قصة الجحيم 💀الجزء الخامس💀 - اليك القصة

قصة الجحيم 💀الجزء الخامس💀 - اليك القصة

#الجحيم
#الجزء_الخامس .. معظم احداث القصة حقيقية
ممنوع لاصحاب القلوب الضعيفة 👹
قرب الشيخ من وشى .. بصلى جامد وفتح عينة
اووووى
لحظتها حسيت ان قلبى تقريبا هيقف ...
حسيت نبضاتة بدات تقل وتبقى اقوى ..
كان قلبى مش مستحمل الموقف .. حسيت قبضة بقلبى .. نفسى باخدة بالعافية ...
خايفة .. مش عارفة الجاى اية
مش عارفة الشيخ ممكن يقول اى .. كل دة  حسيت بية باقل من 20ث
فضل الشيخ باصصلى وانا عماله ابص يمين وشمال
وخايفة ابصلة ...
معرفش خايفة ابصلة عشان خايفة منة .. ولا خايفة يكتشف حوار ويجا ويقولة قدام ماما
فضل باصصلى لحد م اجبرنى ابصله ...
بالاخر بصيتلة ...
اول ما بصيتلة حسيت برعشة بجسمى ...
فضل مبرقلى وفضلت بصاله
راح مرة واحدة بصوت عالى ...
يا ساااااتر يااااا حااااافظ
ومسك حاجة كانت موجودة فى طبق اسود ورش منها فى الحاجة المولعة الى قدامة ...
الدخان زاد اكتر ...
اتنفضت وبعدت عنة ...
قالى قربى يا سمر وادينى ايدك ....
كنت خايفة اقرب منة .. ماما زقتنى عشان اقرب
زعقلها وقالها ابعدى عنها دلوقتى ... ماتلمسيهااااااش غلط غلط
بلاش تبقى كبرى ومهرب ليهم ...
ماما خافت وبعدت عنى  ...
انا اترعبت اكتر .. كبرى لمين؟  مهرب لمييييين ؟
طبعا كل دى اسله بدماغى لسانى عاجز عن النطق
قربت منة
بصلى جامد فى عينى  تانى وفضل يتمتم بكلمات مش مفهومة
و مسك ايدى وهو مبرقلى وانا مبرقاله .وكمل فى تمتمة كلمات مش مفهومة
وبعدين اتنفض .. وزق ايدى
وقال يا ساااااتر يا حاااافظ .. احمينا يا رب.
وراح قام وقف وفضل يحرك راسة يمين وشمال يمين وشمال ويقول احفظنا يارب .. احمينا يا رب ..
وراح قعد ...
بص ليا ولماما .. وقالنا ....
للاسف معمول عمل ... عملى سفلى ...
عمل سفلى شديد الحبكة ... على ايد حد كافر مالوش دين .. او مش مسلم ...
درجة النجاسة الى استخدموها بالعمل ميقدرش مسلم عليها ...
ماما لطمت ... عمل .. عمل ياخبر اسووود
طيب مين عملة... ومعمول لية
رد الشيخ .. الى عملة 2 ستات واحدة عجوزة نص شعرها ابيض وواحدة دايما صابغه شعرها
واحدة مبينة غلها والتانية عاملة الحبيبة القريبة وهى من جواها مصيبة
ردت امى بسرعه ... حماتك وسلفتك مش قلتلك ...
سالته ماما .. طيب يا شيخنا .. عاملينلها العمل لية
رد .. وقف الحال ..  وقف الحال ..  وقف الحال
قعدت ماما تلطم  وتقول يالهوى ... يالهوى
رد الشيخ ... اول الشهر العربى كمان 3 ايام .. تجولى قبل غروب الشمس .. ومعاكوا حاجة  من قطر ال شاكين فيهم وانا هوريكم العمل قدام عنيكم ...
اتفضلوا امشوا ... وخدوهم معاكم
ماما سالته ناخد من ؟
مسك الشيخ شوية من الطبق الاسود
ورمى فى الحاجة الى  فيها نار قدامة ...
زاد الدخان وملى الاوضة لدرجة انى غطى ملامح الشيخ...
طلعت انا ومتما نجرى .. انا مرعوبة ومش مستوعبة
وماما عماله تعيط وتقول منهم لله عملولك عمل
قلتلك بلاش محمد بلاش بيت العيلة انتى اصريتى عليه
هنعمل اى يا رب دلوقتى هنعمل اية ...
