قصة الماضي 🌸الجزء الرابع و الاخير🌸 - اليك القصة

قصة الماضي 🌸الجزء الرابع و الاخير🌸 - اليك القصة

المره دي اللغز كان بالنسبالي سهل وده لاني بقرأ كتب كتير مجرد ما قريت "اولاد حارتنا" جيه في بالي كتاب نجيب محفوظ بس انا مشوفتش كتب في الاوضه خالص
قومت ادور تاني وفعلا لاقيت كتاب جواه ورقه بس استغربت الكتاب ده جيه منين معقوله مخدتش بالي منه المهم مفكرتش كتير ومسكت الورقه اقراها
(،قولت لماجده اني مش هعمل كده تاني واسف واترجيتها متحبسنيش تاني وتخرجني قالتلي كان من الاول لازم شغل البلطجه ده او عملت حاجه تانيه هقتلك فاهم قولتلها حاضر وخرجت وحميده في عنيها سؤال واحد رجعت ليه ،خرجت وفات يومين وانا هادي جدا وبتعامل بطريقه عاديه ودخلت علي حميده المطبخ وقولتلها اعملي الاكل وامشي من هنا
قالتلي انت رجعت ليه وهتعمل ايه يا ابني مضيعش نفسك كلمتها بشده وقولتلها اسمعي الكلام انتي مش شبه المكان ده
معرفش ليه سمعت كلامي وفعلا استئذنت انها تروح تجيب حاجه دخلت المطبخ وحطيت سم فيران في كل الاكل وبكميه كبيره افتريت وده السبب اللي خلاني ممشيش مكنش ينفع اسيب الكائنات دي تعيش وتظلم وتقتل الناس ومحدش يغاقبها وانا اخترت نفسي اغاقبهم واخلص الناس منهم حتي اللي كانوا واقفين ساكتين يستاهلوا الموت حطوا الاكل ودخلت الحمام استنيهم يخلصوا اكل وانا متخيل ماجده وهي بطلع في الروح ومحدش هينقذها واخدت ملفي من المكتب بتاعها علشان ميكونش ليا اثر في المكان ده ومشيت وانا منتصر)

وقفت قرايه من الخضه انه قتل كل الناس دي انه كده هيبقي ميفرقش حاجه عن ماجده هو كان صعبان عليا لكن دلوقتي انا خوفت منه وبعدين التليفون رن ده عمر خطيبي
-الو
=ايه يا ندي انا بحاول اكلمك من امبارح انتي مشغوله ليه الايام دي كده
*فكرت اقوله وبعدين رجعت في كلامي*
-معلش يا عمر الامتحانات واخده وقتي
=امتحانات ايه علي اساس اني مش معاكي في نفس الكليه وعارف مواعيد امتحاناتك
-ها
*دماغي مكنتش معاه وكانت مشغوله بالورقه
=في ايه يا ندي الله!!
-طب معلش يا عمر هكلمك وقت تاني علشان ماما بتتصل
-والله طب سلام
*قفلت معاه وانا عارفه اني مقصره معاه الفتره دي لكن عايزه اعرف ايه نهايه الورق ده*
(مبصتش ورايا حتي فات خمس سنين علي الكلام اللي انا بحكيه ده لكن السؤال هنا انا بحكيه ليه علشان عايز اطلب منك طلب
ماجده عندها بنتين عايشين لوحدهم هسبلك شنطه هقولك فيها ايه انا مش عايز اخدعك الشنطه فيها قنبله هتطلعي وتديهلهم وهتقوليلهم انها جايه من باباهم بمجرد ما يفتحوا الشنطه هيتفجروا وهنخلص منهم العنوان ومكان الشنطه هتلاقيهم مكتوبين في اخر الكتاب ،فضولك انك تعرفي ايه اللي في الورق وصلك لهنا احيانا الفضول يقتل صاحبه يا ندي )

