ملاكي الحارس 🙂 الجزء الخامس - اليك القصة

ملاكي الحارس 🙂 الجزء الخامس - اليك القصة

ملاكي_الحارس
الجزء_الخامس
تدفعني مشاعري كلها نحوك حتي وإن بدا لك عكس ذلك ، وعقلي يبعدني عنك بكل قوته ،فأصطدم بواقعي الذي يجعلني وحيدة بدونك لا أجرؤ علي النظر إليك ،انت قدري السئ ولعنتي الأبدية .
تمر الساعات في حضور من تحب وكأنها دقائق
نظرت هاجر ليد مراد الممسكة بيدها وشئ بداخلها إبتسم رغماً عنها ، تركت يده وتحسست جبهته لتشعر بإنخفاض حرارته تزامناً مع دخول نجوي
نجوي : مراد عامل ايه دلوقتي
هاجر : بقي كويس حرارته نزلت بس لسه نايم
نجوي : طب يالا تعالي عشان تتغدي
هاجر : لا انا يدوب أمشي بقي أكيد ماما قلقانة عليا
نجوي: لا من كلمتها وقولتلها
هاجر : وانا اقول اختفيتي فين اكيد طبعا بتنقليلها الاخبار
نجوي ضاحكة : احنا لينا غيركم نتكلم عليه ، المهم صحي ريهام وتعالي نتغدي
دخلت هاجر إلي غرفة ريهام فوجدتها تغط في نوم عميق إقتربت من أذنها وبصوت مرتفع :ريهاااااام
ريهام: ايه يا بنتي هو في حد يصحي حد كده ، انتي مجنونة
هاجر ضاحكة: هو حد يعرفك انتي واخوكي ويعقل
ريهام بخبث : بمناسبة أخويا ،هو ايه النظام بقي
هاجر : نظام ايه ؟!
ريهام : يعني من امتي الحنية دي ،عامله فيها ممرضة وقاعدة جنبه وكمادات وأدوية
هاجر : فيها ايه صعب عليا
ريهام : اه صعب عليكي ،يعني مش حب مثلا
هاجر : حب ايه يا ريهام لالالا طبعا انتي اخوكي ده يتحب اصلا ده يتكره بس
لم تكمل كلماتها ،حتي آتاها صوته الغاضب يزلزل قلبها
مراد : تحب مين يا ريهام دي مبتعرفش تحب غير نفسها
تجاهلته هاجر وحاولت منع دموعها وقالت : انا رايحة اشوف طنط ،تعالي بقي عشان نتغدي ، وهمت بالرحيل أمسك مراد يدها بعنف
مراد : انتي رايحة فين ،تعالي كملي هتقولي ايه عليا تاني 
هاجر: مش هقول يا مراد ،سبني أمشي
مراد بعنف : لا مش هسيبك ،تعالي قوليلها اني الوحيد اللي متحمل انانيتك وغرورك ،قوليلها ان حتي خطيبك سابك ومقدرش يتحملك واتجوز صاحبتك ،عارفه ليه عشان بتحس وبتعرف تحب ،انما انتي تعرفي ايه عن الاحساس ،انتي عمرك ما حبيتي حد غير نفسك ،نفسك وبس يا هاجر ،مش فارق معاكي اي حد المهم انتي وبس
أدمعت عين هاجر وحاولت إفلات يديها والخروج قبل أن تبكي أمامه
ريهام : عيب كده يا مرادبقي هي سابت شغلها وقاعدة جنبك طول النهار عشان تعمل فيها كده في الآخر ،دي غلطتها يعني
مراد : انتي عايزة تفهميني أنها عملت كده حب فيا ،ولا خوف عليا ،اكيد ليها مصلحة في كده او عشان احساسها بالذنب أنها السبب
هاجر : أيوه يا مراد ،أنا مبحبش غير نفسي ومبحسش سبني بقي وخليك انت ماشي تحب في طوب الأرض  لحد ما اتسببت في
مراد : اتسببت في ايه يا هاجر
نجوي : ايه يا ولاد صوتكم عالي ليه
هاجر : عارف انا بكرهك ،بكره صوتك وريحتك وإبتسامتك وكلامك بكره كل حاجه فيك بكرهك يا مراد
مراد : وانا يعني اللي بحبك انا مش طايق اشوفك قدامي
نجوي : مش كفاية كده يا مراد ،البنت قاعده جنبك طول اليوم وهي دي شكرا اللي بتقولها
مراد : بس يا ماما .....
