبكي و بدا يصيح علا طول صوتوا لمار سمحني والله نحبك انا حتا شي منغيرك نحبك تكون ام ولادي مرتي و حلالي نعديوا المر و الحلوا مع بعضنا هوا هكاكا يبكي و يصيح خرجلوا بوا بمار و جاب اولاد الحومة فشخوه بطريحة و هوا يبكي و يقول لمار لمار نحبك سامحني
لمار عيش بنتي قوم كول حاجا بش تموت راك نهارين مذقت شي
منحبش امي هز غادي
لا ب ش تاكل طفيه تاو نعرسلك بمخير منوا
امي عيشك منحبش نجبد الموضوع مرا اخرا
لمار لبارح صاحب بوك فيصل طلبوا كي سمع بالحكاية اقترح عليه انك تمشي بحذاه ل كندا فماش متنسا همك و منوا تكمل قرايتك و تولي طبيبة قلب
امي عيشك اخرج معندي خلوق لحتا شي الي يساعدك اعملوا لماار ماتت معات تحس بشي الي عملتوا مبروك هذاكا هوا
فرحت ام لماار عالخر باست بنتها و مشات بش تبشر بوها بالحكاية لمار تخمم كيفاش بش تفارق مجد كيفاه بش تنساه كيفاه بش تنسا حبوا اما كهو احسن حل تولي طبيبه
مجد مطيش في الصبيطار مدمدم بضرب عايلتوا كل ملمومين غادي اموا تبكي و تتحلف في عايله لمار بش دمرها و بوه ساكت مصدمة و نجيبة اختوا تبكي و تنوح علا خوها بعد شويا خرج الطبيب قالهم ولدكم تضرب برشاا و خسر دم يلزمكم تتبرعولوا و فما شكون مجماعة لي ضربوه دغروه بسكينة في كلوتوا حالتوا خطيرة و ربي يقدر الخير
ام مجد قامت تندب تبكي و تصيح علا ولدها و بعد مشات لطبيب بش تتبرعلوا بدم بش يعملولو عمليه علا كلواتوا مجد مطيش في الصبيطار
بعد جمعة لمار بدات تلم في دبشها و ديبلوماتها و كتبها بش تسافر لكندا و مجد عمل العمليه ملي قام و هوا يهتري بسم لمار الطبيب قالهم جيبوهالوا يمكن ياسر يتحسن
لمار ريقلت كل شي باش تسافر ركبت معا بوها في الكرهبة وصلها للمطار
طيارتها مزالت عليها نص ساعة
مجد حالتوا عمالي تتعكر و اهلوا كي مشاوا بدار لمار تصدموا كي سمعوا لي هيا سافرت خافوا خافوا خاترهم بش يخسروا ولدهم نوارة عينهم رجعوا لصبيطار يلقاو ولدهم عمالي حالتوا تسوء
لمار ركبت في الطيارة متاعها
يتبع_في_الحلقة_القادمة #مريم
الحلقة العاشرة مازلت عذراء
لمار حاطا كيت في وذنيها تسمع في غنايه كارول سماحة و تعودت و تبكي تفكرت مجد زعما شعامل زعما يخمم فيا كيما نخمم فيه
هبطت دمعة و هزها النوم
مجد في الصبيطار حالتوا عمال تسوء الطبيب بعثوا ل شارل نيكول حالتوا تعكرت برشاا
لمار قريب توصل لكندا بش تنسى همها و تولي طبيبة و مجد كان ديما في مخها منجمتش تنساه جملاا ساعة ساعة تهبط دمعة لاكن بطول الوقت كل شي بش يتبدل
بعد 5 سوايع
مدام ولدك مجد بدا يتجاوب مع الدوا و حالتوا مستقرة كان قعد هكا من هنا لغدوا تنجموا تروحوا بيه
وررررري حمدالله علا ولدي يفرح قلبك دكتور و مشات تبشر في نجيبة بنتها و راجلها
لمار في المطار تستنى في فيصل صاحب بوها بش يعرضها خاترها بش تسكن عندهم هيا هكاكا ة تسمع فيه ينادي
مشات تجري حملتوا بلقوووووي عمي فيصل لباس عليك لباس لبنات و تاتا حنان حمدالله بنتي كلنا لباس و هاك لمقربع فراس لباس عليه
ههه لباس كل هوكا كل يستناو فيك في الدار هههههه
مالا هيا نمشيوا
ركبوا في الكرهبة بش يهزها لدار
مجد تحسنت حالتوا و روحوا بيه لدار و مزال مسمعش الي لمار في كندا الصدمة بش تاثر على صحتوا هكا علاه محبوش يحكيولوا
لمار وصلت هيا و عمها فيصل لدار شافت مرتوا مشات تجري حملتهاااا تاتا لباس عليك
اي بنتي لباس و انت و ماماتك لباس حمدالله وينهم لينا و كنزة تووووحشتهم ر فراس برشااا
اوكا لداخل يحضروا مصباح دخلت لمار حملتهم سلمت عليهم و بعد تلفتت لفراس مهبولي ويينك حتا تليفون لا
ههه وااله خدمة بين الكلينيك و الكابيني و الله يا دوب وقت الي نرقد فيه شعاملا مالا شفما جديد
و الله شي و انت فماش حويجة
ههههههههه تهنا تهنا منبدلكش
لمار حشمت و مشات بحذا لبنات بش يحكي
نحكيلكم علا فراس و علا عايلتوا
كانوا جيران قبل ما يترقا بوهم و يولي يخدم في كندا و فراس هابل علا لمار يموت عليها من ايام الصغرة اما لمار كانت تحب مجد فراس طويل موهر شعروا مارون و عينيه كحل اسمر مزيان عالخرر و متربي برشاا هاكا علاه لمار ترتاح معاه
اياو لبنات افطروا
كنزة و لمار قومو امي تنادي للفطور
ههه هيا حتا انا جعت
فراس من بعيد يتبع في لمار بعينيه
مجد ولا لباس يخرج و يمشي للقهوة اما مزال مبراش بلقدا و مسمعش بالي لمار سافرت
