قصة الجحيم 💀الجزء الثالث💀 - اليك القصة

قصة الجحيم 💀الجزء الثالث💀 - اليك القصة

#الجحيم
#الجزء_الثالث ... القصة حقيقة
موت موت موت
اتنفضنا كلنا من مكانا وكل واحدة شدة اديها .. الدنيا كانت ضلمة طبعا انا مضلمة الاوضة عشان اسبك الحوار ..
بس شكل الحوار قلب جد... ولا اية
مريم فضلت تصرخ بس بس ولعوا النور
ايمان قعدت تقول فين تليفونى عاوزة اروح
سالى قعدت تقول اى الى انتى عملته دة انا واثقة انة حوار منك
انتى الى حركتى الورق يا سمر صح ....
اضطريت ع  انهى الموقف واطمنهم اقولهم اه صح
كنت بهزر معاكم عشان اخوفكم يا جبنا ...
وقعدت اضحك وانا من جوايا عموت واعيط لس خايفة يحكوا لامى اول للمدرسين ...
جاية اروح اولع النور ... ظهر حاجات زى خيالات بيضة فضلت تلفو حوالينا كلنا ...
وتخبط فينا وهى بتلف
حاجات ملامحها مش باينة ...
زى هياكل عظمية ملفوفة بشاش ابيض .. تقريبا
الدنيا كانت ضالمة جداااا  مش متاكدة من الوصف بس هو فى حاجات بتلف حوالينا ...لونها ابيض
وسامعين اصوات خافتة .. موت موت   
ويجا موت ... اليوم .موت
ترتيب الكلام اى مش عارفة بس دى الكللمات الى عرفت القطها ...
ومرة وحدة كل الاصوات سكتت ...
وظهر صوت وحش جدااااا كرر اسمى 3 مرات
سمر ..سمر .. سمر .....الجحيم للابدا
فضلنا نصرخ ...
جريت اولع النور عشان اشوف فى اى وقعدت اندة ع امى
ماما   ماما    ماااااماماااااا
كان محدش سامعنا
مع اننا سامعين صوت امى بتتكلم بالتليفون قرب الباب برة ...
بس مش سمعانا
جريت ووصلت عند مكان زورار النور
وبحسس بايدى على الحيطة عشان انور
حسيت كان حد داس على ايدى وهو الى ولع النور..
مش انا
بصيت على ايمان .. ومريم .. سالى .. وباقى البنات
لقيتهم واقفين جمب بعض شعرهم متضفر فى بعض . كل بنتين منوالجمب متضفر شعرهم فى بعض ..وشكلهم مرعب ومخضوضين جدا ....
جرس الباب رن وسمعنا ان مستر احمد جة
جرينا كلنا ظبطنا نفسنا ... وحاولنا نعدى الموقف عشان الدرس يعدى
الدموع كانت مغرقة وشنا كلنا
حتى لما مستر احمد دخل سالنا مالكوا متخانقين ولا اية ..
هزينا راسنا بالنفى ...
بدأ يسال على الواجب .. وزع امتحان .. الامتحان المعتاد بتاع كل حصة
كلنا جبنا درجات وحشة
زعقلنا ...
قالنا دة مش منظر ناس عندها امتحان كمان شهر ...
دة مش منظر ناس علمى رياضة وعلمى علوم وعاوزين يبقوا طب وهندسة وصيدلة
لو مشدتوش حيلكم بالامتحان الجاى هبلغ اهلكم وهشيل مسؤليتى منكم
وبدا بالحصة ... كنا مش مركزين خالص معاه ..
مرضاش يكمل الحصة وسابنا ومشى
قعدوا البنات يزعقولى ويشتمونى وقالولى مش عاوزين نعرفك تانى ... وايمان قالت هتحكى لماما وقعدت اتحايل عليها
ومنى قالت هتقول  للمدرسين عشان مناخدش الدروس تانى عندك
وسالى و .... كل البنات
بهدلونى ومشوا ....
قعدت  اعيط ... وزعلانة جداااااا ومش عارفه هعمل اى
حاسة حالى بمصيبة .... هتفضح ...
اول ما طلعوا ماما سالتهم بتتخانقوا لية
قالولها اسالى بنتك .. كانت منى عاوزة تحكى .. شدتها ابتهال عشان ماتحكيش ...
كانت اقربهم لياااااا
طلعوا وخدوا باب الشقة وراهم ..
