رواية جرآة بأسم الحب البارت الثالث - اليك القصة

رواية جرآة بأسم الحب

البارت الثالث

للكاتب المصري محمد مالك

جميع الحقوق محفوظة
وفي الصباح يستيقظ جمال من نومه ليجد نشوي تجلس امام المرآه تسرح شعرها الطويل شديد السواد
جمال يتثائب .. صباح الخير يا حبيبتي
نشوي .. صباح النور يا حبيبي
جمال .. حبيبي !! ايه الرضا دا كله ؟!! اللي يشوفك امبارح ميشوفكيش انهارده ؟!!
نشوي .. يعني كدا احسن ولا اوحش ولا ايه بالظبط ؟!!
جمال .. طبعا احسن بكتير . يارب تكوني كدا دايما
نشوي تنهض من علي التسريحه وتتوجه لتجلس بجواره علي السرير
نشوي برقة شديدة .. اوعدك اني هكون معاك كدا دايما .. حنينه ورقيقة ولطيفة وظريفة وحبوبة كمان .. مبسوط كدا ؟!!
جمال .. انا يكفيني وجودك في حياتي يا حبيبتي .. شعرك جميل اوي علي فكره
نشوي .. انت الاجمل يا جوجو يا حبيبي
جمال .. قليلي هو احنا حصل بينا حاجة امبارح ؟!! اصلي مش فاكر حاجة خالص !! اخر حاجة فاكرها اني شربت كاس الوسكي من هنا وحسيت اني عايز انام من هنا !!
نشوي .. وهو دا فعلا اللي حصل يا حبيبي !!
جمال .. اغص عليا بجد !!
نشوي .. ولا اغص ولا حاجة .. محصلش امبارح يحصل انهارده .. وهيحصل كل يوم .. بس انتي شدي حيلك يا كميلة انتي ..
ثم تقبله في شفتيه قبله خفيفة
جمال .. الله .. احلي حاجة الواحد يغير بيها ريقه بعد ما يصحي من النوم .. واحده كمان عشان خاطري
نشوي .. كفايه واحده بس .. واوعدك بواحده كمان بس بعد ما نفطر .. قوم بقي عشان الفطار جاهز
جمال .. نفسي اعرف الرضا دا كله سببه ايه؟!! معقول رضيتي عني بالسرعة دي ؟!!
نشوي .. حسبتها مع نفسي كويس .. لقيت ان جوازي منك مكسب ومكسب كبير كمان وابقي عبيطه بجد لو فكرت اني اخسر واحد زيك .. اي بنت تتمني ترتبط بيه
جمال .. طيب .. كويس جدا انك غيرتي رأيك فيا .. يعني خلاص اطمن ان قلبك هيبقي بتاعي انا لوحدي؟!!
نشوي .. اوعدك من اللحظة دي ان قلبي مش هيكون لحد غيرك .. انت بس اللي هتقعد وتتربع جواه
جمال .. وانا اوعدك اني هكون زوج مثالي بمعني الكلمة وكل طلباتك اوامر يا عمري
جمال يمسك بأحدي يديها ويقبلها
نشوي .. مش هنفطر بقي ؟!!
جمال .. هنفطر اكيد .. بس اخد شاور ع السريع وهحصلك علي تحت
نشوي .. وانا في انتظارك يا حبيبي
جمال ينهض من علي السرير متوجها الي الحمام ونشوي تنظر له بكل غل وكراهيه
وتخرج نشوي من غرفة النوم فتجد عماد ايضا يخرج من غرفته تنظر اليه وهو ايضا يراها ولكن لا يعيرها اهتماما ويسير في طريقة ونشوي تستوقفه
نشوي .. ايه مفيش صباح الخير ؟!!
عماد .. صباح الخير يا مرات ابويا
نشوي بغضب .. بلاش مرات زفت دي !!
عماد .. ماشي .. اقلك يا طنط احسن ؟!!
نشوي .. دمك خفيف علي فكره !! قلي يا نشوي ولا اسمي بقي تقيل علي لسانك ؟!!
عماد .. لا ولا تقيل ولا حاجة .. حاضر يا مدام نشوي
ثم ينصرف ونشوي تمسك بيده
نشوي .. استني .. هو انت ايه حكايتك بالظبط؟!! .. علي فكره ابوك لسة ملمسنيش لحد دلوقتي !!
عماد .. وانا مالي ؟!!
نشوي .. مالك ازاي ؟!! انت نسيت الحوار اللي دار بينا امبارح ؟!!
عماد .. حوار !! انا مشفتكيش امبارح اصلا!! هو مش المفروض ان امبارح بقيتي حرم الملياردير جمال ابو شقة اللي هو ابويا .. يعني اكيد كنتي معاه هو .. يبقي اتقابلنا امتي واتكلمنا امتي !!
نشوي .. انت هتستعبط ؟!!
عماد .. بالعكس انا بفكرك باللي حصل امبارح بس
نشوي .. عماد .. انا لآخر مره هقلك انا بحبك ومقدرش اعيش من غيرك
عماد .. وانا لآخر مره هقلك ان انتي خلاص بقيتي مرات ابويا.. وانا لا خاين ولا قليل اصل عشان اخون الراجل اللي رباني واللي انا شايل اسمه لحد ما اموت
نشوي .. دا اخر كلام عندك ؟!!
عماد .. ما اظنش ان هيكون في كلام تاني غير اللي سمعتيه
نشوي .. يبقي انت اللي بدأت .. والبادي اظلم يا عماد
عماد .. بعد ازنك .. يا مرات ابويا
نشوي تتعصب بشدة تمسك بزهريه موضوعة علي طربيزه في الطرقة وتلقيها علي الارض بكل قوة فتتحطم وعماد ينظر خلفه فيري ما فعلت نشوي فلا يبالي ويسير في طريقة
نشوي .. ماشي يا عماد ان ما وريتك ؟!!
البارت التالي صعب جدا ومثير .. تابعوني ..

مجموعة تفسير الرؤى والأحلام على فيسبوك