الحلقة الحادية عشر مازلت عذراء
فراس ياكل و يشوف من تحت لتحت لمار مشلقة بيه اما مطفية الضواا
كنزة ياخي شبيها لينا لتاو مجات ههههه هذيكا اكيد راو تكلم في حبيبها هههه
يا ياخي مصوحبا ؟
ههه لا لا مخطوبة هههه و عرسها عام الجاي
ههههه كل شي بلهنا و انت فماش حويجا
هههه لا لا انا نكمل قرايتي و بعد يسهل للحكايات هاذهم هههه
و انت فراس وقتاه ناوي راك وليت شيباني هههههههههههه
انا مناخوا كان الطفلة لي نحبها لي عشقتها من صغرتي لي حبيتها بقلب و رب
هههههه صحا ليها و علاه متصارحهاش
قلبها مع غيري عينيه رغرغت بدموع و قام من لماكلة
لمار طلعت لبيتها تنظم في حوايجها طاحت ملفاليجة طاحت تصويرتها هيا و مجد
غزرتلها تبسمت و هبطت دمعة من عينها التصويره هادي عملتها نهار الخطبة خلاو الناس لكل لداخل و خرجوا للبحر يدورا و عملوا سلفي
زادت قوات في البكا تفكرت كيفاه طيحلها كرامتها تحب تنساه تحب تكرهوا تحب تقتلوا كيما قتلها اما الحب مخلهاش هيا هكاكا و تدخل حنان ( مرت صاحب بوها ) شبيها بنتي تبكي كي رات في يدها التصويرة فهمت علاش منرفزة حملتها باستها من جبينها
عيش الزين متبكيش ميستاهلكش كان جا يحبك راو معملش هكاكا حاول تكمل حياتك و تعاودها اختار شريك جديد يحبك ميخليكش انساه
نحبوا يا تاتا منجمش نبدلوا بغيروا اما تاو نحاول
لمار بدات تفكر بجدية في العرس رغم الي حبها لمجد كل يوم يزيد و يكبر
مجد في القهوة يسمع في ولد حومتوا يحكي و الله مربحت كان لمار بنت عمي خالد مشات لكندا و ارتاحت من تونس و من قينيتها صحا برجولية
مجد سمع اسم لما ر تهز و تنفض دموت غلاا قام طيش الكرسي ومشا لولد حومتوا
فاش تحكي انت لمار مزالت هناا وين انا كندا متاعك
هههههه شنوا صحوبة متقليش انت اخر من يعلم لماار بح مشات لكندا ههههه تكمل قرايتها و تعرس ههههههه
فاش تحكي ياخي مجد الصدمة كانت قوية بنسبا ليه مصدقش الي لمار بش تنساه و تعيش من غيروا كان مصدوم كان يسخايل روحوا اكسجين في حياة لمار اما طلع غالط لمار بش تكمل حياتها مجد قرر انوا يمشي لكندا و يرجع حبيبتوا مهما كانت التكاليف
الحلقة الثانية عشر مازلت عذراء
(و الله العظيم الحلقة هبطها خاتر الي قاعدين يدعموا فيا و الله بدنيا راكم ) مجد مشى للدار جبد اوراقوا بش يحضر روحوا بش يسافر لكندا
لمار في الدار بدلت حوايجها لبست دجين و شوميز حمراء و كحلا كاروات و كنفارس جبدت شعرها بالبلاك و عملت مكياج خفيف حطة مرايات شمس فوق راسها هزت ساكها و اوراقها و خرجت ماشية للفاك بش تقراا مزاللها كان العام هذا و تتخرج طبيبة قلب
هيا هابطة مدروج يعرضها فراس بهت في زينها في لبستها
صحاا صحاا شنواا هزين لكلوا
عيش زين فراس ماشا للفاك
ايا نوصلك
ههه اي عيشك
مشاو ركبوا في الكرهبة هزها للفاك و ثنيا كاملاا و منحاش عينيه عليها
وصلت لمار دخلت للكلاس لقات طاولة فارغة قعدت فيها دخلوا زوز بنات كي راوها وحدهاا مشاو قعدوا بحذاها
بداو يحكيوا باتونسي مع بعضهم ياخي
تعرفت عليهم وحدا اسمها ليليا وحدا اسمها فاطمة فرحت بيهم تعرفت عليهم ليليا عمرها 25 سنة مخطوبة لحبيبها قصي و فاطمة 24 سنة مخطوبة لحبيبها اسموا امين زوز بنات متربين محلاهم لمار ولات ديما معاهم ولاو اصحاب عالخرر
مجد حضر روحوا بدل حوايجوا هز الباسبور و الاوراق بش يمشي لحبيبتوا لمار و يرجعها ليه يضمها لصدروا يطلب منها السماح ركب في الكرهبة بعد مسلم علا اموا وبوه و اختوا و قصد ربي للمطار
لمار روحت لدار بعد تعب و قراية نهار كامل بدلت دبشها و هزت تليفونها تلعب بيه حلت التصاور تلقاا سلفياتها هيا و مجد الدوع نشفوا من عينيها قلبها واجعها متوحشتوااا اما مكتوب و رضات بيه مجد في الطيارة و قريب يوصل لكندا
من غدواا
لمار وينك
وي فراس ادخل
ههه هيا شقولك نمشوا نعملوا دورة
وي اش خص و الله فادة بدلت كي العدة و خرجت تحوس هيا و ياه
مجد وصل و بدا يدور في شوارع كندا و يتفرج فيها و عندا أمل كبير انوا بش يلاقي حب حياتوا
فرااس تشريلي قلاس
هههه ياقنوشوا يا قنوشوا تحب قلاس
هههه اي شوكولا
باهي مشا فراس جاب لقلاص و بدا يوكل في لمار و يضحكوا شايخين
مجد وصل بزهر لنفس البلاصة لي فيها لمار و مجد هوا هكاكا يسمع في صوت اي اي هوا صوت لمار تضحك تلفت يلقاها تاكل في القلاص من يدين فراس و تضحك شايخة شعلت فيه النار