دخلت اوضتى وكملت عياط .. حسيت بسخونية بضهرى
كان فى حد لازق جسمة بجسمى
لفيت بسرععه ابص اشوف ف اى ورايا ...
لقيت شئ اسود مرييييب مرعب شية البنى ادمين
بس عنية مدورة وبيضة وفيها نقطة سووووودة مدورة بالنص
مالوش رموش ولا حواجب ..
مناخيرة ب 4 فتحات
بقة مافهوش غير 4 انياب مافيش اسنان ...
لسه هصرخ ...
سمعنا هبدة قويييييية جدا رجت كل البيت
لدرجة ان النجف اتهز والارض تحتية اتهزت جامد جدا ...
جريت طلعت من الاوضة
للقيت ماما وبابا بيجروا يفتحوا  باب الشقة
جرينا كلنا والجيران كلهم فتحوا البيبان وفضلوا يقولى سترك يا رب
فى اى يارب سلم اى الى حصل
فى اى
يا ساتر اى الصوت دة
يا رب خير فى اى
يا نهااااااااااار اسووووووووود
الاسانسير .... الاسانسييييير وقع....
انا سمعت الكلمة دى دخلت فى حالة رعب فظيعة

...
احنا كنا ساكنين بالدور ال15..
فضل السكان ينزلوا يجروا يصرخوا
كلة خايف يكون ابنة .. جوزها .. مراتة ... امة ..  اخوة وغيرة ....
يكون بالاسانسير ... لما وقعى
الناس نازلة تصرخ وتصوت وتلطم وتعيط
والى بيندهوا على عيالهم كانهم متاكدين انهم كانوا بالاسانسير
عمر... مروووووة
شيمااااااء ... زينب ... نهى ...
وغيرة وغيرة
اسامى كتير اتندة عليهم وهمة بيصرخوا وبيجروا على السلم عشان يوصلوا تحت يشوفوا مين كان بالاسانسير ..
ودعاوى ويارب .. ويانهار اسوووود ويارب خير
ويارب ابنى لا
ويارب ماتكونش امى رجعت من الشغل ....
والى حصل كان بشع ... مرعب ... اسود حاجة ممكن تحصل بالدنيا
نزلنا كلنا نجرى وبنتمنى الى بخيالنا مايكونش صح
الناس الى سبقوناعمالين يقولوا لا حول ولا قوة الا بالله
الحقوا اتصل بالاسعاف
والى يقولوا دول ماتوا ...
انت مش شايفهم غرقانين فى دمهم ازاى
والى تصرخ وتقول يا قلب امكم بنات مين دول ...
اتصلوا باهاليهم ...
وصلنا تحت .... وعرفت اصل الموضوع
الاسانسير ووقع ....
اه الاسانسير وقع ... وقع بكل صحااااابى
كل صحابى كانوا بالاسانسير ...
وخصوصا ابتهال...
كل صحابى....
ماتوووووووا .....
ماااااااتووووووووووا
ابتهال .. ايمان ..سالى .. منة .. مريم
وقع بيهم الاسانسير ... ومن قوة الهبدة ... ماتوا ...
فضل الجيران يصوتوا...ويعيطوا
اول ما وصلت امى تحت وشافت منظرهم قعدت تصوت وتعيط
وجريت عليا حضنتنى جامد اوووووى
وعماله تحمد ربنا
مافهمتش فى اى غير لما قربت وشوفتهم ...
صحابى ... ماتواااا
منظرهم ومنظر الدم ...... جالى انهيار عصبى
قعدت بالارض اصوت واضرب نفسى بالاقلام على وشى....
مش متخيله ... قولوا انة حلم ... كابوس  اى حاجة ...
حسيت لحظتها ان شبح الموت .. عمال يلف حواليا
اتصلوا طبعا بالاسعاف والشرطة ..
وطلعت ماما  جابت تليفون اهاليى صحابى .. وكلمتهم ..
طبعا الاسعاف بمصر بيوصل بعد م المريض يموت ويتوفى ويتحاسب ...
كل الى فات دة كوووووووم
ولحظة وصول اهلى صحابى كوم تانى
مع وصول اول وحدة مامت ايمان .. حسيت كان الدنيا بقت سوووووودة
دخلت مامت ايمان تصرخ بنتى مالها ايمان
فى اية مالها بنتى ..  اول ماشافتها اغمى عليها
مع وصول مامة منة الى جاية تجرى بشبشب الحمام ... فى ايييية فين منة
يامنة ردة عليا فين منة يا سمر
بتعيطى لية يا سمر .. فين منة
وصلت مامت مريم  فين بنتى عاوزة بنتى وقعدت تحضن فى جثتها وتصوت وتعيط وتلطم وتقدع هدومها .. وصل بابا منة من هول المنظر الراجل فضل يخبط دماغه بالحيطة ويعيط
وصل بابا سالى .. ... سبتينى يا سالى
رحتى لامك يا بنتى ... سبتونى لوحدة طيب اعمل اى انا دلوقتى اكمل ازاى .....
