ملاكي الحارس 🙂 الجزء العاشر - اليك القصة

ملاكي الحارس 🙂 الجزء العاشر - اليك القصة

ملاكي_الحارس
الجزء_العاشر
لا أحد يفهمك مهما ظننت أنك واضح مهما ظننت أن الجميع غارق في حبك ، ستأتي لحظة وتكتشف أن لا أحد يحبك ، أنت شخص بائس وحزين ووحيد ،ما الحب إلا وهم وضعت روحك فيه وظننت أنه سينجيك ،فغرقت يا مسكين .
مراد : صباح الخير يا حبيبتي ، ايه مش هننزل البحر
هاجر : لا انا تعبانة شوية ،شكل جالي برد من امبارح ،أخرج انت وانا لما ابقي كويسة هكلمك
مراد : لا مش هخرج ، هبعتلك علاج خديه ونامي شوية وهتبقي كويسة
هاجر : تمام
أغلقت هاجر الهاتف وحاولت النوم ،ما هي الا لحظات حتي سمعت صوت طرقات علي باب غرفتها ، فتحت الباب لتصطدم بمراد
هاجر : في ايه ؟!
مراد: هو في حد تعبان وحلو كده
هاجر مبتسمة : أنت ايه اللي جابك
مراد : جبتلك شوية أدوية وطلبتلك فطار
هاجر : تمام شكرا
مراد : وبعدين لما الباب يخبط متخرجيش بالبيجامة
هاجر : امال أخرج بايه
مراد : معرفش اتصرفي
ريهام : ماشاء الله ،ايه الحب اللي علي الصبح ده
مراد : انتي ايه اللي صحاكي
ريهام : صحيت عشان اكشفكم
مراد : طيب كويس عشان تفطري مع هاجر الفطار هيجي كمان شوية ، هاجر متطلعيش بالبيجامة
ريهام : ماشي يا روميو بالسلامة أنت بقي
بعد عدة دقائق صوت طرقات متتالية علي الباب ،فتحت هاجر لتصطدم بمراد مرة اخري
هاجر : أيه تاني
مراد : كنت عارف انك مش هتسمعي الكلام ،ادخلي افطري ونامي شوية عشان هنخرج بالليل سواء كنتي كويسة أو لا
هاجر ضاحكة : حاضر
أغلقت الباب وجلست لتفطر ،
هاجر : ريهام ،أنا خلاص مش عايزة اثبت حاجه أنا مبسوطة اوي مع مراد ومش عايزة حاجه تاني
ريهام : بس أنا عايزة اعرف هي عملت كده ليه ،لازم أعرف
هاجر : طيب هنعمل ايه
ريهام : انتي مش معاكي عنوان الكافيه بتاعها
هاجر : أيوه معايا
ريهام : هنروحلها دلوقتي ، كله فاكر انك تعبانة وأنا قاعدة معاكي هنطلع ونرجع من غير ما حد يحس
هاجر : طب يالا حالا هلبس
خرجت هاجر ريهام واتجهوا ناحية الكافية توقفت هاجر قليلا لأنها تشعر بالدوار
ريهام : مالك
هاجر : مش عارفة دوخت مرة واحدة ، ثواني مش مراد اللي هناك ده
ريهام : فين ؟!
هاجر: بصي واقف مع واحدة هناك
ريهام : أيوه هو فعلا
هاجر : طب استني هكلمه ،
مراد : ألو أيوه يا هاجر
هاجر : أنت خرجت ولا ايه
مراد : لا انا نايم في اوضتي ،لو عايزة تخرجي اجهزي وهستناكي تحت
هاجر : لا كنت بطمن عليك
ريهام : قالك ايه ؟!!
هاجر ببكاء : قالي أنه نايم
ريهام : اكيد في سبب ،بصي هو مشي تعالي ندخل ونشوف مين دي، انتي عارفة اسم البنت
هاجر : أيوه اسمها ملك
ريهام : طيب أهدي بس وتعالي وهنفهم
لو سمحت فين مدام ملك صاحبة الكافية ،ممكن تناديها بعد اذنك
العامل : تمام يا فندم اتفضلوا  وهناديها
بعد عدة دقائق دخلت الفتاة التي كانت تقف مع مراد منذ قليل
ملك : قالولي انكم عايزيني ،خير انتوا تعرفوني
ريهام بغضب :  منعرفكيش وللأسف محدش فينا يتمني يعرفك
ملك : انتي مجنونة انتي عايزة ايه