#يتبع_في_الحلقة_القادمة
الحلقة الثالثة عشر مازلت عذراء
{كان كملت التحضير بكري تاو نكتبلكم حلقة 14 مهم تفاعلوا معايا}
لماار شتعمل شكونوا هذاكا
لمار قلبها دق بالقوي سمعت صوت حبيبها مجد تلفتتلوا خزرتلوا تمنات تمشي تبوسوا و تحملوا اما لا عملت العكس حبت تنتقم
شكونك و شيهمك فيا
امان يا لمار شكوني انا راجلك مجد
ههه راجلي اما هوا راجلي الي طردني ليلة عرسي و هنتلني انا ة عايلتي لا خويا غالط انا اصلا قدمت شكاية للضرر بش نطلقوا
فكلها يدها من فراس
ايجا هنا ابعد عليه شكونوت
حقا مقتلكش فراس خطيبي و حبيبي و توا طير محلا فراقك معتش توريني منظرك ملي ريتك ملقيت خير مجد عينيه دمعت حس باذل و الاحتقار من قبل لمار هبطت دمعة سخونة من عينوا اما مسلمش عندها الحق مزالت في لحظة غش مشا و خلاها
لمار كانت تبكي دم من داخل كرهت روحها كيفاه عملت لحب حياتها هكاكا اما كهو غلط لازم يخلص قاس شرفها ب لحمة و أهانها
فراس كان كي لطرش في الزفة مفاهم حتا شي ملحكاية محبش يسأل لمار خاتر حسها كانت منرفزة برشاا
روحت طول مشات لدوش حلت الماا علا لحمهاا تحب تنسا مجد و الي قالتهولوا تحب تكرهوا اما حبها كان صادق كل يوم يزيد تحب تقتل روحها كيفاش عاملتوا هكاكا كملت الدوش بدلات دبشها و شدت تصويرتها هيا و مجد بدا تبوس فاها و تبكي بشهقة هيا هكاكا و يدخل فراس لقاها تبكي مشالها يجري حملها شبيك لمار شفما احكيلي فرغ قلبك شبي الزين لمار بدات تبكي بشهقة و حكاتلوا لي صارلها مع مجد لكل اما محكاتلوش الي هيا عذراء و الي هيا مش مكسرة و الي تولدت من غير غشاء فراس بهت
ملا متخلف يا خي الشرف يتقاس بلحمة مالا متخلف الحب عمروا مكان هكا كي حبك يلزم يقبل بيك كيما انت
لمار قصت عليه فراس جاو ب بصراحة مزلت تحبني
لمار انا نحبك و نعشقك و عمري ما بش ننساك
مجد مستعد ترضا بيا و انا مش عذراء
انا الحكايات هاذم اخر همي ميعنيونيش الناس لكل تغلط و زيد المرا بتربيتها و اصلها لمار فرحت الي فراس يخمم هكا برغم الي مفيبالوش الي لمار عذراء اما من غير غشاء
لمار بعد ما سمعت كلاموا لكل فرحت
مجد انا مستعدة ناخذك و خممت بجدية
و بعدها حكاتلوا علا حالتها لاخر كان اختبار ليه بش متغلطش كيما غلطت كي خذات مجد اما حبها كان ليه كبير متنجمش تنساه اما الله غالب الدنيا متقفش علا غلطة
حكات هيا و فراس و تفاهموا بش يعملوا خطبة الجمعة الجاية
#يتبع_في_الحلقة_القادمة #مريم
الحلقة الرابعة عشر مازلت عذراء
مجد في الدار متكي عالفرش يخمم في لمار في كلامها لي جرحوا مجد حاسس بأغلاطوا لكل و نادم و حس الي هوا لازم يتعاقب و يخلص الي عملوا فيها
لمار في الدار موجوعة مالقرار الي خذاتوا حاسة روحها مخنوقة عالخر اما كهو هذاكا المناسب ليها مجد محترمهاش جبدت تليفونها كلمت مجد تحب تقابلوا
& في القهوة &
مجد نحب نطلق مذابيا بالتراضي
لمار انا غلط و ناس لكل تغلط سامحني اعطيني فرصة ربي يغفر و يسامح خلي العبد و الله نادم و عقليتي بدلتها منيش مجد لقديم و انا بش نكفر على دنوبي بش نعمل الي انت تحبوا خاتر الي يفرحك يفرحني من غدوا نبداو اجراءات الطلاق
لمار وجها لخلخ و صفار تحل تحملوا و تقولو حتا انا نحبك اما حاجة تمنعها اسمها كرامة
روحت لدار بدلت دبشها و رقدت طول لا ماكلة لا شراب دخلت عليها كنزة اخت فراس
شبي الزين لمار
بش نطلقوا يا كنزة ساي بش نطلقوا و حملتها و بدات تبكي بشهقة لمار معندهاش اخت تحملها و تواسيها لقات كنزة سكنها واستها حتا رقدت
بعد جمعة
لمار و مجد خارجين مالمحكمة بعد ما كملوا اجراءات الطلاق مجد حزين يبكي دم من داخل لمار اكثر منوا حزينة عالخر
لمار انا حبيتك من قلبي و محبيتلك كان الباهي ربي يسمعني عليك علم الخير و تذكر ديما و نوعدك عمري لاني بش نعرس و بش نبقى عايش علا حبك
مشا و خلاها دموعها علا خدها كل حد مشا في طريق لمار بش تقرس تشوف حياتها و مجد بش يبقا عايش لحبها
مجد روح لدار بش يبدا صفحا جديدة من حياتوا مشا دوش و لبس جبة صلاة هداتهالوا لمار في عيد ميلادوا عمل بارفان فرش السجادة كانت اول ركعة بش يصليها مجد في حياتوا كان يصلي و يبكي خاشع لربي و كي كمل بدا يدعي لربي بش يرجعلوا لمار حب حياتوا كان مشهد مؤثر عالخرر بعد ما كمل حس بروحوا خفيف كايني مولود من جديد حس هم تناحا من قلبوا الصلاة خلاتو يتفرهد يتوب لربي يكفر علا اغلاطوا الكل كان بالحق عبد نادم عالي عملوا مش خاتر لمار عذراء لا خاتر الشرف ميتقاسش يلحمة تبدل كل شي فيه من نهار الي حط فيه راسوا عالسجادة ربي هداه و كانت لمار هذا الكل بفضل عقاب لمار القاسي ليه
