رواية السر الدامي البارت السادس عشر - اليك القصة

رواية السر الدامي

البارت السادس عشر

للكاتب المصري محمد مالك

جميع الحقوق محفوظة
سلوي ما زالت ترقد في المستشفي وابوها وامها حولها
سلوي .. هخرج امتي بقي من المستشفي ؟!! زهقت خلاص !!
الام نبيلة .. مش لما الدكتور يكتبلك علي خروج تبقي تخرجي !!
سلوي .. بس انا خلاص بقيت كويسة وعايزة اروح بقي
الاب مصطفي .. متستعجليش يا بنتي .. الدكتور لو شايف انك خلاص تقدري تخرجي هيكتبلك علي خروج من غير ما تقولي
وفجأة يرن تليفون سلوي والمتصل عصمت
سلوي .. دا الرائد عصمت !!
نبيلة .. ردي عليه يا بنتي ليكون عاوزك في حاجة مهمه !!
سلوي تجيب .. الو .. ازيك يا كابتن عامل ايه ؟؟ خبر ايه اللي وحش ؟!! ايه ؟!! بسمه صحبتي في المستشفي ؟! ليه مالها ؟!! ازاي دا حصل ؟!! اكيد لازم اشوفها .. مع السلامة
نبيلة ..خير يا بنتي في ايه ؟!!
سلوي .. بسمه صحبتي الجيران لقيوها مضروبه بسكين في شقتها ونقلوها المستشفي
نبيلة .. يا ساتر يارب .. وماتت ؟!!
سلوي .. بين الحياه والموت وعاوزة تشوفني ضروري .. انا رايحالها
نبيلة .. هتروحيلها ازاي وانتي لسة تعبانه ؟!!
سلوي .. انا مش تعبانه ولا حاجة .. انا زي القرد اهوه ..
نبيلة .. طب استني يا بنتي اجي معاكي
سلوي .. لا يا ماما مالوش لزوم .. انا حالا اجي
نبيلة .. استر يارب
ونذهب الي الرجل الذي قام بخطف سلوي من قبل ووضعها داخل مخزن اسمنت ويدعي فاروق حيث يجلس في داخل حجرة مكتب ومعه احد مساعديه وذراعة الايمن ويدعي دبور
دبور .. وبعدين يا كبير !! شهر اهوه عدي ولا احنا وصلنا للبنت ولا عارفين طريق الملف ؟!!
فاروق.. مش عارف يا دبور .. قافله من كل ناحية زي الضومنا !! بس الست كانت هتنطق لولا الغبي اللي ضربها بالشلوت في بطنها
دبور.. وسيادتك متأكد اوي ليه كدا ان سلوي تعرف مكان البنت والملف ؟!!
فاروق .. ما عشان حضرتك بعد ما ضربت منير بالنار طلع جري من الجراش ع البيت عنده والبنت كانت برضوا في الجراش اختفت في نفس اللحظة !! يعني اخدها وهرب يا حمار .. وبعدها رجع البيت علطول .. يبقي البنت وداها فين ؟!!
دبور .. عنده في البيت
فاروق .. تمام .. اديك لسة بتفهم اهوه ؟!!
دبور .. وليه الغلط بس يا كبير ؟!!
فاروق .. ما عشان لو كنت موته كويس مكنش اخد البنت وهرب !!
دبور .. معرفش ان روحه طويلة اوي كدا يا زعيم !!
فاروق .. لا .. اللي زي منير دا زي القطط بسبع ترواح .. تقتله يرجع يعيش تاني !!
دبور .. يعني من الاخر كدا سلوي عرفة طريق البنت والملف؟!!
فاروق .. ايوا .. انا متاكد انها خفياهم في مكان معين .. بس يا تري مخبياهم فين بالظبط ؟!!
ونذهب الي حيث قد ذهبت مسرعة الي المستشفي التي ترقد بها بسمه حيث تجدها بالعناية المركزة
سلوي .. سلامتك يا حبيبتي .. مين المجرم اللي عمل فيكي كدا ؟!!
بسمه .. ما استاهلش تقوليلي سلامتك !! وما استحقش اكون صحبتك ولا حبيتك ابدا!!
سلوي .. ايه الكلام اللي بتقوليه دا يا بسمه ؟!!
بسمه .. اسمعيني يا سلوي مفيش وقت .. انا خنتك وغدرت بيكي .. البنت مخطفهاش عنتر ولا حاجة .. دا كان اتفاق بينا عشان نطلع من وراكي بقرشين ..هو غواني وانا كنت عشمانه يردني .. لكن طلع ندل وواطي زي عادته !! اخد البنت والفلوس ولما وقفت قصاده وحبيت امنعه ياخد البنت والفلوس قام صحبه اللي كان معاه اسمه عبيد مطلع مطوه وضربني بيها واخدوا البنت والفلوس وهربوا
سلوي مصدومة .. معقول اللي بسمعه دا ؟!! انتي تعملي كدا يا بسمه ؟!! دا انتي بالنسبه مش صحبتي وبس .. انا عاملاكي اختي !!
بسمه .. سامحيني يا سلوي ارجوكي .. انا غلطت لمت بوحت بسرك وغدرت بيكي كمان واديني اخدت جزاتي .. سامحيني ارجوكي
سلوي .. مسامحاكي يا بسمه .. مسامحاكي
بسمه .. كنت متأكدة انك هتسامحيني .. لأنك طول عمرك قلبك ابيض .. البنت والفلوس مع عنتر وصحبه .. الحقيها لا يعمل فيها حاجة .. انا اسفه يا سلوي
ثم تتوقف فجأة عن الكلام ويبدوا انها ماتت حيث اصدرت الاجهزة الموصله عليها انذار فيدخل الطبيب مسرعا ومعه التمريض يحاول اسعافها وسلوي تراقب الموقف بحزن وصدمه شديدة ...
الطبيب ينظر الي سلوي في حزن عميق بعد محاولة مستميته لانعاش قلب بسمه ولكن باءت بالفشل
الطبيب .. البقاء لله شدي حيلك
تابعوني والبارت التالي بعد قليل .. تحياتي ..

مجموعة تفسير الرؤى والأحلام على فيسبوك