رواية جرآة بأسم الحب البارت السابع - اليك القصة

رواية جرآة بأسم الحب

البارت السابع

للكاتب المصري محمد مالك

جميع الحقوق محفوظة
ويذهب عماد الي غرفة نشوي ويطرق الباب فتأذن له بالدخول
نشوي .. تعالي يا عماد اقعد هنا جمبي
عماد .. عايزه ايه تاني ؟!! مش كفاية اللي حصل ؟!!
نشوي .. تعالي بس اقعد جمبي
عماد يقترب في حذر وتردد ويجلس عند طرف السرير
عماد .. نعم .. قولي عايزه مني ايه ؟!!
نشوي تنهار فجأة وتبكي بشدة مما تثير دهشة عماد
عماد .. مالك بتعيطي ليه ؟!!
نشوي .. ابوك دخل عليا يا عماد !! اخد مني اعز ما املك وانا مقدرتش امنعه !!
عماد ينصدم بشدة ويحاول ان يداري مظاهر الصدمه علي وجهه
عماد .. عادي مش جوزك ؟!!
نشوي .. هو انت ايه يا اخي بقيت بتكرهني اوي كدا ليه ؟!! ولا انت كنت بتضحك عليا اصلا وعامل نفسك بتحبني !!
عماد .. طب انتي جايباني ليه دلوقتي ؟!! عايزة مني ايه ؟!!
نشوي .. مش عاوزة منك حاجة يا عماد .. روح امشي خلاص
عماد ينهض ينوي الانصراف ولكن يراجع نفسه فبكاء نشوي يمزق احشاء قلبه فيقف عند الباب ويلتفت اليها مره اخري قائلا
عماد .. طب انا مش في ايدي حاجة اعملها !! انا بتعذب زيك واكتر بس مش قادر اعمل حاجة !! مفيش حل غير اننا ننسي اللي كان بينا !!
نشوي .. واللي بينا عمره ما هيتنسي يا عماد .. لأن اللي بينا مش مجرد حب عادي .. اللي بينا شعور اكبر من الحب نفسه .. لا حد حسه قبلنا ولا بعدنا
عماد .. انا عن نفسي هدوس علي قلبي وهنسي كل اللي كان بينا .. وانتي كمان لازم تنسي يا نشوي وتعيشي حياتك
نشوي .. انت كداب .. لانك مش هتقدر تنسي حاجة.. ذكرياتنا مع بعض هتطاردك في كل مكان حتي في احلامك !! وانا ابقي كدابه زيك لو قلتلك اني هقدر انسي
عماد .. امال الحل ايه ؟!!
نشوي .. تعالي يا عماد قرب مني لو سمحت
عماد بعد تردد يعود ليجلس بجوار نشوي ونشوي تمسك بيده
نشوي .. عارف لما ضربتني بالقلم واحنا في الحمام علي اد ما اتألمت علي اد ما كنت مبسوطة لما شفت لهفتك عليا لما وقعت علي الارض .. عارف زمان بابا ضربني بالقلم زعلت وخربت الدنيا حتي بعد ما صالحني كنت زعلانه منه .. وانت لما ضربتني بالقلم انا كنت مبسوطة جدا مع انك مصالحتنيش حتي !! بس انا برضوا مش زعلانه منك لأني بحبك ولو اتمني ان حد يضربني ومزعلش هيكون انت يا عماد
ثم تقبل يده التي ضربها بها .. عماد عيناه تدمع ويمسح علي شعرها قائلا
عماد .. صدقيني اول مره في حياتي اتمني ان ايدي تتقطع بجد ..بعد ما ضربتك بالقلم .. انا اسف
نشوي .. لا يا عماد متقلش كدا .. بعد الشر عليك يا حبيبي .. انا اللي اسفه
ثم يضمها الي حضنه وهي تضمه بشدة وتبكي قائلة
نشوي .. ابوك اغتصبني يا عماد غصب عني !!
وفجأة تدخل الخادمة صابرين فينظر لها عماد ونشوي في دهشة وارتباك
نشوي .. مش تخبطي يا حيوانه قبل ما تدخلي ؟!!
صابرين .. والله خبطت يا ستي .. بس انتي مسمعتيش
نشوي .. عايزه ايه انطقي ؟!!
صابرين .. جايبالك النسكافيه اللي طلبتيه مني يا ستي
نشوي .. حطيه عندك وغوري اطلعي بره
صابرين .. حاضر
نشوي .. اسمعي
صابرين .. انتي ما شوفتيش حاجة من اللي حصل قدامك .. فاهمه ؟!!
صابرين .. انا اصلا عميه وخرصة وطرشة كمان .. سرك في بير يا ستي
نشوي .. ايه سرك دا ؟!! اتعدلي لأعدلك
صابرين .. حاضر يا ستي .. بعد ازنك
عماد .. عاجبك كدا ؟!! انا غلطان اني جيتلك
ثم ينصرف ونشوي تنادي عليه
نشوي .. عماد .. استني
وعماد لا يجيب ...
تابعوني والبارت التالي .. تحياتي ..

مجموعة تفسير الرؤى والأحلام على فيسبوك