قصة الجحيم💀 الجزء الثامن💀 - اليك القصة

قصة الجحيم💀 الجزء الثامن💀 - اليك القصة

#الجحيم
#الجزء_الثامن
دخلت فى حاله الجاثوم تانى
قرب منى اكتر وطلع حاجة حادة
قتل بيها الحصان
والكلب
وملى الوعاء دة دم من رقبتهم ...
وبدا يقرب منى
ورفعنى قعدنى ...
وبدا يشربنى من دمهم ...
و مسك الدم بايدة وفضل يحطة على شعرى وعلى جسمى ...
وبعدين وقف عند طرف السرير تانى  لف جامد حوالين نفسة .......
وقف الشيطان عند طرف السرير وفضل يلف حوالين نفسة جاااااامد اتحول لدخان اسود عمل زى دوامة هوا بتلف حوالين نفسها ... هوا او دخان لونة اسود ... مش عارفة
واختفى ...
لحظتها بدات اقدر احرك جسمى وصوتى يطلع ...
بدات اندة ع محمد ...
وانا مكانى جسمى مكسر مش قادرة اتحرك ...
وانا بندة ع محمد مش عارفة اقولة ولا لا
احكيلة الى حصل ولا هيقولى .... هلاوس ...
قعدا اقول لنفسى دى هلاوس يا سمر ... مافيش شيطان مافيش اشباح ... انا الى بتخيل ... وخدت نفس عميق وقررت اعمل زى ما بيقولولى ....
المهم قررت محكيش لمحمد
محمد وصل وفتح باب الاوضة ...
وسالنى مالك عرقانة كدة لية
وبتندهى بالشكل الغريب دة لية
فى حاجة حصلت ...
سكت شوية .... وبلعت ريقى ... واتنهدت ...
وابتسمتله ... تلافينى كنت بحلم
وبعدين قلتله .. انا ... جعانة
وحاسة انى دايخة ...
قالى طيب هحضرلك عشا
سالته الساعه كام
قالى 11ونص
قلتله الوقت اتاخر مش هتنام ع شغلك الصبح
قالى لا هشتغل من البيت الفترة دى لحد ما تبقى كويسة عشان ابقى جمبك واهتم بيكى طالما مش راضية انى احكى حاجة لماما
ومامتك رافضة تيجى تقعد معانا  وهخلى اسلام ..شريكة ..
يتابع معايا من المكتب
هزيت راسى وقلتله تمام .. جيت اقوم من السرير طلب منى انى افضل بالسرير وهو هيحضر العشا ويجى يقعد جمبى
ونتعشى سوا وننفرج على فيلم جديد حملة ع التلفزيون بتاع اوضة النوم
قلتله تمام  ولع النور وانت طالع بقى وهات تليفونى من الشاحن ..
قالى ما بلاش تليفون ليكون قربة باثر ع البيبى
بصيتلة لغضب ولسة هتكلم ....
قالى خلااااااص اهو اهو يا حجة هتكلينا ولا اى
وادانى الموبايل وساعدنى اعدل قعدتى وباسنى براسى وطلع برة..
بقلب بالموبايل لمحت نقطه دم على السرير جمى مكان المخدة ....
شوفتها ... حسيت بقبضة بقلبى ...
يعنى الى حصل حقيقي...
بدا قلبى ضرباتة تعلى ونفسى مش قادرة اخدة ...
معدتى قلبت ...
رحت رجعت ... على السرير .. نزل من بقى دم كتيييير واخر الترجيع ..
بعدين حسيت فى حاجة مكلكعة واقفة فى زورى بتحاول تطلع
كان روحى بتطلع .....ومرة وحدة
حاجة سوووودة شبه العقرب بس كبيرة شوية  نزلت منى  من بقى مع الترجيع على السرير ..
بس طلعت تجرى نزلت على الارض وطلعت برة الاوضة تجرى .. واختفت
هبط خالص ... وحسة انى بدات ادوخ ولكن مفقدتش الوعى ...
محمد سمعنى وجه يجرى ... فى ايييية فى اييية
اى دة يا ساتر اى الدم دة ..
اتهبدت ع السرير ... بس مش مغمى عليا حاسة بكل حاجة
جرى محمد اتصل بالاسعاف
جم نقلونى على المستشفى ...
بعد تحاليلى وفحوصات  وووووووو
التشخيص طلع بداية قرحة بالمعدة .. بسبب كتر الادوية بتاعه الحمل وادوية الدكتور النفسى مع قله الاكل ...
