قصة الكرسي العجيب🤔الجزء الثاني و الاخير - اليك القصة

قصة الكرسي العجيب🤔الجزء الثاني و الاخير - اليك القصة

#الكرسي_العجيب_2
بقولك عرفت الاسم ده منيييييين
-اهدي اهدي بس ،انا لو قولتلك مش هتصدقيني
=لاهصدقك قولي
*حكتلها كل حاجه*
=انت كداب  وبتقول اي كلام
-كنت عارف انك مش هنصدقيني بس والله ده اللي حصل،انا عايز اساعدك حاسس ان مكنش في حاجه صدفه ان الكرسي يوقع في ايدي واعرف اوصلك اكيد كل الحاجات دي كانت علشان اخرجك من اللي انتي فيه ،انتي بتضحكي علي ايه
=علشان الاول افتكرت أن سمير اللي بعتك علشان يعرف انا بتكلم ولالا لانه شاكك بقاله فتره عايز حتي صوتي يخلص منه انت  بتعمل المقابله معاه قولت انك جاي من طرفه لكن لما روحت وسمير قالي انه زهق ولو مخترتش حد علشان يخلص من الموال ده هيسبني زي الكلبه لاقيت نفسي بختارك.
-يبقي ارجوكي احكيلي كل حاجه علشان تقدر اساعدك
=تساعدني* ضحكه سخريه* انا بقالي في المرار دي 16سنه ،عارف انا لو عندي امل هيبقي علشان آدم
-آدم مين
=هحيكلك كل حاجه يا احمد ،لما كنا في البيت القديم كان ساعتها سمير دكتور صغير وكان مشغول عني طول الوقت لكن انا كنت بعذره  بقي بيتعصب عليا وبيضربني واكتشفت كمان انه بيخوني كل ده وانا ساكته كان قادر يبين للناس اننا عايشين حياه بمبي واول ما يتقفل علينا باب اشوف الوحش الحقيقي يشيل قناعه كنت صابره وساكته خصوصا اني مليش حد  مليش ظهر  وتمر السنين وانا نفسي في طفل اقوله نفسي أخلف يقولي لا انا مش عايز اجيب منك اطفال كنت اترجاه واعيط لكن هو كان قاسي روحت دار الأيتام و كان في طفل أسمه آدم عنده 4سنين  كان جمييل جدًا كنت بروحله كل يوم ولما سمير يروح الشغل اقعد معاه والعب معاه اتعلقت بيه جدا كان هو الحياه بالنسبالي كان آدم بيكبر قدام عيني وكنا بنتعلق ببعض اكتر تلت سنين وانا بروح دار الايتام علشان بس آدم بس اخر مره ملقتهوش كنت هتجنن وروحت بسرعه على المديرة قالتلي انه تعب فجأه ومااات انهرت جدا ومكنتش مستوعبه ازاي يموت ده كل حيات..
-اهدي اهدي  متعيطيش
*مردتش عليا وكملت وهي بتعيط*
فضلت اصوت لغايت ما اغمى عليا وفوقوني وروحت البيت كنت عايزه اترمي في حضن سمير واحكيله برغم كل اللي بيعمله ده بس كنت محتاجه حد يحتويني كنت مستعده احكيله عن آدم برغم اني كنت مخبيه عليه كل الفتره دي ،جيه وكالعاده كان مشغول ومتجاهلني وكان بيتكلم في التليفون وخلص ودخل نام
فضلت قاعده اعيط لوحدي زي ما انا متعوده لكن لاقيت تليفون بيرن من شنطته وعمال يرن ويرن عصبني قومت علشان اقفله فتحت الشنطه وجايه بطلع الموبيل الشنطه وقعت  ووقع منها ملفات كتير    لاطفال لمحت صوره آدم علي ملف منهم استغربت فتحته وفهمت من الورق انهم بيبعيوا اعضاء الاطفال وانهم بيتفقوا مع إداره الملجأ يدوهم أطفال من ويطبخوها سوا آدم مات بسببه هو اللي قتله هو اللي دمر حياتي قتل آدم قتله ليييه ليه
-ارجوكي ارجوكي متعيطيش بالشكل ده خلاص متكمليش لو ده هيخليكي  في الحاله دي انا اسف ان خليتك تحكي .
*فضلت شويه تعيط  وسرحانه وانا قاعد مش عارف اساعدها ازاي جبت منديل ومسحت دموعها وجبتلها ميه تشرب هديت شويه وقولتلها لو مش قادره تكملي خلاص مردتش عليا وكملت ا*

