رواية السر الدامي البارت الحادي والعشرون - اليك القصة

رواية السر الدامي

البارت الحادي والعشرون

للكاتب المصري محمد مالك

جميع الحقوق محفوظة
ويتم القبض علي دبور ورجاله وثريا خالة سلوي بمعرفة الضابط عصمت ويتم التحقيق معهم في مديرية الامن
عصمت .. اسمك ايه يلا وبتشتغل ايه ؟!!
دبور .. ما اسمي في البطاقة يا باشا والبطاقة في ايدين سعتك اهه !!
عصمت .. انت هتستظرف يلا ؟!! انطق لأعلقك دبور .. اسمي عابدين عبد ربه يا باشا الشهير بدبور
عصمت .. دبور !!
دبور .. ايوا سعتك .. مش بيقلك دبور وزن علي خراب عشه ؟!! اهو انا اللي دايما بزن علي خراب عشي وادي النتيجه قدام سعتك اديني اهوه !!
عصمت .. بتشتغل ايه يا دبور ؟!!
دبور .. سكرتير فاروق باشا ودراعة اليمين سعتك
عصمت .. ويطلع مين فاروق باشا دا ؟!!
دبور .. فاروق النحلة يا باشا .. صاحب شركة مقاولات كبيرة وفروعها في الوطن العربي كله
عصمت .. اها .. ودا بقي اسمه النحلة عشان بيطلع عسل ؟!!
دبور .. ههههههه .. حلوة دي !!دمك خفيف اوي يا باشا
عصمت .. اخرص يلا .. ومين دول ؟!!
دبور .. دول صبياني يا باشا
عصمت .. وكنت بتعمل ايه انت وصبيانك في بيت الست ثريا؟!
دبور .. ولا حاجة سعتك .. عرفنا انها بعافية شوية قلنا نروح نسلم عليها
عصمت .. اتعدل يلا لأحسن وديني اعدلك بطريقتي واخليك تعترف باللي عملته واللي معملتوش كمان !!
دبور .. لا ياباشا انا اعترف باللي عملته بس !!
عصمت .. انطق
دبور .. روحنا عشان ناخد العيلة الصغيرة اللي معاها
عصمت .. وتطلع مين العيلة دي ؟!!
دبور .. معرفش سيادتك انا بنفذ الاوامر وبس
عصمت .. اوامر مين ؟!!
دبور .. اوامر فاروق باشا
عصمت .. النحلة ؟!!
دبور .. ايوا .. عليك نور يا باشا
عصمت .. الطفلة الرضيعة دي تقربلك يا ست ثريا ؟!!
ثريا .. والله انا ما عرفة اقول ايه بس ؟!! سامحيني يا سلوي .. لا يا فندم انا معرفهاش
عصمت .. امال البنت دي كانت عندك بتعمل ايه ؟!!
ثريا .. انا معرفش حاجة عن البنت دي خالص !! دي جابتهالي سلوي بنت اختي وقالتلي خليها عندك لحد ما اعرف ايه حكايتها !!
عصمت .. وسلوي ايه علاقتها بالبنت دي ؟!!
ثريا .. بتقول ان جابهالها المرحوم جوزها يوم وفاته وقالها خلي بالك منها ومحدش يعرف عنها حاجة خالص
عصمت .. اها .. والناس دول تعرفيهم ؟!!
ثريا .. ولا عمري شفتهم .. دول جم عندي وعملوا نفسهم من التليفونات واول ما سمعوا صوت البنت بتعيط قاموا زاقيني ووقعت علي الارض ودخلوا اخدوا البنت من جوا الاوضة وهما خارجين سيادتك قابلتهم
دبور .. انا ماليش دعوه يا بي انا بنفذ اوامر فاروق باشا !!
عصمت .. النحلة !!
دبور .. ايوا فاروق النحلة يا باشا
عصمت .. اهي النحلة كمان زنت علي خراب عشها زيك يا دبور !!
ونذهب الي سلوي والتي قرآت الملف الذي عثرت عليه داخل الحائط وتقول لنفسها وهي مندهشة
سلوي .. معقول ؟!!
تابعوني والبارت التالي .. تحياتي ..

مجموعة تفسير الرؤى والأحلام على فيسبوك