#يتبع_في_الحلقة_القادمة #مريم
الحلقة الخامسة عشر مازلت عذراء
مجد في الصالة شادد مصحف القرأن في يدوا هوا هكاكا و تكلموا اموا
الوا امي
وينك يا وليدي وقتاه ناوي تروح من كندا راو توحشتك قد صبري في الدنيا
امي بحول االه نهار الجمعة نروح لتونس
عيش ولدي والله بلاصتك ميفكها حتا حد هني نستناا فيك
عيش امي على خير
لمار روحت لتونس خاتر اليله فراس بش يجي يخطبها كان اصعب قرار في حياتها مجد مسكين ماشي فيبالوا لمار في كندا مفيبلوش اليله خطبتها
الناس لكل فرحانين الي لمار خذات راجل وسيد الرجال يستاهلها اما هيا مكانتش فرحانة جملا
ام مجد تسمع في الزغاريت كي طلت تسمع في الناس يخكي عرفت الي اليلة خطبت لمار مشات كلمت مجد مجد اول مسمع تصدم بكا دم من داخل لم دبشوا و خذا أول طيارة لتونس
لمار في الدار لبست مكيجت جاو اهل فراس لبست لمار الخاتم و هيا من داخل حزينة كايني مش فرحها كايني موتها كانت مزيانة عالخرر روبة روز مكياج روز و تراس علا جنب لبست الخاتم و قراو الفاتحة
هوما هكاك و يدخل مجد لابس كوستيم شادد بوكي نوار في يدوا مشالها قربلها
نشاله مبروك لمار لعقبة للعرس عينيه مليانة دموع عطاها البوكي و خرج
مشا لبلاصة خالية و بدا ينادي لماااار نحبك علاه حرام عليك راك قتلتني راك دمرتني راني وليت انسان بلا روح راني نادم علاااه يا ربي علاه يصير هكا فيا علاه شعملت راني نحبهاا بدا يبكي و يصيح حتا لين داخ
لمار دخلت لبيتها عندها غصة في قلبها حاسا روحها بش تموت بالوجيعة و القهرة اتعس نهار في حياتها اما كهو هذاكا اختيارها و هيا تتحمل مسؤوليتوا
مجد مزال مطيش دايخ هوا هكاكا و يتعدا واحد صاحبوا من غادي بزهر راه صب عليه الما عملوا برفان في خشموا و شي مجد مفاقش حطوا في الكرهبة و مشا بيه جريا لصبيطار خايف كان مجد يطلع صارتلوا حاجا
لمار في بيتها معنقة تصويرة مجد و تبكي بشهقة حست روحها ظلمتوا و ظلمت حبها ليه بكات حتا شاحوا دموعها تبكي و محملة التصوبرة في يدها
صاحب مجد وصلوا لصبيطار دخلوا الطبيب و صاحبوا كلم عايلتوا الكل بش يجيوه غادي اهلوا لكل تصبوا في الصبيطار اموا تبكي و تنوح كي خرج الطبيب من عندوا كانت الصدمة
#يتبع_في_الحلقة_القادمة #مريم
الحلقة السادسة عشر مازلت عذراء
مدام ولدك جاتوا جلطة حسب ما فهمت من حالتوا جاه خبر صدموا و مخوا متحملوش حالتوا صعيبة و منجموا نحكموا كان بعد ما يفيق
صاحت ام مجد فرد صيحة بدات تبكي و تنوح علاا ولدها بش تموت بقهرتها مجد مطيش في الصبيطار و لمار شادا تصويرتوا و تبكي تتفكر في ايام عرسها في حفلة عمرها في كل ذكراتها بمجد هيا هكاكا و تطلبها حنان ام فراس
الوا تاتا لباس عليك
اي لباس بنتي كان نسأل عليك
هاني في الدار لمار فراس مسافر لسويسرا شهرين اخرين و بش يبقا غادي عامين و يلزمكم تعرسوا قبل الشهرين الجايين
منعرفش تاتا تاو نشوف و نقلك
باهي بنتي علا خير
علا خير تاتا
هبطت دمعة سخونة من عينها اما كهو مجد غلط يخلص و مزال مفيبلهاش بالي صار لمجد
ام مجد و نجيبة و بوه لكلهم في الصبيطار لا ماكلة لا شراب هوما هكاكا و يجيهم الطبيب
دكتور مجد لباس
و الله اش بش نقلكم حالتوا حرجة و هوا في حاالة صدمة فما خبر كان سبب في حالتوا
دكتور خويا بش يعيش من هكاا
و الله انا بش نعمل الي عليا و الباقي علا ربي
باهي دكتور بدات تحمل في امها و تبكي و بعد نجيبة قررت بش متسكتش خذات تاكسي و خرجت مصبيطار قررت بش تمشي لمار و تحكيلها علا حالة مجد و عالي صار فيه بسبب قرارها صحيح خوها غلط اما خلص و بزايد
لمار تحضر في روحها بش تخرج مع فراس بش يحضروا كل شي لعرسهم معاتش وقت علاهم بدلت حوايجها و ريقلت امورها و قعدت في الصالة تستنا فيه
نجيبة وصلت قدام باب دار لمار خذات نفس مسحت عينيها مدموع و دقت الباب خرجت ام لمار حلتلها الباب فرحت بيها
لمار ايجا نجيبة جات طل عليك
لمار فرحت بنجيبة زيد هيا باهيا مع لمار و اصحاب مصغرة و عشيرات عمر
لمار نشاله مبروك سمعت بيك تخطبت
عيشك نجيبة عقبة ليك
عيش اختي
شوف لمار انا جيتك لهنا بش نقلك الي مجد ...