اصل مامت سالى اتوفت من سنة ومامنش ليها اخوات
اصعب لحظة كانت لحظة وصول مامت ابتهال
صديقة الطفولة
اول ما وصلت
انا خبيت وشى ... اتمنيت ماتشوفنيش
جريت عليا وقعدت ترج فيا ..  فين بنتى ..  فين ابتهال يا سمر ... فين صحبتك يا سمر
وجريت على ماما فين بنتى
وقعدت تسال الناس فين بينتىى
ابوس اديكم ماتقولوش كانت معاهم
لمحت الجثث على الارض ...
قريت بهدوء وبصت عليهم ... لمحت ابتهال .. غرقانة فى دمها
قعدت جميها على الارض
كان معاها كيسة
فتحتها .. وطلعت منها فستان جديد ..
كانت شرياهولها
وقالتلها  مش دة الفستان الى عجبك الاسبوع الى فات وزعلتنى انى مشتريتهولكيش
بابا بعت فلوس الصبح .. وجريت جبتهولك
قومى يلا عشان تقيسية
بلاش تمثيل
يلا يا قلب ماما ... يلا يا ابتهال
وراحت فرشت الفستان على جسمها
وقعدت تظبطة وتقولها مش قلتلك الاسود احلى من الكوحلى ... شوفتى جميل عليكى ازاى
يلا يا ابنهااااااال
وراحت مصرخة بنتتتتتى ابتهااااااال طيب اقول لابوكى اي لما يسالنى
اقولة اية يا رب
لية كدة يا رب اقولة اية يا رب وقعدت تحضن فيها وتصرخ .... ياأاااااارب
امى جرت عليها وحاولت تقومها . 
عياط وصويت وصريخ ولطم
وناس بتدعى وناس بتلطم
وبعض الجيران ماسكين مصاحف يقروا قران
وصل الاسعاف ... نقلهم كلهم على المستشفى
معظم الجيران طلعوا وراهم ...
وبعد الازم ... بلغونا ان الكل اتوفى
اتكرر الصويت والعياط واللطم تانى
كاننا كنا مستنين .... امل او معجزةة
وبرضووووو حاسة وشايفة وسامعة شبح الموت ... حوالينا بكل مكان
رحنا دفنناهمم ...
روحنا البيت ... محدش خد باله منى طول اليوم .. الكل ملهى مع الى ماتوا واهاليهم ...
بس بالحقيقة ... الى حصل فيا .. اصعب من الى حصل فيهم
لو كنت موت معاهم كنت اترحمت
دخلت اوضتى ... قفلت الباب
قربت من سريرى ... شوفت صورتى مع ابتهال من ابتدائى
10 سنين ... كنت صحاب من 10 سنين
مش قادرة اعيط .. نفسى انهار
مش قادرة اعيط ...عمالة تيجى قصاد عينى ذكراياتنا ...
ابتهال كانت لادغه بحرف ال ر
اول معرفتى بيها اتريقت عليها ..
زعلت واشتكيتنى الميس ...
والميس صلحتنا على بعض .. ومن يومها بقينا صحاب
كل اسرارنا مع بعض  تعرف كل حاجة عن وائل ... واعرف كل حاجة عن محمود ...
كل حاجة من يوم ما فتحت عينى ع الدنيا  ... وابتهال معايا
كانت اول علاقة انسانية عملتها بحياتى ..
ماكونتش عاوزة غيرها . 
مسكت الصورة ... وقعدت على الارض ...
مافيش فى بالى غير
انا ... انا السبب
نفسى اعيط مش قادرة برضو ...
انا الى موتهم ... انا الى كدبت ... انا الى جلبت الشر ..
المفروض اعيط ... مش قادرة
حسيت بهوا سخن تانى فى ضهر ...كنت نسيت الى حصل الصبح ..
ولكنه مش عاوزنى انسى
لفيت ادورت بسرعة ... لقيت
يتبع 😍
مسستنية كومنتات كتير بقى وتشجيع