نجوي : مش عايزة أسمع حاجه ،اعتذرلها
مراد : مستحيل
وترك الغرفة ورحل
نجوي : انا آسفة يا هاجر والله مراد بيحبك بس معرفش ايه اللي حصل
هاجر : متتأسفيش يا طنط مش غلطتك ، بعد اذنك انا لازم أمشي
نجوي : مش هتمشي غير لما تتغدي
هاجر : صدقيني يا طنط ماليش نفس
نجوي : سد نفسك هما الرجالة كلهم كده ، بس متزعلنيش منك انا عملت كل الأكل اللي بتحبيه
ريهام : وانا مش هاكل من غيرك
هاجر : خلاص يالا بينا
تناولت الطعام برفقتهم وحاولت إبتلاع غصتها وتناسي الجرح في قلبها والذي سببه مراد
هاجر : تسلم ايدك يا طنط الأكل تحفة ،بس يدوب أمشي بقي الوقت أتأخر وانا هموت وأنام
اتاهم صوت مراد قائلا : رايحة فين دلوقتي ،استني هوصلك
تجاهلته هاجر تماما وقالت :عايزة حاجه يا طنط
مراد : لما اكلمك تردي عليا فاهمة ، وقولت مفيش نزول من غيري
نجوي : معلش يا هاجر خليه يوصلك ، الوقت أتأخر وانتي مش معاكي العربية
هاجر : خلاص ماشي يا طنط
ركبت هاجر السيارة وأغلقت الباب بشدة وقالت : متفكرش عشان سكت فوق يبقي انت صح ،أنا بس احترمت وجود طنط وريهام
مراد ببرود: هتردي تقولي ايه اصلا
هاجر : هقول كتير يا مراد ،بس معلش الايام جاية كتير
صمت كلاهما ونظرت هاجر للنافذة محاولة تناسي كلماته ولملمة شتات كبريائها وقلبها
بينما مراد كان يأكله الغضب ،لماذا لم تحبني؟! كيف لها ان تشعر بكل هذا الكره نحوي ؟! هل آذيتها ؟! كيف لا تشعر بي أبدا؟!
ماذا فعل لتذيقه من عذابها دون رحمة ،دون نظرة حب واحدة ،سنوات وهو ينتظر منها كلمة  او نظرة او اي شئ يشعره أنها أيضا تهتم لأمره وفي النهاية فضلت آخر عليه ، ليته لم يراها ولكن كيف وهي قدره  المربوط بقلبه إلي نهاية العمر
مراد : وصلنا
همت هاجر لتنزل
مراد : استني انا .......
قاطعه صوت هاتفه
مراد : أيوه يا عمي ، خليها وقت تاني ،طب ماشي خلاص جاي مع السلامة
عمي عايزني جوه ضروري
نزلت هاجر ولم تنطق كلمة واحدة دخلت المنزل حيث قابلهم ابوها بوجه ضاحك : مالك يا هاجر انتوا زعلانين ولا ايه
هاجر بإبتسامة : مفيش يا حبيبي أنا مرهقة وعايزة أنام تصبح علي خير
عبد الرحمن : أنت زعلتها يا مراد
مراد : بصراحة اه
عبد الرحمن:  مش عارف جايب الغباء ده كله منين مش طالع لعمك ، إحنا ما صدقنا يابني ربنا يهديها
مراد : ده اللي حصل بقي
عبد الرحمن : طب تعالي يا فالح عايزك في موضوع مهم
بينما هاجر في غرفتها يؤلمها قلبها ولا تبكي ، لم تعد تستطيع حتي البكاء ، يؤلمها كل شئ غرقت في ذكرياتها مجدداً
هاجر : لو سمحت انت مش هتخسر حاجه دخلني ليه وانا اوعدك مش هعمل مشاكل
الظابط : يا فندم ده مش قانوني  ومقدرش اخدمك
هاجر : أنا بكلمك بمبدأ الإنسانية ،أنا واحدة اخوها اتقتل ومسكتوا القاتل وانا مش مقتنعة بإعترافه وعايزة اعرف هو عمل كده ليه
الظابط : بس إعترافه منطقي
هاجر : منطقي ليك عشان انت متعرفش يوسف اخويا
الظابط : يعني انتي عايزة ايه دلوقتي
هاجر : اقعد مع المجرم ده ربع ساعة واوعدك مش هفقد اعصابي
الظابط : تمام هجيبه بس ربع ساعة
دخل العسكري ومعه المجرم
الظابط : تقعد هنا وترد علي اسئلة الانسة من غير ولا كلمة زيادة ،ونظر لهاجر متأكدة انك مش عايزاني موجود ، فأشارت إليه برأسها  فخرج وتركهما
هاجر : أنت قتلت يوسف ليه ،ورد عليا من غير كدب
المجرم : زي ما قولت في التحقيقات عشان شوفت خطيبتي في اوضته
هاجر بعنف : أنت كداب يوسف مستحيل يعمل كده ،ارجوك متكدبش
المجرم : وانا هستفاد ايه لما اقولك
هاجر : هديك اللي انت عايزه
المجرم : انا عايز الإنتقام ، الشخص اللي كان السبب آذاكي وآذاني  وانا خدت حقي من شخص برئ
هاجر : ومين المذنب ؟!
المجرم :...........
افاقت هاجر من شرودها علي صوت رسالة
"يجدر بالقمر أن يعتذر لأنه أخذ مكانك ظلما ،مكانك السماء يا قمري ، ومن مثلي لا يحق له سوي النظر من بعيد ورؤيتك تضئين سمائه ، اعتذر وإن كانت نجمتي بعيدة المنال تقبل إعتذاري وتتطلع إليّ بنظرة حب واحدة "
ملاكك الحارس
Hadeer_saeed