#يتبع_في_الحلقة_القادمة #مريم
الحلقة السابعة عشر مازلت عذراء
مجد جاتوا جلطة مطيش في الصبيطار خويا تعاقب علا غلاطوا و هواا نادم يا لمار و الله يحبك و يعشقك و يموت عليك غلط و خلص انت الشخص الوحيد الي ينجم ينقذوا مالموت
لمار تصدمت ملقات متقول دموعها سبقوها قامت تبكي و حملت نجيبة نحيوا يا نجيبة نحبوا منجمش نعيش من غيروا راني نعشقوا اما هاك ريت شعملي انا عرسي الشهر الجاي شنواا بش نجم نعملواا و اله نحبوااا اما طو تخطبت منجم نعمل حت شي
بدات تحمل فيها و تبوس مشاو لصبيطار دخلت لمار تجري للبيت الي فيها مجد بدات تبكي بقات تحكي معاه علا لكلام الي جرحهولها بكات بكات حتا معاتش فيها دموع نشفوا من عينيها معاتش تستحمل
فراس وصل لدار لقا ام لمار غادي وخرجتلوا قاتلوا يا وليدي مشات لمجد في الصبيطار جاتوا جلطة المسكين بين حيا و موت
فراس شعلت نار الغيرة في قلبوا معاتش ينجم يستحمل يرا خاطيبتوا و حب حياتو مع غيروا خدم الكرهبة مشا يجري لصبيطار كي لقاها شادة يدو و تبكي شدها من يدها و هزها معاه للكرهبة
شوف لمار انا راني راجل لحم و دم و نحس كانك معاتش تحب تكمل معايا متعدبنيش كان تحب نقصوها من تاو منحملش نراك مع غيري
لا لا يا فراس اش قام هالكلام عرسنا الشهر الجاي علاه تحب تفسدها
باهي هيا نمشوا نشوفوا الصالة كيما تفاهمنا
هيا
لمار كان قلبها طول الوقت مع مجد كانت تخمم زعما فاق زعما لباس شوي طو كان مخها مش مع فراس جملا
الحب غلبها اما مجد عمل فيها كهوا و فراس راجل معاها حبها بصدق الي تطلب تلقا كهوا يلزم تعرس و تمشي معاه لسويسرا بش تحاول تنسا مجد و حبها ليه
لمار شقولك مزيانا ماك تحب روز موف اهيا صاله تعمل 66 كيف
باهي كان تحب اكريها هيا انا راسي يوجع ماشيا لدار نرتاح
مجد بدا يفيق و بدا يستعيد في وعيوا
يتبع في الحلقة القادمة #مريم
الحلقة الثامنة عشر مازلت عذراء
دكتور دكتور امان ايجا فيسع مجد بدا يفيق
حمدالله بفضل ربي مجد رجع فاق و عندوا أمل انوا يعيش في الدنيا
وررررررررررررررري حمداله علا ولدي
مدام ولدك مزال كي فاق خليه يرتاح ميلزمش يكون عليه ضغط
بهي وليدي هاني خرجت
لمار ؤوحت لدار طلعت فوق السطح و بقات طل علا دار مجد من غادي تتفكر في اياماتها معاه كي كانوا صغار
لمار نحبك بلثاا و كي نكبلو بث نعرثوا
لا لا انا بث نقعد عند ماا منحبث نبعد عليها مذد ثقولك كان تذي انت تعيث بحذايا و هكاكا منبعدث علا ماما
اي واله فكلة و نلعبوا بادمية و الكلهبة مع بعدنا هههههه
تبسمت وحدها غمضت عينيها تخمم يلزمها تفهم روحها تاخوا فراس ولا تبقا مع مجد الي هيا تعشقوا اما فراس مسكين شنوا دنبوا حبها بصدق و وقف معاها خممت خممت و بعد قررت تبقا مع فراس هوا لي عطاها قيمتها و كارها هوا لي مخلاهاش خذات قرارها وفا بش تعرس بفراس و اكيد مع طول الوقت توا تحبوا و تولي تنسا مجد
مجد مجد سافا توا لطف عليك يا خويا لا يوريك سو
لمار وينها لمار وينها
مجد عيش ولدي هدي روحك طو تجي لمار
وينها نحبها تسامحني نحب نغنيلها محلاكي لماار وينك يا دنيتي راني نحبك ونموت فيك راك عمري معاك بنيت احلامي غلط و نستاهل اكثر من هكا اما و النبي والله نحبك موووت لماارر وينك و بدا يصيح و يبكي علا طول صوتوا نحبك ارنوووووووووبتي ارنوووووووبتي
لمار في نفس الوقت تخمم فيه زعما فاق زعما لباس شويا طوا كلمها فراس
لمار حبي وينك
هاني في الدار
لنار خممت في قرارك ولا لا
اي فراس انا خممت و قررت معاك انت بش نكمل حياتي و حبي لمجد مع طول الوقت يتنسا
فراس كان حاسس الي لمار نبرة صوتها كل حزن و دموع حس باذنب حس لي هوا فرق زوز عشقوا بعظهم موووت بقا يخمم يخمم اش بش يتصرف
مجد المسكين كان يبكي بش يموت مالقهرة مذنب حاسس باذنب تمنا الوقت يرجع بيه لتالي و ميعميلش الي عملوا اما كهو وفااا عرف الي هوا خسرها و مستحيل ترجعلوا بعد لي عملوا فيها
فراس بدا يخمم بجدية بش يبطل من لمار خاتر هوا يحبها يحب يراها فرحانة حتا كان معا غيروا
#يتبع_في_الحلقة_القادمة
جااام امان بش متتسكرش الباج و رايكم