اتعلقلى محاليل للصبح ...
طول الليل محمد قاعد جمبى ماسك ايدى بيحاول يخلينى اتكلم عشان يحس انى بقيت كويسة ...
عمال يهزر معايا ويغنيلى ويفكرنى بايام خطوبتنا والمشاكل التافهه بيحاولى يفصلنى عن الى انا فية
او يمكن عاوز يطمن نفسه انى كويسة
بس انا ابداااااا عمرى ما كونت كويسة ....بقالى كتير انا بجحيم
والغريب والجديد بقى  انى كمان  قفلت من محمد ..  الى مش مصدقنى ..او مش عاوز يصدقنى ....
حسيت انى لوحدى ... امى بتقول عمل وحاطة سلفتى وحماتى بدماغها
محمد بيقول هلاوس وعلاج والطب والتقدم و.....
اعمل اى بس ...
كانى اتكتب عليا اعيش مع الجحيم دة
منا لو قلت لمحمد على الى شربنى دم ...هيقولى هلاوس
بالرغم من انى رجعت دم
هيقولى قرحة
والعقرب الى نزل من بقى ...
هيقولى هلاوس ...
كان ماسك ايدى وانا مش طيقاه .... كان قاعد يمينى
بدا ينام على نفسة ...
وفعلا راح بالنوم سحبت ايدى منة ولسة بيص اخر الاوضة .
ظهر بزاوية الاوضة ... الشيطان الرجيم الى حول حياتى لجحيم ...
شوفتة ... اتخضيت ... بس المرادى
قررت مصوتش ...اووماعدش عندى حيل
او عارفة انة هدخل فى حالة الجاثوم وانى مش هقدر ادى اى رد فعل
بدأت اعيط بصوت ... طالع منى اننين كان روحى بتتعذب...
فضل يقرب منى وكل م يقرب دموعى تنزل اكتر ...
هعمل اية .....
مافيش حاجة هتتعمل ...
فضل يقرب اكتر ويبتسم كانة بيقولى استسلمتى ولا لسة ...
غمضت عينى عشان مشوفهوش ولا اشوف الى هيحصل ...
محمد نايم ع الكرسى  وساند راسة ع السرير جمبى
يعنى قريب منى ..
مش بعيد المرادى ... مش محتاجة اصرخ
مش محتاجة اندة عليه ...هو جمبى
بس انا لوحدى ... لوحدى تماما
غمضت عينى ولكنى ساااامعة صوت رجلة ... الى بتخبط بالارض .... بيقرب منى ...
انا خايفة فعلا ... بس استسلمت ...
مش هصرخ ... مش هصوت...
اتمنيت المرادى يموتنى واخلص
فضل يقرب منى  ... وانا مغمضة مش عاوزة افتح عينى خالص
خايفة جدااااااا وبنفس الوقت مستسلمة تماما
بس مش قادرة اتحكم بدموعى
غصب عنى كنت بعيط بحرقة
فضل يقرب يقرب يقرب
حط ايدة على شعرى
اتنفضت من مكانى ...
اترعبت ...
وفتحت عينى
لقيت الدكتور بوشى بيشوف حرارتى ...
وبيطمن عليا
وسالنى... انتى كنتى نايمة وبتحلمى ولا اى
قلتلة لية؟
قالى عشان كنتى بتعيطى بصوت غريب
ودة الى خلانى احط ايدى ع راسك خفت تكونى سخنتى وبتخطرفى
قلتله مش عارفة
صحى محمد ع حديثنا وسال الدكتور
سمر عاملة اى دلوقتى
قالة لابقينا احسن كتييير وهتروحوا الصبح ان شاء الله....
محمد بصى بعد م الدكتور طلع وقالى بتعيطى ليه ..
قلتله معرفش حسيت نفسى مخنوقة شوية
فضل يطبطب عليا ويلعب بشعرى لحد ما نمت ...
الصبح صحينا وروحنا ع البيت ...
غيرت هدومى وقلت لمحمد هنام شوية عشان معرفتش انام كويس فى المستشفى ...
دخلت نمت
نمت كتيييييييير
بدون رعب بدون الشيطان ما يظهر بدون اى ششئ غريب
صحيت ومش مصدقة نفسى معقول نمت وصحيت ومحصلش حاجة
قمت من على السرير وبدات افوق كدة وقلت اطلع اشوف محمد بيعمل اى وهنتغدى اى وبقينا امتى
طلعت برة اوضة النوم وماشية مش مدية خوانة
مرة وحدة حسيت انى بدوس ع حاجة ...