وقفت قرايه وانا مرعوبه وبترعش ده عارف اسمي وبيطلب مني اعمل مصيبه اعمل ايه انا هموت من الخوف قلبت الورقه وكملت قرايه
(مش بس اسمك اللي اعرفوا ندي محمد الشامي ومامتك سميره وابوكي ميت  وعندك اخ مشلول وهما ساكنين في البلد وانتي مخطوبه وانتي قاعده في الاوضه دي عارف كل حاجه وده اللي هيخليكي تعملي اللي بطلبه منك لان القنبله دي لو مراحتش العنوان اللي كاتبهولك هتروح لبيتك وانتي قرري تكوني يتيمه او نقتل عيال واحده تستاهل الحرق قدامك يوم بس تفكري فيه اللي هيبدا من 12بالليل بتاريخ 17/4مع السلامه )

يانهار اسود اعمل ايه انا وقعت نفسي في مصيبه دي الساعه 6المغرب ده فات18 ساعه! اتصلت علي ماما واطمنت عليها واقعدت اعيط وانا بكلمها قومت صليت ودعيت ربنا يساعدني في المصيبه دي بعد ماصليت لاقيت نفسي بفتح الكتاب واشوف العنوان علشان اروحه مكنش قدامي غير كده كانوا اختيارين صعبين ياما اعيش وانا عارفه اني قتلت روح او اضحي بعيلتي وافضل طول حياتي لوحدي وانا عيلتي كل حاجه ليا روحت المكان ده وجبت الشنطه وركبت تاكسي وروحت طول الطريق قلبي بيدق جامد وبترعش وحاسه اني راحه اتعدم، احساس الخوف وحش جدا واحساس انك رايح تقتل روح مكنتش طايقه نفسي ومش عارفه اعيش ازاي من ضميري بعد العمله دي والتاكسي وصل ونزلت وانا بطلع السلم نفسي اموت عماله اقول يارب ساعدني يااارب لاقيت حد بينادي عليا
-ندي
=عمر! انت بتعمل ايه هنا
-مستنيكي
=مستنيني ازاي
-هكلم بس متقاطعنيش خالص اوعديني
=ماتفهمني في ايه ؟
-اوعديني
=اوعدك اخلص
-احيانا الانسان بيتحط قدامه اختيارات وحشه مش شبهه ولو في حالته الطبيعية مش هيعملها ،هو مبيبقاش وحش لكن في حاجه اجبرته يعمل كده زيك بالضبط كنتي هتعملي حاجه مش شبهك علشان تنقذي عيلتك هتعيشي بتأنيب الضمير طول حياتك علشان ناس بتحبيها
=انت ازاي عا..
-ارجوكي سبيني اكمل،انا حطيتك في الموقف ده علشان تفهمي احساسي لان كلامي عمره ما كان هيقنعك وكنتي دايما هتشوفيني شخص قاتل وهتخافي مني انا معملتش كده غير علشان صاحبي نور انا فضلت حاسس اني لوحدي وبشوف الناس وحشه كل شخص كان بيتعامل معايا كان في حاجه وحشه جواه لكن انتي كنتي ملاك حنينه وطيبه حبيتك وكان لازم اقولك علي ماضي حياتي بس بطريقه تحسسك باللي انا حسيت بيه طريقه متخلنيش اشوف في عينك خوف مني او تبعدك عني انا اسف لو كنت خليتك تخافي علي عيلتك واسف ان حياتي ملغبطه واني محكتلكيش من الاول  لكن انا معاكي ومع عيلتك حسيت بالامان حسيت ان حياتي بدأت ساعه ما قابلتك الحب اللي شوفته معاكوا جميل فارجوكي سامحيني
=انا مسمحاك يا عمر فعلا احيانا الانسان الدنيا بتجبره يعمل حاجات مش شبهه ابدا ،انا شيفاك حنين وجمييل جدا لدرجه اني مصدقش انك تقتل قطه ،انا بحبك وعمري ما هسيبك انا مليش دعوة بعمر الطفل انا ليا دعوة بعمر الراجل اللي حسيت معاه بأمان من بعد ما بابا مات
كانوا دايما يقولوا فاقد الشي لا يعطيه برغم انك مشوفتش حنيه وحب في حياتك الا انك عندك حب قادر توزعه علي العالم ده علشان يعيش بسلام.
*لاقيته بيعيط*
-انا بحبك اوي يا ندي
=وانا كمان
Menna_elshamy
‎الجزء_الرابع
الماضي