=جريت زي المجنونه صحيته وقعدت اضرب فيه بايدي وازعق واقوله انه قاتل ومجرم وأنه حتي الاطفال مترحموش من ظلمه  وخرجت الصاله وريته الملفات قعدت اقول كلام كتير وهددته اني هبلغ عنه وهديهم الملفات فضل يضرب فيا وأغمى عليا صحيت لاقتني في اوضه غريبه ومش عارفه اتحرك  معرفش عمل ايه ولا حصل ايه لكن انا مكنتش قادره احرك جسمي حاولت أصرخ برده مكنتش عارفه كنت حاسه اني متكتفه ولساني مشلول احساس صعب جدا اني مش قادره أعبر بأي الطرق عن الوجع اللي جوايا غير بالدموع   كان واقف يتفرج علياوضحك ضحكه انتصار وقالي عاجبك حالك كده
شوفي بقي هتتحركي إزاي  مكنتش مستوعبه اللي عمله وكنت بنزل دموع بس  ومبتكلمش لكن جوايا بركان وغضب وكره فضلت ما بتكلمش فتره طويله وصحابه الدكاتره فسرولوا ان ده من الحادثه اه ماهو كدب وقال اني عملت حادثه ،بعدها لاقيت لساني بيتحرك شويه بشويه وبقيت بعرف اتكلم اول مره اتكلمت فيها كنت بدعي ربنا وبعيط ولاقيت نفسي بقول بصوت ياااارب
مكنتش مصدقه اني اتكلمت بس مقولتش لحد علشان خوفت يقضي علي صوتي كمان

-انا مش قادر اصدق اللي بتقوليه انا هتجنن ده شيطان ولازم الناس كلها تعرف ولازم يتحاسب مينفعش  نسيبه كده انا انا لازم
*مكنتش قادر اجمع الكلام من اللي بسمعه وهي فضلت ساكته ومردتش عليا حسيت انها فقدت الامل في كل حاجه مشيت من الفيلا وعمال افكر في طريقه نفضحه بيها حاجه تبين حقيقته فضلت أفكر ولاقيت خطه لو عملناها صح هنعرف نفضحه ، روحت الصبح
-طنط حنان انا جتلي خطه متخرش الميه
=انت بتقولي طنط ليه 
-انا اسف مش قصدي بس انا مش عارف مقولهاش الكلمه متعلقه في لساني ومن انا صغير
=ايه الخطه بقي
-لازم نخبي ده في مكان 
*خبيته وشغلته وفهمتها علي كل حاجه *
=ايه ده وانت بعمل ايه
-هفهمك كل حاجه ،  احنا لازم نجيب الملفات زي الملفات اللي شوفتيها زمان علشان نقدر نفضحه
=مش هنقدر نعمل حاجه انا خلاص استسلمت
-مش علشانك علشان آدم وكل الاطفال
اللي بتموت كل يوم بسبب الحيوان ده