هاجر : اقعدي ومسمعش صوتك غير لما أسألك تجاوبي
ملك : انتوا مجانين هطلب الأمن يخرجكم بره
هاجر : أيوه عشان اقوم واحكي للناس عن جوزك المسجون واقولهم اتسجن ليه
ملك : طب وطي صوتك هقعد ،قولولي عايزين مني ايه
ريهام : انتي تعرفي مراد منين
ملك بخبث : وانتي مالك بمراد
هاجر : جاوبي علي قد السؤال
ملك : ليه تقربيله ايه
ريهام : انا اخته ودي خطيبته
ملك : حبيبي
هاجر بصدمة : انتي مجنونة ،مستحيل مراد يعرفك انتي
ملك : والله لو مش عايزة تصدقي براحتك بس هو كان هنا من شوية لو جيتي بدري شوية كنتي شوفتيه
ريهام : مستحيل ،متصدقيش يا هاجر دي كدابه
ملك : وهكدب ايه ايه مصلحتي في كده ، أنا اعرفه من أكتر من 7 سنين شوفته هنا هو ويوسف وحبينا بعض ووقتها جوزي عرف وافتكر اني بحب يوسف واتخانق معاه وبعدها يوسف اتنقل المستشفى ومات ،وأنا ومراد فضلنا علي اتصال ولما جوزي عرف طلقني
هاجر ببكاء : انتي عارفه لو بتكدبي هقتلك والله اقتلك
ريهام : دي كذابة يا هاجر متصدقيش مراد يعمل كده مستحيل
ملك : انا قولت اللي عندي واتفضلوا بره بقي ومش هطلب الأمن احتراما لمراد المرة الجاية مش هحترم حد
خرج  هاجر وريهام وكلاهما تائه وضائع
بينما علي الجانب الآخر ملك تجري اتصال
ملك : في مصيبة ،لازم تيجي حالا احتمال يعرفوا كل حاجه لازم نتصرف 
الطرف الآخر : متقلقيش محدش هيعرف اللي عملناه مهما دوروا ،السر ميعرفوش غير انا وانتي
هاجر : شوفتي يا ريهام ،مراد اذاني ازاي ،هو ليه عمل فيا كده والله انا بحبه وعمري ما فكرت أذيه كان ممكن أتخلي عن كل حاجه في حياتي عشان بس ابقي جنبه عشان كلمة واحدة منه او حتي نظرة من عينيه ، أنا هفضل عمري كله بسأل نفسي هو ليه عمل  فيا كده ،جرحه عمره ما هيخف ،ياريتني مت مع يوسف
احتضنتها ريهام بقوة : متقوليش كده والله في حاجه غلط البنت دي بتكدب ،مراد مستحيل يعمل كده وهثبتلك
رجعا كلاهما إلي الفندق نامت هاجر هاربة من كل شئ حتي استيقظت علي صوت مراد
قومي بقي يا هاجر انا زهقت اوي وانتي نايمة طول النهار انتي جاية عشان تنامي
نظرت هاجر إليه واجتمعت الدموع في عينيها
مراد : مالك بس ،زعلانة عشان صحيتك
هاجر ببكاء : لا انا تعبانة
مراد : مالك بس يا حبيبتي
وضع يده علي رأسها انتي كويسة اهو مفيش سخونيه ولا حاجه ، طيب حاسة بأيه
هاجر : قلبي واجعني اوي يا مراد
مراد : من ايه بس ،بعد الشر حد مضايقك
هاجر : لا افتكرت يوسف ،فاكر يوسف يا مراد
اجتمعت الدموع في عينيه وقال والله عمري ما نسيته ربنا يرحمه يا حبيبتي اكيد هو في مكان أحسن
هاجر : ليه حصله كده مكنش يستاهل
مراد : قدره والله قدره واكيد ربنا ايه حكمة إحنا مش عارفينها ،عشان كده مكنتش عايز اجيبك هنا عشان الذكريات
هاجر : عمري ما هنساه ولا هسيب حقه
مراد : ولا أنا نسيته يا هاجر ،وبعدين أهدي بقي
احتضنها وصار يربت علي كتفيها ،شعرت هاجر بصدقه هو لا يكذب قلبها يخبرها هذا وعقلها يؤلمها بشدة كم هي غبية لتصدقه مرة اخري وهي حائرة بين قلبها وعقلها ......

Hadeer_saeed