رواية جرآة باسم الحب البارت السادس - اليك القصة

رواية جرآه بأسم الحب

البارت السادس

للكاتب المصري محمد مالك

جميع الحقوق محفوظة
ويتم نقل نشوي الي غرفتها بالقصر وجمال زوجها امامها حيث قد حضر الطبيب للكشف عليها وقام بتضميد الجرح برأسها
جمال .. طمني يا دكتور اخبارها ايه ؟!!
الطبيب .. متقلقش هتبقي كويسة ان شاء الله
جمال .. يعني مش محتاجه نوديها المستشفي ؟
الطبيب .. لا لا ابدا .. دا جرح بسيط مش مستاهل مستشفي ولا حاجة
جمال .. انا عارف ان الجرح بسيط .. انا خايف ان الوقعة تكون اثرت علي دماغها في شئ
الطبيب .. ان شاء الله مفيش حاجة وعشان نطمن اعملي الاشعة دي وابقي ابعتهالي مع اي حد عندك المستشفي
نشوي تستعيد وعيها تدريجيا وتنظر حولها
نشوي .. انا فين ؟!!
جمال .. انتي في اوضتك يا عمري حمد الله ع السلامه
نشوي .. اه .. عندي صداع جامد في دماغي
جمال .. عندها صداع يا دكتور ؟!
الطبيب .. عادي جدا بسبب الخبطة اللي في الدماغ .. حمد الله علي سلامتك يا مدام نشوي .. مش تخلي بالك امال ؟!!
نشوي .. اخلي بالي في ايه ؟!!
جمال .. عماد بيقول انك دخلتي تستحمي وفجأة صرختي وقلتي الحقوني .. دخل لقيكي واقعة في الارض بسبب انك اتزحلقتي في الصابونه
نشوي تنظر ل عماد الذي يقف مرتبكا ينتظر انها تؤيد كلامه
نشوي .. فعلا .. انا اتزحلقت في الصابونه ووقعت وراسي اتخبطت في البانيو
الطبيب .. حمد الله علي سلامتك مره تانيه ومتنساش تعمل الاشعه وتبعتهالي يا جمال بي
جمال .. ان شاء الله اكيد .. تعبتك يا دكتور
الطبيب .. تحت امرك .. بعد ازنكم
جمال يمسك بيد نشوي ويقبلها قائلا
جمال .. قلقتيني عليكي .. حمد الله علي سلامتك يا حبيبتي
نشوي .. الله يسلمك
جمال .. ايه يا عماد واقف متحنط كدا ليه ؟!! مفيش حمد الله ع السلامه ؟!!
عماد .. الف سلامه يا مدام نشوي
نشوي بغيظ شديد .. الله يسلمك
عماد .. بعد ازنكم
جمال .. كنت هموت عليكي بجد يا حياتي
ثم يقبل كفيها الاثنين بكل حب وعماد يراقب الموقف ونشوي تنظر ل عماد
جمال .. مكنتش اعرف انك غاليه عندي اوي كدا !!
عماد يترك الغرفة
جمال .. خد الباب في ايدك يا عماد من فضلك
عماد بعصبيه .. حاضر
عماد يغلق الباب ويسمع جمال من الداخل يقول ل نشوي
جمال .. الف سلامه عليكي يا قلبي .. ياريتني كنت انا ولا انتي يا حياتي
نشوي .. الف بعد الشر عليك يا جيمي !! بلاش تقول تدعي علي نفسك بليز
جمال .. انا فداكي يا قلبي
ونذهب الي الخادمه صفاء حيث تتواجد بالمطبخ مع عم سعيد السفرجي
صفاء .. يا اخواتي هتجنن !! الحمام مجهزاه لسيدي عماد .. ايه اللي خلي ستي نشوي هي اللي تدخل تستحمي بس ؟!!
سعيد .. ما يمكن تكون استأذنت منه تستعمل هي الحمام بداله
صفاء .. لا .. دا الحمام بتاع سيدي عماد .. اما حمام سيدي جمال وست نشوي فوق !! لا دي الحكايه فيها ان ؟!!
سعيد .. لا ان ولا كان !! خليكي في حالك ملناش دعوه البيت بيتهم وهما حرين فيه .. خليكي انتي في حالك يا بومه