=كل حاجه مهمه بيحطها في الخزنه اللي في اوضتنا
*طلعنا الاوضه*
-دي برقم سري  مش هنعرف نفتحها
=2468
-ايه ده  صح عرفتيه  منين
=مجرد توقع ، لان سمير بيحب الأرقام  الزوجيه كل حاجه مهمه عنده بيحطها برقم زوجي،المهم شوف هتطلع ايه بسرعه
-حاضر حاضر ،يالهوووي الراجل ده عامل بلاوي ده مستحيل يكون انسان ،انا لازم اروح اصور الورق وزي ما اتفقنا مع السلامه
=احمد
-نعم
=شكرا
*ابتسمتلها ومشيت علشان اصور الورق وارجعه تاني قبل ما يعرف مكنش فيه مكاتب حوالين المكان اللي كنت فيه وخدت وقت لغايت ما لاقيت مكتبه صورت والورق ورجعت جري
-انا صورت الورق وهرجعه ولما يرجع لازم تعرفيه انك بتتكلمي
=انت بتقول ايه!!
-افهميني انا خبيت التسجيل وشغلته وانتي لازم تستفزيه علشان يعترف انه هو اللي شلك وهو اللي ورا كل البلاوي دي
=لا لا انا مش هقدر اعمل كده
-لازم تواجهيه خرجي كل غضبك المحبوس من سنين عليه
=متخافيش ا
-انا مش خايفه ،احساس الخوف بيجي لما تخاف علي حاجه تخسرها وانا معنديش حاجه اخسرها ،يا روح
=انا مش همشي وهفضل مستخبي في البيت علشان لو عملك حاجه
-انت ليه بتعمل كل ده
=علشان مينفعش اعمل غير كده
انا هستخبى في الدولاب لما يجي
*اول ما جيه استخبيت في الدولاب وسمعت طنط حنان بتنادي عليه
-سميييييير ياسميييير
=كنت حاسس انك بتتكلمي بس مرضتش اقطعلك لسانك علشان ممكن اكون غلطان وتصعبي عليا
-طيب اوي
=طيبتي دي اللي مخليكي عايشه لغايت دلوقتي
-انت حيوان ومستحيل تكون بني آدم انت منافق وفاكر انك هتفضل قوي طول حياتك لكن ربنا  هياخد حق كل حد ظلمته
=انا مظلمتش حد انتي اللي رغايه وكنتي عايزه توديني في داهيه  علشان شويه اطفال بنقذهم وبريحهم من االعذاب اللي هيشوفوه في الحياه دي فشليتك زي ما هقطعلك لسانك دلوقتي علشان متصدعنيش،واحمدي ربنا اني خليتك في البيت بقرفك ده
-صدقني يا سمير مش هتفضل قوي طول عمرك ونار جهنم هتبقي قليله عليك
=مش بقولك هتصدعيني
*الصوت سكت شويه وبعدين سمعت صوت طنط حنان وهي بتصوت كان عايز فعلا يقطع لسانها خرجت بسرعه وضربته علي دماغه وبلغت البوليس وسلمت الملفات والتسجيل وقبضوا علي المسؤولين بتوع دار الايتام
وشوفت في عين طنط حنان النصر حسيت انها حست اخيرا انها انتقمت لنفسها حتي لو كانت خسرت كل حاجه ،سمير مستحملش السجن وانتحر وطنط حنان فتحت دار إيتام وعاشت وسط الاطفال وكنت بروح ازورها   ، اما بالنسبه الكرسي  اختفي من الاوضه فجأه وكانه كان جاي علشان مهمه ومشي  وماما مصدقتش انه مشي لوحده واني مرمتهوش يا حبيبتي يا حجه كان عجابها اوي فجبتلها واحد تاني

ياريت يا جماعة متاخدوش بالمظاهر متحسدوش الناس علي نعم مش عندهم وعيشوا حياتكوا راضين ،مش لازم كل صوره بنضحك فيها تكون من قلبنا وتكون معناها اننا عايشين حياه سعيده احنا في زمن الاقنعه وكل شخص بيشيل قناعه اول ما يتقفل عليه الباب فلا تنخدعوا بالاقنعه
Menna_elshamy
‎الجزء_الاخير
الكرسي_العجيب