اى دة تعابين ...
تعابين كتيرة صغيرةة  وكبيرة وضخمة لقيتها تحت رجلى
وبيلفون حوالين رجالى
وبداوا يطلعوا يلفوا ع جسمى كلمة ...
لفوا حوالين رقبتى وحوالين وشى خبونى تماما ...
وسامعة صوت بيقول ماغوووووورا
ماغووووووورا ماغوووووورااااا التعابين فضلت تلف حوالين جسمى وبدات تضغت عليا وكانها هتعصرنى
استسلمت تماما وقلت خلاص هموت ... وهخلص
بدأت اسمع صوت محمد بيقرب وبيندة عليا سمر
سمر انتى فين
بسرعة بسرعه كل التعابين فكت من على جسمى ...
ماعدا واحد صغير اووووى دخل من سورتى
كانة اخترق بطنى ...
ازاى هقدر اعيش وشوفت تعبان بيدخل بطنى
هموت باى لحظة
او هيموت ابنى
قعدت ع الارض اعيط والطم واشد فى شعرى
محمد جة يجرى عليا فى  اى اهدى فى اى
قاعدة ع الارض لية وبتعيطى لية احكيلى مالك
قلتله ابننا هيموت
قالى ياساتر فى اية لى بتقولى كدة ...
سكت وقعدت اعيط
كرر السؤال فى اى مالك
قلتلة حسة بمغص كانى بسقط خدنى اعمل سونار دلوقتى حالا ...
قالى غلط لسة عاملين الصبح يالمستشفى عدى اسبوع على الاقل ...
قومى اهدى واغسلى وشك وتعالى محضرلك الغدا الى بتحبية
قمت معاه غسلى وشى وقعدنا ناكل
نفسى كانت مفتوحة بشكل بشع
ومهما اكل مش بشبع
وبدات احس بحاجة بتلعب فى بطنى
كان فى سمكة بتسبح فى بطنى
مع انى لسة بالشهر الاول  من الحمل
قلت لمحمد هات ايدك ... وحطتها ع بطنى
قلتله حاسس بحركة جوة
قالى اه حاسس
غريبة دى انتى لسة بالاول
شكل البيبى هيطلع شقى لمامتة وضحك
بصيتله ودورت وشى
فضل محمد قاعد معايا بالبيت طول فترة الحمل
وكل يوم بالليل
بقيت اشوف الشيطان بزاوية الاوضة مرة
ومرة يطلعلى يالحمام
ومرة اشوف ارض المطبخ مليانة دود
وكل مفتح باب الشقة الاقى روث الحصان ...
دة غير انى ديما بسمع صوت قطط بنتخانق بالليل مع بعض بصوت مرعب  ...

دة غير انى ديما بحس فى حد نايم جمبى
بحس بحرارة جسم حد مش شيفاه .. بسمع صوت نفسة
بحلم بكوابيس كتيرة بحاجات مرعبة واشكال تفزع
سعات كنت بعيط
وسعات اصحى اصرخ
وسعات اكون فى حاله الجاثوم
وسعات كان يغمى عليا ...
عدى 6شهور  على الوضع دة وبقيت بالشهر ال7
تقريابا مش بنام
حسة بيهم حوليا بكل مكان وبشوفهم كمان .. وبيندهوا باسم ماغورا
عدت الشهور والايام واستسلمت لقدرى
بس الى حصل كان صعب انى استحملة
دخلت انام ظهرلى ...
راجل شيطان اسود طوييييل بدقن كبيييييرة سودة وطويلة واصلة لاخر بطنة
وقرونة كبيرة ولافة على بعضها  من كتر طولها
اول ما ظهر حسيت ان فى حرارة فى الاوضة
فى دخان ... او ريحة شياط
قرب منى.
ودة كنت متعودة عليه او متوقعاه
بس المرعب انة حط ايدة على بطنى ...
وضغط جاااااااامد
خفت اوى على بنتى  لا تموت من الضغط
حسين بحركتا فى بطنى
كانها يا قلب ماما بتتخنق من الضغطة او او موجوعه
فضلت اصرخ واحاول ابعد عندة ...
بس مقدرتش ...
حسيت بوجع جاااااااامد
المكان تحتى اتبل ....
وولدت على نفسى
بنتى وقعت منى
مسك الشيطان بنتى ...
من رجليها .....
وبصلى وبرق...
يتبع 😍😍
مستنية رئيكم  وتشجيعكم بقى 😍😍