كنا تقريبا بقينا وقت الضهر يمكن ..
عدينا على كذا مسجد والغريبة ان الناس بتدخل الجوامع كتير .. دة الى خلانى اتوقع اننا الضهر
بس انا مسمعتش صوت اذان ولا اقامة ..
برغم من اننا عدينا ع 4 مساجد تقريبا ...
اتجرأت وسالت ماما .. ماما هو انتى سمعتى صوت اذان من اى مسجد من المساجد الى عدينا عليها ؟
قالتلى اه .. وصوت مساجد من بعيد كمان
سكت ... قالتلى ليه فى اى
قلتلها ... انا مسمعتش اذان بقالة فترة كبيرة ... مش فاكرة امتى
ولا حتى بسمع صوت المسجد الى تحت البيت ..
قالتلى منهم لله منهم لله عاملينلك عمل
قلتلها يا ماما الموضوع من قبل معرف محمد انا فعلا نش فاكرة اخر مرة سمعت اذان امتى ؟
مردتش ماما عليا وكملنا الطريق ساكتين
اول ما وصلنا البيت عند ماما
قالتلى قدامك يومن تشوفى حل وتسرقى حاجة من قطر سلفتك وقطر حماتك
وانا برضو شاكة فى خالتك ميرفت وبنتها ... هزورهم بكرة واخد حاجة من قطرهم
روحت البيت ... جسمى كلة مكسر معرفش فى اى
اترميت على السرير  بهدومى
ورحت على نفسى بالنوم .. ماحستش باى حاجة 
صحيت .. بعد كم ساعه معرفش بعد اد اى بدات اصحى وافوق ..
بصيت لقيت الدنيا ضلمة برة قمت اتفجعت ...
يالهووووى احيييييية عليا
الوقت اتاخر
محمد قرب يجى محضرتش الغدا
قمت جريت قلعت هدومى وجريت طلعت برة الاوضة وانا ماشية بالطرقة
سمعت صوت حركة بالمطبخ ...
ياربى ... هو فى ايييييية انا هموت كدة
طيب اعمل اى ...
بدأت اقرب من المطبخ وانا مرعوبة .. والصوت عمال يزيد اكتر واكتر ...
اول ما وصلت عند المطبخ ... ولسة هدخل ...
سمعت صوت قطة .... بطلع اصوات قوية ومرعبة ..
اطمنت شوية ...
دى مجرد قطة دخلت من غير ماخد بالى
جيت انور النور عشان اشوف الهانم واطلعها وانا بحط ايدى على زورار النور حسيت ان حد حط ايدة على ايدى
الموضوع دة حصلة قبل كدة ... فى اليوم المشؤم يوم حادثة ويجا ...
اتفجعت وجاية اجرى واطلع من المطبخ ...
لقيت حاجة سودة بحجم القطة ...
بس قطة رفيعه جدا وطوييييلة
نطة على وشى
وعماله تخربشنى باديها وتعض فى وشى
وديلها كان طويل جدا
لفاه حوالين رقبتى ...
طلعت جرى برة المطبخ
عماله اخبط فى الحيطة يمين وشمالل واصرخ ...
لحد ما وقعت ع الارض ...
القطة نزلت من على وشى .. جريت بعيد عنى دخلت فى اوضة النوم
بدأت ارفع راسى من على الارض واخد نفسى وحدة وحدة
شوفت حاجة سودة مالهاش معالم ... زى دحان اسود متجمع على هيئة بنى ادم

طالع من اوضة النوم .. وبدأ يقرب منى..
بدأت اركز وابص عليه
بدأ ملامحة تظهر
رجلية رجل معزة لونها اسود ومليانة شعر
ولية ديل طويل باين من بين رجلية ونازل على الارض وراه
بدات ارفع راسى وابص علية اكتر
لقيته نفس الشئ الاسود الى طلعلى فى الحمام قبل كدة..
بدأت ازحف  على بطنى وارجع لورا
مرة وحدة حسيت انى دخلت بحاله الجاثوم ...
مش عارفة اتحرك مش قادرة اصرخ
مش عارفة ادى اى رد فعل
كانى اتشليت تماماااااا
فضل يلف حواليا براحة .....
وبعدين  قرب من وشى  ...
وبرقلى بغضب وقالى .. ماغوراااااا مش قلتلك ماتروحيش مع فاطمة
يتبع 😍