قصة الجحيم 💀الجزء العاشر و الاخير💀 - اليك القصة

قصة الجحيم 💀الجزء العاشر و الاخير💀 - اليك القصة

#الجحيم..
#الجزء_الاخير
شاورتلى ع اخر سرير جوة خالص وقالتلى بنتك اهى مافيش غيرها اصلا  وشكلها صاحية وحطت اديها ع كتفى وقالتلى ماغووورااا
اتنفضت وبعدت عنها وبصيتلها .. بصتلى وبرقتلى وضحكت .وبدات تتحول الممرضة قدامى بدأ جلدها يقع على الارض ويظهر تحت جلد اسود مليان تعاوير فضل الجلد يقع ويظهرلها انياب ويطلعلها قرون وضوافر و صوتها بيتحول سااااامااااار .. واتحولت للشيطان ..
ماغووووورااااااا سااااامراااااااا ماغوراااا
كنت مرعوبة خلاص قلبى كان هيقف ..
حاولت افتح باب الحضانة عشان اخد بنتى واحاول اهرب معرفتش جةمسكنى  من شعرى وقرب منى وقالى ماغوووورا فليبدا الجحيم
واختفى ... وظهر جوة الحضانة وبدا يقرب من بنتى ...يقرب من بنتى وانا اصرخ واكسر فى الباب عشان ادخلها مش عارفة
وصل عند بنتى ومسكها وبصلى بصة مرعبة وفضل يشم فى بنتى من كل حتة فى جسمها
وراح ماسكها من رجليها وقلبها وبدا يقرب من الازاز نحيتى ...
وهو ماسك البنت من رجليها ومخلى راسها تحت .
وصل لحد الازاز كان بينى وبين بينتى والشيطان الازاز ..
رحت شيلت كرسى من كراسة الانتظار قدام الحضانة وهبدتة فى الازاز ونطيت جوة الاوضة عشان اخد بنتى منة ...
سمعت جرس الانذار فى المستشفى وبدأت صوت حركة ودوشة وناس بتقرب من الممر الى بيوصل للحضانة
شديتها منة ....اختفى الشيطان ..
جم لقونى ماسكة بنتى قعدوا يزعقولى وخدوها منى .. واتصلوا بالبوليس وبمحمد جوزى
جت الشرطة وجه محمد واتعملى محضر روتينى عشان الى كسرتة بالمستشفى
قلت لمحمد انا مش هتحرك الى ببنتى هبات بالمشتشفى فضلنا قاعدين للصبح ... بقيت انام ع نفسى وانا قاعدة واصحى ع منظر الشيطان ماسك بنتى وبيشمها ...
الصبح محمد قرر يروحنى.. بالعافية مكونتش راضية ابدا بالعافية اقنعنى وقالى هحاول اطلع البنت بالليل روحت وانا حزينة وقلبى مقبوض حسيت انى مش هشوفها تانى دنا حتى لسة مسمتهاش لسة ماحضنتهاش ولا شميت ريحتها هتجنن من الوجع الى حساه بقلبى . روحت البيت محمد نزل وسابنى مع ماما حكيتلها كل حاجة كا حاجة كل لحظة وكل يوم عشان هى مكانتش بترضى تيجى ابدا تزورنى بالبيت كانت خايفة منى ومن بيتى ومن سلايفى وحماتى ..حضنتنى جامد قعدت اعيط وانهارت حسيتها حاسة بيا اووى عدى اليوم وجة محمد وجاب البنت جريت عليها حضنتها كان روحى ردت فيا خدتها وقلتلهم هسمسها هويام.. بالاول استغربوا الاسم بس بالاخير محدش اعترض خدتها وحضنتها ودخلت الاوضة عشان اغيرلها وارضعها وابص ع شكلها واملى عينى مينها .. هويام حبيبتى يا قلب ماما ماتعرفيش انا اتوجعت اد اى عشان احافظ عليكى ماتعرفيش يا هويام اد اى انا استحملت الفترة الى فاتت انا هحميكى يا هويام مش هخلى الشر يلمسك حتى لو كان المقابل ياخدوا روحى يا قلبى هحميكى ..
وحضنت هويام ونيمتها فى حضنى ونمت جمبها ...
بقيت اصحى كل يوم بلليل على محمد بيصرخ فيا هتموتى هويام
حاطة المخدة فوق راسها ليه حرام عليكى
ويروح شادد هويام منى
انا مبصحاش ومبحسش بنفسى غير وانا بحاول اقتلها ... كل يوم كدة
بقيت مابنمش خايفة اموتها قله النوم بوظن اعصابى قلت لماما تاخد البنت عندها  لحد ما اشوف هعمل اى رفضت وقالتلى انا اخاف اشيل مسؤلية حاجة زى دى .. بدأت عينى تنزف دم ... وانا قاعدة  وبدات ارجع دم بقيت اخاف احضن هويام لحسن ااذيها فضلت قاعدة فى اوضتى وهى قدامى بسريرها وانا صاحية جمبها خايفة المسها  ووقت النوم بندة لمحمد يقعد جمبها واطلع انام برة بس  انهاردة نمت على نفسى مع الاسف ..