ماكس جام نزيد حلقة اخراا #مريم
الحلقة التاسعة عشر مازلت عذراء
الوا لمار
وي فراس
اخرج هاني نستنا فيك لبرا قدام الدار
باهي هاني خارجة
ؤكبوا في الكرهبة و هزها معاه للبحر
فراس علاه جبتني لهنا
بش نحكيوا
شوف لمار انا منجمش نحكي معاك و نعرس بيك نشوف في حبك لمجد بعينيا و انا مستعد نفسخ الخطبة طوا كان تحب
حطت يدها علا فموا
لا فراس منفسخوا شي انا بش نعرس بيك و مستحيل اني نتراجع علا قراري مجد نحاول ننساه و كهوا حياتي المستقبلية معاك
فراس فرح عالخرر حس روحوا برجوليتوا بتقديروا لمار كسبها
فراس انا عندي شرط وحيد
الي هوا شنوا
نحب عرس بساكتة نهار كتبان صداق و كهوا لا صالة لا شي
كيفاه لمار هاذي فرحة عمرنا بش نعملوا عرس الناس لكل تحكي بيه
لا فراس هذا شرطي الوحيد
بهي الي عملتوا انت مبروك
باهي عيشك
مجد مزال يحضر في روحوا بش يخرج مصبيطار و كان مأيس من رجوع لمار ليه هذاكا علاه حط روحوا قدام الامر الواقع زيد لمار اقل من جمعتين و تكون مع فراس لازم يحاول ينساها لاكن مستحيل يبدلها بوحدا اخرا
في نفس الوقت لمار بدات تحضر في عرسها مزالت جمعة بركا تفصلها علا حياتها الجديدة حبها لمجد كبير اما فراس خير و اكيد بش يهنيها خاتروا يحبها بصدق
مجد في الدار يصلي و يدعي لربي انو ي نسا لمار و حبها و ذكرياتها يدعيلوا بش يغفرلوا دنوبوا لكل
لمار بدات تحضر في لعرسها شرات جهازها لكل و كرات الدار الي بش تعيش فيها مع فراس ريقل كل شي
فراس كان مهموم كان يخمم كيفاه بش ينجم يعيش مع بنية حبها و هيا قليها مع غيروا كيفاه بش ينجم يستحمل يبعد لمار عالي تحبوا كيفاه بش ينجم ينسيها فيه
لمار قلبها دم بش تفارق حب حياتها للابد كيفاه بش تنجم تقاوم تعيش مع فراس و تعطية بدنها و قلبها و حياتها كيفاه بش تنجم تعدي عمرها مع راجل معندها حتا احساس تجاهوا مع شخص مكانتش تتخيلوا شريك حياتها في نهار منهارات
تعدات جمعة لف لف و بدا العد التنازلي غدوا كتبان الصداق غذوا لمار بش تعرس بفراس غدوا بش تحطم الي بناتوا معاه لكل و تبدا من جديد
يتبع في الحلقة ألقادمة #مريم
مازلت عذراء الحلقة عشرون
ورررري مشاله على بنتي الهم صلي عنيبي مزينك
برغم الي لمار كانت عادية روبة عادية بيضا شعرها مشطة و مكياج خفيف و طلعت تهبل الناس لكلها فارحة لماار خاترها تعذبت برشاا في حياتها خرجت مالحجامة و ركبت في الكرهبة ماشين لدار فراس بش يكتبوا صداقهم غادي و يعملوا لمة عائلية شويا جو و شطيح مابين بعضهم
وصلت لمار للدار الناس لكل تزغرت فارحتلها هيا حزينة كايني مش عرسها موتها اما كهوا مجد صفحة و طواتها من حياتها قعدت عالكرسي سألها العدل انسة لمار *** تقبل بفراس *** راجلك على سنة الله و رسولوا هزت راسها بحشمة اي نقبل فراس زادا وافق صححوا ناس لكل تزغرت و فارحة قعدت هيا و فراس علا كرسي حاطوا غنا شويا صبايا يشطحو هوما هكاك و يدخل مجد مشالهم مد يدوا الفراس تبسملوا تبسيمة مخلطة ببرشا دموع و حزن مبروك صاحبي سلم عليه مبروك لمار دموعوا سبقتوا سلم فيسع و خرج البرا يمسح في دموعوا لمار حست روحها في دوامة حست بحرقة كبيرة في قلبها حست الي هيا ظلمت حبها و ظلمت فراس معاها دموعها هبطوا فراس شالق بكل شي اما مش مبين بعد شويا زاد جا مجد و بدا يعاون في عايلة لمار علا كل شي فرق الحلو و العصير كي كملوا الناس العشا نظف الطواول لم الكراسي و في لخر هبط يشطح كان يبكي يبكي دموع دم حس بجمرة في ثلبوا نار شاعلة فيه لمار اكثر منوا حست الي قلبها مات ساي خسرتوا بدات حياتها مع فراس و فراس كان هايم في دنيا اخراا كهوا خذا طفلة ملوليد الي تحبوا و بعدها عليه حس بندم خاصة كي را مجد يبكي و يعاون فيهم كي مد يدوا باركلهم الذنب قتلوا
وفات الشبه سهرية الي عملوها ناس لكلها روحت مجد مشا للبحر هز معاه شقف بدا يبكي بشهقة و يصيح لمااااار نحبك علاه هكا خليتني بكا بكا حتا هزوا النوم عينيه ولات جمر مالبكا
لمار وصلت لدارها هيا و فراس اليوم بش تعيش مع راجلها في دارها جاتها الحجامة ريقلتهاو خلاتها فوق الفرش لمار كانت خايفة عالخررر مالي بش يصير في اليله هاكي هيا هكاكا هايمة و خايفة و يدخل فراس
