قصة الجحيم 💀الجزء الثاني💀 - اليك القصة

قصة الجحيم 💀الجزء الثاني💀 - اليك القصة

الجحيم

#الجزء_الثانى .. القصة حقيقية

اتخايلت بشئ اسود مرعب اونة اسود وعيونة حمرا بارزة لبرة
شايفة ملامحة بالعافية...  قالى اياكى تروحى مع فاطمة ....بكرة ...
حسيت الدنيا ضلمت ... والارض بتلف بيا ...
اغمى عليا ...
بعد فترة معرفش اد اى بدأت افوق وافتح عينى..
واحاول اشوف نفسى فين ..
فى اصوات كتير حواليا .... 
محمد :سمر ... سمر ... فوقى يا سمر ...
سمر .. 
حماتى :بلاش دلع 
محمد: بس يا ماما ماشوفتيش منظرها كان عامل ازاى وهى واقع فى البانيوا...
كويس ان سدادة البانيوا كانت مفتحة ... كانت ممكن لما اغمى عليها تغرق 
حماتى :بس يا محمد الله يرضى عليك دة محن ستات ... .ومراتك شكلها مدلعه وهتقرفك 
محمد: بس يا ماما افرضى صحت وسمعتك 
حماتى :وانا هخاف منها ولا اى 
كريم :بس يا ماما ماتدخليش بين محمد وسمر بلاش تخربى بينهم زى ما عملتى بينى وبين ندى 
حماتى :انا خربت بينكم يا كريم ماشى يا كريم دى اخرتها ..قلبى وربى غاضب عليك
هيثم: بس يا ماما سمر تعبانة ومش وقت كلامك دة روح يا كريم اندة اى دكتور يشوفها لسه مفاقتش لية دول قالوا نص  ساعه وتبقى كويسة وعدى ساعه ونص كدة
انا فييييييين ....
محمد: سمر سمر حبيبتى حمدلله ع سلامتك .. وقعتى قلبى يا سمر 
انا فيييييين ...
عاوزة امى .... عاوزة ماما ... فى  فى عف عفر
وبدأت افوق واستوعب انا فين حواليا جوزى واخواتة ومرات اخوة وحمايا وحماتى ...
مش عاوزة يبقى شكلى اهبل ولا يضحكوا عليا ... وحماتى ما بتصدق .. 
سكت وبدأت اعيط 
قرب محمد منى وحضنى وقعد يقولى فى اية يا حبيبتىى
مالك اهدى بس كدة وصلى ع النبى واحكيلى حصلك اية ..
بصيتلة بصة الى هو مش عاوزة احكى دلوقت 
وفهمنى حبيبى وسكت ولم الموضوع لحد ما روحنا البيت 
وصلونا ومشوا ...
فضلت اعيط بانهييار اول ما نزلوا ...
محمد قعد يهدى فيا .. ويسالنى مالك وانا منهارة واعيط 
خايفة احكيلة ميصدقنيش 
او يصدقنى ويروح يحكى لمامته ومامتة تستغل الموقف باى شكل ضدى 
قعدت اقولة مش عارفة مش فاكرة 
انا خلصت الغدا ودخلت اخد دش لقيت نفسى بالمستشفىى
قعد يهدينى وحضرلى عشا واتعشينا ...
وقبل منام قالى صحيح ماما وهيثم بيقولوا سمعوكى بتصوتى قبل ماجى 
وخبطوا عليكى 
قلتله ييييييي اهلك بيحبوا التاليف يا محمد وسالونى وقلت مش انا يبقى خلاص بقى 
سيبنى انام انا تعبانة 
واديتة ضهرى وعملت نفسى بنام 
لحد اللحظة دى انا مكونتش عترفة استرجع الشريط وافكر بالى حصل واقتكرة تانى عشان افهم فى اى 
من كتر منا عمالة اكدب عليهم واغير الحقيقة مرة عشان خايفة من محمد ومرة عشان محروجة ومرة خايفة من حماتى ..  بقى فى سينريوهات كتير بدماغى 
ومش متاكدة انهى الحقيقى والاكيد 
رحت بالنوم ....
معداش شوية النور قطع صحيت مفجوعه وعماله اصرخ ... محمد محمد اصحى يا محمد الحق النور قطع 
محمد اصحى يا محمد .... 
قمت ازقة ع يصحى .....
ملقتهوش جمبى ... اتفجعت واترعشت وخفت جداااا راح فين محمد
بعدين قلت لنفسى اكيد قام قبلى اول م النور قطع عشان يشوف العداد او يشوف شمع ..
قمت نطيت من على السرير جرى نحية المطبخ عشان الاقية 
الدنيا ضالمة وانا مش شايفة حاجة 
وبنددة على محمد بصوت عالى مش بيرد عليا 
مرة وحدة اتسحبت جوة الحمام 
معرفش مين شدنى 
حد جلد ايدة خشن وضوافرة طويلة كانت داخلة فى دراعى
شنى ودخلنى الحمام فى الضلمة 
والباب اتهبد ورايا 
قعدت اصرخ واهبد فى باب الحمام واحاول افتحة من الاكرة ...
ابدا مابيتفتحش 
ومحمد مش سامعنى ...
يا محمد 
الحقنى ... الحقووووونى واصرخ واصوت 