صحيت بالليل على اصوات مرعبة رجت قلبى من جوة صحيت اتنفضت فين هويام فين بينتى فين مش فى حضنى .. انا قتلتها ! اتفجعت وجريت زى المجنونة ادور عليها بالشقة
قمت فتحت باب الاوضة ادور ع ماما ومحمد ممكن تكون هويام معاهم ملقتش حد ... سمعت صوت جاى من الحمام ... فتحت باب الحمام ودخلت ... ملقتش حد جاية ارجع لقيت نفسى اتسحبت جوة الحمام والباب اتقفل .... ولقيت نفسى بصالون بيتنا القديم بيت ماما وبابا ومعايا صحابى ابتهال ومنة وايمان و....
ومستنين مستر احمد مستر الفزياء وانا بقولهم انا اقدر اعرف اى حاجة هتحصل قبل ماتحصل وبدات اعمل ويجاااا وكان الموقف بيتكرر قدامى تانى بس ملامح صحابى كانت مرعبة كانهم ملبوسين ... مش بنفس شكلهم البرئ الى كنت عرفاه ... والمشهد كمل للاخر وانتهى بصوبت وعياط  وموت صحابى .. ومرة وحدة لقيت نفسى وسط مقابر كتير والدنيا ضالمة خفت اوى اى دة اى الى جابنى هنا فضلت اجرى يمين وشمال يمين وشمال لقيت 3 قبور جمب بعض  قبر باسم المرحومة  فاطمة السيد عثمان بتاريخ 13/4/2009  امى ..يوم حادث ويجا
وقبر باسم عبدالعظيم محمد كامل بابا بنفس التاريخ تاريخ حادث ويجا وقبر تالت مكتوب عليه هويام محمد فايز  ماغور .. بنتى بتاريخ 17/3/2019 انهاردة بس القبر مفتوح ....
اتخضيت جدا ودموعى  بدات تنزل منى وبدات ارجع لورا بضهرى ومبرقة على ال3 قبور  ومصدومة اى دة اى الى بيحصل فى اى
لقيتتى اتسحبت مرة وحدة جوة القبر الى باسم هويام بنتى ... ونزلت تحت الارض لقيت  تقريبا 7 شياطين شكلهم مرعب حاطين بنتى بالنص.. وعمالين يلفوا حواليها ويرددوا ماغورا ماغورا ماغور ماغور  وانا واقفة فى حاله الجاثوم مش قادرة اتحرك باخد نفسى بالعافية
بدات بنتى تكبر بقى عندها سنتين .. 7سنين ...13 .. وبعدين بقت عروسة جميلة .. بس بالرغم جمالها شكلها قشعر جسمى من شدة الرعب . بصتلى وضحكتلى وقالتلى سمر انا ماغورا .. وبتقرب عليا وبتضحك وقف ال7 شياطين حواليها ورددوا ويجاااا ويييييجاااااااااا
سمعت حد بيندة سمر سمر .. اى دة دة صوت محمد
بيقرب بدات اطمن .. اكيد محمد عرف مكانى اكيد الى انا فية قرب يخلص وهويام واقفة قدامى عمالة تبرقلى وتضحك بصوت مرعب ... صوت محمد بيقرب
ظهر محمد مرة واحدة .. اتفكت حاله الجاثوم جريت عليه الحق يا محمد الحق بنتنا هويام انقظها .. مسك ايدى وقالى انا عرفت كل حاجة ماتخافيش وقرب نحية هويام بس طبعا كانت تقريبا بنت 18 سنة ...
ومسك اديها وحضنها جامد وقالها ودعى ماما ماغور .....
واتحول محمد للشيطان الى بيطاردنى من يوم حادث ويجا ... وقالى دة عقابك الجحيم الابدى هويام هى ماغورا زوجتى ..  اوعى بيوم تنسى ان بنتك هى ماغورا مرات شاوم الشيطان ..  ماغورا هتشوف جحيم ابدى ....
ومر قصاد عينى شريط مشوفتوش قبل كدة  احداث حصلت وحجبوها عنى عشان يوصلونى لليوم دة ...
حادث ويجا .. ظهرلى الشيطان  وقتل امى وقتل ابويا  وكنت كل السنين دى عايشة مع اشباح مش اهلى و بعد سنين اتجسد فى صورة محمد وجة اتقدملى ... وخلفت بنتى عشان يحرق قلبى عليها وياخدها منى .... كل دة عشان عملت حاجة بيوم مكنش المفروض اعملها .....
بلحظة لقيت نفسى برة القبر واتقفل على صوت حد بيقول ماغووووراااا
تمت القصة .. اتمنى تكون عجبتكم 😍
شجعونى بقى و قولولي رائيكم😍