يتبع في الحلقة القادمة #مريم
الحلقة الواحدة و عشرون مازلت عذراء
لمار متخافش جيست نهز مخدتي و نمشي لصالة نرقد منمسكش كان برضايتك و مستعد نصبر عليك خوذ وقتك
و خرج مشا لصالة
لمار حست بتأنيب الضمير بش تحرموا من حقوا مدامها قبلت تاخذوا لازمها تقبل بعلاقة بيناتهم قامت لمار مشاتلوا لصالة و فيقتوا
فراس فراس قوم اليلة عرسنا يلزمك تمسني هدا حقك الطبيعي و انا راضية و موافقة
فراس فرح قام باسها من جبينها و قالها
انت هدية بعثهالي ربي مسماء ربي يخليك و مشاو لبيت النوم
عدات لمار ليلة كيما اي عروسة كانت متوحشا مجد و قلبهت معاه اما كهو يلزم تكمل حياتها مع فراس
تعدات جمعة
مجد كان الشقف و البكا كل يوم يمشي للبحر يشرب و يبكي في النهار يرقد لا ماكلة لا حت شي لحية هايجة حوايج مسخة و كل ليلة يبات يبكي علا لمار
لمار كانت متعذبة عالخر بالرغم الي فراس كان يا طبق الورد وين نحطك الي تطلب تلقا كانت اكثر مالي تستحقوا و فراس غير تطلب حاجا يمشي يجري محسسها بالحب يحبها تولي تحبوا كيما هوا يحبها كان يعشقها اما الي كاتب في الايمات الجاية مش بش يتوقعوا حتا حد
لمار كانت مرتاحة معاه كانت عايشة معاه حياة زوجية كاملة طل علا امها و بوها و تمشي لحماتها حتا لين جا النهار الي بش تسافر فيه لسويسرا مع راجلها حظرت فاليجاتها باسبورها ركحت كل شي و مشات لدارهم سلمت علا امها و بوها و تعدات لحماتها زادا سلمت عليها و ركبت في الكرهبة ماشية للمطار هيا و فراس هوما هكاك قاعدين يستناو و يجي مجد امان لمار بش تمشي و تخليني و الله نحبك و نادم بدا يبكي و هبط عالقاعة يبكي بشهقة لمار عينيها دمعوا سخفها ماهو الا الراجل الي حبتوا و عشقتوا و صاحب طفولتها الي كانت مابقاش نهار متراهش و متكلموش مشالوا فراس قيموا و قالو مكتوب صاحبي ربي يجيبلك الي تناسبك وصل وقت الطيارة مشاو و مجد بقا غادي
#مريم
الحلقة الثانية و العشرون مازلت عذراء
هوما وصلوا بش يركبوا في الطيارة و لمار داخت فراس تفجع و بدا يصيح جيبولي طبيب مرتي داخت اجريوا فيسع
مجاه حد حملها و هزها حطها في الكرهبة و طول مشا بيها للصبيطار دخلوها بقا يستنا خايف و مفجوع وجهوا اصفر ملخلخ خايف لا يكون بيها حاجا
هوا هكاكا خرجلوا الطبيب قالوا مبروك سي فراس عن قريب بش تولي بوا
فراس فراح قام يصيح مالفرحة حمل الطبيب و مشا يجري لمار حملها و باسها يا عمري انت يا روحي انت بش تجيبلي تحلا هدية في الدنيا بمار كانت تتمنا انوا كان هذا ولدها من مجد اما خسارة مش كاتب
مج روح بلمار يسايس فيها كلموا اهلهم الكل جات ام لمار تزغرت و فرحانة ناس لكلها شايخة معاهم فارحتلهم مجد كي سمع بالي لمار حبلة تدمر حس روحوا مييت كهوا مجد قرر بش ينتحر بش يقتل روحوا لمار نساتوا و حبت فراس اما لا لمار كل يوم حبها يقوا لمجد
لمار تستقبل فيالي جاوها هيا هكاكا و يدخلوا اصحابها و خواتها متع الصغرة #مهدي و #منال مشات تجري تحمل فيهم و تبوس منال مهدي وينكم واله توحشتكم مطلوش عليا وينهم الولاد شبيكم مجبتوهمش معاكم ياخي
و الله يا لمار و راس وخيتي لاهيين هكا علاه و الجيان بقدرة ربي طو نولي نطل عليك
لمار كانت فرحانة بولدها الي بش يجي في نفس الوقت كانت خايفة من ردة فعل مجد كي يسمع بحبالتها
فراس طول الجمعة كان هايم و داخل بعضوا متبدل برشاا نهار كامل شادد كراسة مذكرات و يكتب فيها
لمار لاحظت هذا و كي سألتوا قالها شي و مبعد قالها لمار كان تجرالي حاجا رد بالك علا ولدنا و الي في كراستي نحبك توعدني تنفدوا لمار حطت يدها علا فموا متقولش هكا ربي يخليك و نوعدك الي فيها نعملوا و حملها و رقدوا
في نفس الوقت مجد يخمم في الطريقة الي بش ينتحر بها بش يخلد الحب متاعوا للمار و يعرفوا الناس لكل الي هوا ندم و خلص
يتبع في الحلقة القادمة
الحلقة الثالثة و عشرون مازلت عذراء ن غدوا الصباح قامت لمار دوشت حضرت املات لفراس كيما هوا يحبها حضرتلوا قهوتوا كي العادة و مشات بش تفيقوا
فراس فراس قوم معاتش وقت عليك