صفاء .. انا بومه يا عم سعيد ؟!! طب ايه قولك بقي ان الحكاية فيها ان وكان واخواتها كمان !! انا سامعه ستي نشوي بوداني دول وهي بتصرخ وتقول الحقوني عاوز يغتصبني !! ولما دخلت عليهم الحمام ..... !! يا لهوي .. سيدي عماد يعمل كدا ؟!! يا لهوي يا لهوي
سعيد .. شكلك ليلتك مش فايته انهارده وعايزه تودي نفسك في داهيه !! حطي جزمه في بقك ومتودناش في داهيه يا بت خليفه لأحسن وديني اشحنك علي البلد بكره ويبقي مالكيش عيش هنا تاني
صفاء .. لا وعلي ايه !! انكتمت اهوه
سيدي .. يبقي حطي جزمه قديمه في بقك وشوفي شغلك وانتي ساكته يا بومه
صفاء .. تاني بومه ؟!! الله يسامحك يا عم سعيد
ونذهب الي عماد الذي بجلس في غرفته سارحا وتتصل به امه من اميريكا وتدعي رانيا
عماد .. الو .. ازيك يا ماما وحشتيني
رانيا .. وانت كمان وحشتني يا حبيبي.. اخبارك عامل ايه ؟
عماد .. الحمد لله بخير
رانيا .. يارب دايما يا عماد .. سمعت ان بباك اتجوز ؟!!
عماد .. ايوا
رانيا .. وطبعا كالعاده اخدها بنت صغيره من سنك ؟!!
عماد .. ايوا بنت صغيره
رانيا .. انسان مراهق فعلا !! كل شوية يتجوز ويطلق .!! لا وميتجوزش غير البنات الصغيره اللي طمعانه فيه وفي فلوسه .. مش يبص لأبنه ؟!!
عماد .. هو حر في نفسه يا ماما
رانيا .. لا مش حر في نفسه .. الفلوس اللي بيبعزقها علي جوازاته دي فلوسك انت بعد كدا .. والمفروض يلم نفسه شويه بدال ما في الاخر مش هتلاقي حاجة تورثها بعده
عماد .. هو كدا ومش هيتغير
رانيا .. راجل مراهق بجد .. ٦ جوزات في سنتين بس !! للدرجه دي بيعبد صنف الحريم!!
عماد يتنهد
رانيا .. مالك يا عماد ؟!! حساك حزين ومش مبسوط
عماد .. لا يا ماما انا كويس
رانيا .. ما قلتلك سيبك من ابوك وتعالي اقعد معايا في اميريكا هنا
عماد .. ما انا قتلك يا ماما اني مش هسيب دراستي هنا وبعدين انا مبحبش البلدي دي اصلا
رانيا ..في حد مبيحبش امريكا ؟!! يعني عاجباك مصر اوي ؟!!
عماد .. بلدي وبحبها يا ماما وبعدين ما انا بسافرلك كل سنه وبقعد معاكي شهر بحاله
رانيا .. يا حبيبي انا عاوزاك تبقي قدام عنيا طول الوقت
عماد .. طب ما تنزلي انتي مصر ؟!!
رانيا .. ايهاب جوزي مش راضي ابدا وانت عارف السبب
عماد .. عارف .. ع العموم اطمني انا كويس جدا هنا
رانيا .. ماشي يا حبيبي .. لو عزت حاجة كلمني
عماد .. حاضر يا ماما .. سلام
رانيا .. سلام يا عماد
ثم تدخل الخادمه صفاء بعد ان تطرق باب الغرفة ويسمح لها عماد بالدخل
عماد .. عايزه ايه يا صفاء ؟!!
صفاء .. مش انا اللي عايزه .. دي ستي نشوي عايزاك في اوضتها
عماد .. ليه ؟!!
صفاء .. معرفش
عماد .. وبابا فين ؟!!
صفاء .. خرج من بدري
عماد .. طب روحي انتي
صفاء .. يعني هترحلها يا سيدي ولا لا ؟!!
عماد .. وانتي مال اهلك؟!!امشي يلا
صفاء .. حاضر انا ماشيه اهوه
تابعوني والبارت التالي .. تحياتي ..

مجموعة تفسير الرؤى والأحلام على فيسبوك