حياة في حضن الموت #مقدمة الرواية - اليك القصة

#حياه_في_حضن_الموت
#مقدمة_الرواية
نزلت مسرعة من منزلها بأرقي احياء القاهرة حيث يبدوا عليها التوتر والفزع الشديد تضع المحمول علي اذنها اليسري ويبدوا انها تحادث شخصاً ما .. ثم توجهت نحو سيارتها الفارهه فتحت الباب واستقلت السيارة ثم انطلقت بسرعة البرق ...
هيام .. اديني ركبت العربية .. قلي بقي عايزني اروح فين ؟!!
المجهول .. اطلعي علي الدائري وهناك اقلك تعملي ايه بالظبط
وتصل هيام الممثلة المشهورة الي الدائري
هيام .. ها .. اديني علي الدائري .. عايزني اعمل ايه تاني ؟!
المجهول .. اركني العربية وانزلي وشاوري لأول تاكسي يقابلك
هيام .. والتاكسي دا هيوديني فين ؟!!
المجهول ..لما تركبي هقلك
وتشاور هيام للتاكسي وتركب بالفعل
سائق التاكسي .. علي فين يا مدام ؟!! ايه دا الست هيام الممثلة المشهوره !! انا مش مصدق نفسي .. حضرتك هي ولا لا ؟!!
هيام .. يا سيدي ايوا انا !!
سائق التاكسي .. يا سلام يا ولاد .. دا انا حظي نار انهارده عشان قابلت سيادتك .. علي فين يا ست الكل ؟!!
هيام .. اقله يوديني فين ؟!
المجهول .. قليله يطلع علي المقطم
هيام .. اطلع علي المقطم يا اسطي
سائق التاكسي .. عنيا يا ست هانم
ويصل التاكسي الي المقطم
المجهول . خليه يقف هنا ؟!!
هيام .. اقف هنا يا اسطي
سائق التاكسي .. تحت امرك
هيام .. انزل انا يعني ؟!!
المجهول ..هتنزلي .. بس مش قبل ما تقتلي السواق
هيام .. ايه !! انت بتقول ايه ؟!!
المجهول .. بقول اللي سمعتيه .. ولو منفذتيش كلامي ارجعي بعد ساعتين نفس المكان عشان تلمي حثة بنتك بعد ما تتقطع حتت !!
هيام .. انت بتعمل فيا ليه كدا ؟!! ومين انت اصلا ؟!! وخطفتوا بنتي ليه ؟!!
سائق التاكسي .. فيه حاجة يا ست هيام ؟!!
هيام .. اسكت انت من فضلك
المجهول .. هتلاقي مسدس جوة شنطتك وقدامك دقيقتين مفيش غيرهم هكون معاكي ع الخط فيهم .. لو منفذتيش المطلوب هقفل السكة بعدهم عشان اقتل بنتك ..يلا الدقيقتين بدأوا ...
هيام .. ياربي !!
السائق .. هو فيه مشكلة مع حضرتك ؟! عايزاني اودي سيادتك مكان تاني ولا حاجة ؟!
المجهول .. فات نص دقيقة
هيام .. اعمل ايه بس يا ربي ؟!!
المجهول .. اول دقيقة خلصت !!
هيام تبكي وتنهار .. انا مقدرش اعمل كدا !! مقدرش يا اخي !!
السائق .. هو في ايه يا ست هانم ؟!!
المجهول .. فاضل تلاتين ثانية !!
هيام تُخرج المسدس من الحقيبة وتصوبه في وجه السائق وهي ترتجف
السائق مندهش .. ايه دا ؟!! انتي هتعملي ايه يا ست الكل ؟!! هو دا مشهد تمثيلي دا ولا ايه ؟!! اها .. حضرتك اكيد بتمثلي الكاميرا الخفية !!
هيام .. للأسف لا .. انا اسفة اوي
ثم تطلق النار لتخرج الرصاصة وتستقر في رأس السائق التي تخرج منها الماء فتتناثر علي وجهها وملابسها !!!!!
الرواية في قمة الروعة ومن خمسة اجزاء فقط تابعوني علي مدونتي ( مدونة مالك الزعيم )..

مجموعة تفسير الرؤى والأحلام على فيسبوك