شنوا طوا ماكش ناوي تنقص مدلال متاعك ايا قوم عاد قهوتك بش تبرد
شي فراس مقامش بعدت عليه الغطا تلقاه بارد و عينيه محلاولا صاحت فراس قوم فراس قوم شبيك فراس قوم قامت تصيح تبكي بطول صوتها بش تموت بقهرتها حط يد فراس علا كرشها قوم ولدك يناديلك قوم فراس علاه هكا متخليناش تخلي ولدك يتيم قوم تبكي تصيح تخبط مات فراس مات
جاو الجيران كلموا اهل لمار ناس لكلهم جاو بكا نديب عياط راجل مات لبارح كان بيناتهم لبارح كان يفدلك يضحك و يلعب باس كرش لمار قلها بش يجي وليد مزيان كي اموا و رجال كي بوه هزوا فراس لصبيطار و كانت الصدمة
فراس كان مريض باسرطان في الكبدة خبا مرضوا عناس لكل لمار في الصبيطار زرقولها بش هدات خايفين عالبيبي الي في كرشها
مجد حاضر بش ينتحر كتب اسم لمار علا سدروا و كلمة سامحني
و شد الام بش يقطع عروقوا و يرتاح
هوا هكاكا و دق اموا تصدمت كي رات ولدها هكاكا حالتوا كلوا دم من سدروا بدات تحمل فيه و تبوس علاه يا وليدي علاه تحب تقصف شبابك فيالك فراس الدوام لله
مجد كي سمع الخبر دخل في حيط علاه قام يبكي وجعوا فراس باهي معاه سخفوا مشا للصبيطار بش يطل و يعزي لمار و اهل فراس
لمار فاقت قامت تصيح الكراسة وينها الكراسة اي اي كراسة مدكرات فراس
مشاوا يجريوا جابوهالها مدار حلتها و بدات تقرا
لمار نعرف الي انا خذيتك و انت متحبنيش مالي سمعت بمرض متاعي عرفت اني بش نموت علا قريب محبيتش نوجعك بحتا كلمة لمار كي نموت نحبك تاخذ مجد و تعرس بيه تكمل حياتك معاه صحيح هوا غلط معاك اما خلص و يحبك بصدق مجد نادم يا لمار نادم و يحبك وصيتي ليك تاخذوا و زادا نحبك تحافظ علا ولدنا و رد بالك علا صحتك نحبك تدعيلي ديما و انا في قبري و زورني الي نملكوا لكل ملك ولدي ولا بنتي الي بش يجي متنسانيش راجلك الي حبك طول عمروا فراس
لمار طيحت الكراسة من ايدها قامت تخبط و تصيح النسا شادينها خافين علا الي في كرشها مجد مزال مسمعش بالي كتبوا فرا س قبل ميموت و مش فاهم شنوا لي موجود في الكراسة بش خلا لمار تتأثر هكا طبس بش يهزها و يقرا اش فيها
الحلقة الرابعة و عشرون و الاخيرة مازلت عذراء
مجد هز الكراسة و بدا يقرا دموعوا هبطط فراس حي و لا مييت يخمم فيه و في حبوا لمار مشا يجري حمل لمار و بدا و يبكيوا الزوز تعدات الايام و الشهور لمار حبلة و كرشها كل يوم تزيد تكبر بش تجيب وليد عن قريب
فراس بقا ذكرا منجمتش لماار تنساها ذكرا باهيا في حياتها
لمار ديما تتقابل مع مجد قداش تبدل تفكيرا تقلب كان عبد وولا عبد اخر لمار قررت انها بش تكتب صداقها علا مجد كيما وصاها فراس بعد موتوا ب 5 شهور يلمزمها تكتب صداقها
نهارتلي كتبت صداقها كان يوم عادي روبة عادية و لبست حجاب كانت كي الملايكة مجد كان اسعد راجل في الدنيا
مجد كي روح هوا و لمار لدارهم ممسهاش جملاا صحيح حبهم لبعضهم كبير اما لمار مزالت تاعبة مالي صايرلها
كانت حزينة علا فراس الي مات و فرحانة خاترها توحدت مع مجد حب حياتها
تعدات ايام و جات ايام
نهار لمار راقدة في فرشها هيا هكاكا و يشدها وجيعة قوية عالخررررر قامت تصيح مجد تفجع فهم الي هيا بش تولد كلم دارهم و داروا و هزها لصبيطار
الوقت تعدا بسيف مجد خايف و لمار في بيت العملية
خرج الطبيب
دكتور دكتور مرتي و لدي لباس
اي لباس و ولدي لباس
اي متخافش لباس عليه
ناس لكل ملمومين يباركوا لمار بولادتها هوما هكاكا و جتهم الطبيبة بش تقيد اسم الوليد لمار و مجد ملي صغار كانوا متفاهمين كي بش يجيبوا وليد يسميوه امين هيا جات بش تقول امين و مجد قص عليها فراس بش نسمي ولدي
لمار فرحت عينيها تملاو دموع فرحت الي مجد تبدل و تصلح و بدل تفكيروا
لمار كانت فرحانة عايشة هيا و مجد متفاهمين عالخر و هوا يا طبق الورد وين نحطك
حكاية مجد و لمار كانت عبارة عن عينة من واقعنا انا كتبت القصة هادي بش نوعي برشاا ناس الي لمرا شرفها ميتقاسش بغشاء و برشاا ناس يعتبرا المرا عاهرة كي متكونش عذراء نشالله تكون فهمتوهااا
لا توجد تعليقات حتى الآن "مازالت عذراء - اليك القصة"
إرسال تعليق
ملاحظة للجميع