واهبد على باب الحمام ...
بعدين سمعت صوت بنات بتضحك ورايا 
وبيندهوا عليا ... سمر سمر 
انتى مش هتساليلنا ويجا هيحصلنا اية 
ولا بتكدبى علينا ....
الاصوات دى مش غريبة عليا ... حاسة انى سمعت الكلام دة قبل كدة ... 
بدأت الف بحظر وخوف عشان اشوف اى الى ورايا ..
لقيت نفسى .. بصالون بيتنا بشقة بابا
انا ومنة ومريم وابتهال ومى وايمان وسالىى
قاعدين على الصالون 
مستنين  مستر احمد ... عشان يجى يديلنا
درس الفيزيا ...
كنا ب تالتة ثانوى وقتها ..
انا واقفة بنصهم وشيفانى وشيفاهم بسن ثانوى
كان الموقف متسجل على شريط وبيتعرض قدامى .. 
انا :على فكرة انا مش بكدب عليكم .. انا فعلا اقدر اعرف كل حاجة هتحصل ليكم .. 
مريم : ازاى 
انا : ويجا هتقولى 
ابتهال: دة فيلم يا سمر ...مافيش حاجة اسمها كدة بالحقيقة 
انا : طيب لو مش مصدقينى ... يلا نجرب لحد ما مستر احمد يوصل 
افتحى يا سالى شنطتى وطلعى اسكيتش الرسم واقعدى من 4 ورقات 
هطلع اجيب لزق واجى 
واقعدوا ع السفرة لحد ماجى ...وكل وحدة فيكم تفك التوكة من شعرها وتقلق الطرحة ..  لازم شعركم يكون مفرود ورا ودنكم وودنكم واضحة ومش متغطية
طلعت برة الاوضة.. قعدت اقول اى الى انا عملتة بنفسى دة دلوقتى هتكشف ... كنت خايفة جدا بس مع الاسف انا كدبت وكان لازم اكمل والا هيبقى شكلى زفت قدماهم
طلعت جبت اللزق وماركر اسود
ودخلت قلبت ال 4 ورقات على ضهرهم ولزقتهم مع بعض 
ورحت عدلتهم تانى ومسكت الماركر الاسود 
ورسمت دايرة كبيييرة وحطيت نقطة بالنص وطلعت منها ب 28 خط .. كل خط حطيت اخرة حرف من الحروف الابجادية بشكل غير مرتب 
ووزعت الارقام من 0 ل 9 
ووجبت ورقة كرتون طبقتها وخليتها عريضة ولزقتها ...
وحطيتها بالنقطة الى يالنص ...
وقمت طفيت النور ...
وجيت قعدت معاهم وقلتلهم الى خايف لسة فى فرصة للرجوع...
قعدوا  يضحكوا 
بصيت لهم بصة مرعبة ... اتخرسوا كلهم ..
حطيت ايدى الشمال على الورقة الكاارتون...الى بالنقطة الى بنص الدايرة .. وبدأت اتمتم برموز غريبة عجيبه مالهاش اى مصدر من الصحة  بس حبيت ابان عميقة واخليهم يصدقونى وبعدين طلبت منهم الى عاوز يبدء ويسال ويجا.. يحط ايدوا فوق ايدى ويسال السوال باللغه العربية ..
حطة مريم اديها ورفعت حواجبها ... وقالتلى ..متى سوف اموت يا ويجا ..؟ 
بدأت احاول احرك ايدى نحية الحروف والارقام عشان اخترع اى يوم وسنة بعيدة عشان تكون نست ..
بس الغريب ان ايدى اتحركت غصب عنى  وودتنى نحية الحروف ....
ا ل ي و م ..........
انا اتخضيت واتفجعت ... عشان مش انا الى حركت ايدى ..
بس مرضتش افهمهم  عشان كل الى بعملة مايبوظش ويبقى شكلى وحش ..
فضلت مريم تضحك وتقولى والنبى اليوم ههههههههههه طيب والنبى يا ويجا ياريت قبل م مستر احمد يجى عشان معملتش الواجب هههههههه
وتضحك وانا برتعش من والرعب 
بعدين حبيت انهى الفيلم دة واحطلة نهاية عشان اهرب من الموقف الغريب المريب الى انا فية 
وقلتلهم حطوا اديكم كلكم  على الورقة الكارتون الى بنص الدايرة  كل واحدة تلمسها بصوبع .. وهنسال ويجا هنجيب مجموع كام وهندخل كلية اية ....وبعدين نشيل الحاجات دى قبل م المستر يجى 
بالفعل كلهم حطوا اديهم ... وبدأت اتمتم بكلام مالوش اى معنى ...دة الى كنت مفكرااااااه 
وسألت ويجا ... ويجاااا ممكن تقوليلنا ما المجموع الذى سوف نحصل عليه فى الصف الثالث الثانوى ..واى الكليات التى سوف نلتحق بيها ...؟
بلحظة ادينا بقت تجرى ع الحروف
مريم موت .. ايمان ..موت ...سالى .. موت ..منة .. موت ابتهال موت .. مى مووووت ... سمر .جحيم 
يتبع...
استني باقي الاجزاء😍
مسنية رأيكم بقى 😍😍😍😍😍😍