قصة الجحيم 💀الجزء الرابع💀 - اليك القصة

قصة الجحيم 💀الجزء الرابع💀 - اليك القصة

#الجحيم
#الجزء_الرابع .. معظم الاحداث حقيقة .. دمج لاكثر من قصة حقيقية ...
حسيت بهوا سخن تانى فى ضهر ...كنت نسيت الى حصل الصبح ..
ولكنه مش عاوزنى انسى
لفيت ادورت بسرعة ... لقيت
نفس الشئ المرعب الى ظهرلى الصبح ..
شئ اسوووود عنية ورة وكورة .. بارزة برة وشة وفيها نقطة سودة بالنص ..
وشة الى حدا ما شبة وش البنى ادمين .. بس حجمة ضخم اكتر ..
ودانة شبة ودانا بس مبرومة من تحت وواصله ببعض من ورا دماغه
مناخيرة ب 4 فتحات
شفايفة غليظة وسودة عندة 4 انياب ...
بصلى ... برقت
اتسمرت مكانى ..
خد نفس عميييييق وراح مبرقلى ...
حاولت اصرخ ... اهرب .. اجرى
لقيت نفسى مشلولة تماما
مش قادرة اتحرك او انطق .. نفس احساس الجاثوم ...
........... لقيت نفسى رجعت حمام شقتى تانى
الدنيا ضلمة ...
الجو مرعب
انا فيييين ... كنت فين ... بقيت فييييت
انا فعلا رجعت ورا لايام ثانوى ..
وكنت فعلا  عايشه الموقف كانوا حقيقى وبيحصل حالاااااا
وانا دلوقتى
فى شقتى ... فى بيتى ...
حاولت افتح باب الحمام واطلع  اجرى ...
الباب مابيتفتحش ...
قعدت اصرخ اصوت  اهبد فى الباب ..
محدش سامعنى
حسيت كان حد معايا بالحمام ...
الاول الحنفية بدأت تنقط نقط ماية ...
نقطة نقطة بشكل مرعب
وبعدين بدأت الحنفية تشتغل ... وتتقفل ...تشتغل وتقفل ....
سامعة صوت حد بيتحرك معايا بالحمام
فى نفس حد بيتنفس جمبى ...
وبدأت اسمع فى صووووت همس
بدأ يعلى وحدة وحدة ..
ماغورا ... ماااااا غووووووو رااااااااااا
مااااااااااااا غووووووووراااا
مممممم اااااا غووووو راااااا
لحد ما جمعت الاسم .. ماغورا
بقيت متاكدة ان فى حد معايا بالحمام ..
قعدت اخبط على باب الحمام واصرخ واحاول افتح الباب مش بيتفتح
فضلت اهبد على الباب اهبد
بدأت اسمع صوت مرعب جاى من برة الباب
بيقرب ..
صوت زى صوت ... صوت
صوت.... حصان
بيقرب  بيقررررررب  .. بيجرى نحيت باب الحمام
الصوت وصل ... وصل قدام باب الحمام من برة
بدات ارجع بضهرى لورا
وابعد عن باب الحمام اتفتح باب الحمام .....
الدنيا ضلمة مش شايفة حاجة
دخل ... وبدا يقرب منى ...
مسكنى من دراعى
اتنفضت ورجعت بسرعه لورا
اتكعبلت ووقعت فضلت ازحف بضهرى لورا عشان ابعد عن الشئ الى انا مش شيفاه
النور جة
ظهر .... ظهر الشيطان ... الى طلعلى زمان
الى شبة البنى ادمين الى حدا ما بس على شئ مفجع ومرعي
لس المرادى ... جسمة من فوق انسان
وباقى جسمة حصان اسوووووووود
بدا يقرب منى تانى
وبيحاول يمسكنى
قمت جريت وطلعت برة الحمام
فضلت اصرخ بالشقة واصوت
محمد ... محمد   الحقنى يا... محمد ...
حد يلحقنى
والشئ المرعب دة بيجرى عليا بيحاول يمسكنى
سامعة اسمى سمر .. سمممممر
بصوت مرعب
سااااا ماااااااا رررر
ماغورا   ماغور .. ما غورا
فضلت اجرى فى الشقة وهو بيجرى ورايا
فتحت البلكونة
عشان اصرخ واخلى حد يطلع يساعدنى
فضل يقرب ... وسامعه اسمى بصوت مرعب
سامار
ماغوراااا س م ر ماااااغورا
بيقرب منى ... اعمل اى  ...
محدش سامعنى .. محدش عاوز ينقذنى
استسلمت ... وقررت ارمى نفسى من البلكونة
رفعت رجلى ولسه هنط ... طبعا مكونتش فى وعى  تماما
كنت تحت تاثير صدمة ... فظيعه
لقيت الشئ دة قري منى وشدنى ... وفضل حاضنى جاااااامد ...
فضلت اضرب جامد  فية وازقه واحاول انط من البلكونة تانى
ويرجع يشدنى ويحضنى جامد ...
بعد لحظات ... بدأت احس بحاجة غريبه..
ا
الى بضربة دة .... محمد
لحظتها سكت خالص
فضلت ابص يمين وشمال
فوق وتحت ... يمين وشمال وفوق وتحت
جاتلى رعشة
فضلت ارتعش جااااااامد ......
حضنى محمد وشالنى ودلخلنى الاوضة ولفنى بكذا بطانية
فضلت ارتعش جامد .. واتنفس بصوت عالى
فضل محمد يجيب بطاطين ويغطينى
جة جمبى
ومسك ايدى جامد وقعد يدعكها عشان يدفينى
وفضل يقولى اهدى .. اهدى يا سمر
يدأت اهدى .. وادخل فى حاله هستريا عياط..
فضل محمد يقولى ممكن تحكيلى فى اىى
ممكن اففهم حصل اى
طيب انتى متخيلة كنتى هتعملى اى
كنتى هترمى نفسك  من البلكونة
افرضى كنت مش موجود
او ملحقتكيش .. اووووو
انتى متخيله كنتى هتعملى فينا اى ؟
قعدت اعيط اعيط جامد
وهو يسالنى فى اى مالك
انا مش عارفة اقولة اى .. موضوع ويجا انا محكيتهوش لحد خالص
بعد الموضوع وموت اصحابى يقى كل يوم يظهرلى الشئ المرعب دة
بقيت كل يوم احل احلام وحشة .. كل يوم تقريبا احلم بيه واقف باخر طرقة طويللللة
ورايا سد ومافيش اى مهرب ليا
كل ما كنت ادخل الحمام احس ان فى حد معايا وانى مش لوحدة
كل ما كنت اسرح شوية بزاوية من زوايا البيت
كنت احس ان فى حد واقف فيها بيبص عليا
حتى وانا نايمة على السرير
فى حد ...
فى حد نايم  جمبى  وبيتحرك وبيتنفس بس انا مش شيفاه
بقيت كل يوم تقريبا
اصحى بالليل مفجوعه اشوف قدامة شبح اسود مش عارفة احدد ملامحة
افضلى احاول اقوم او اصرخ .. مش عارفة
كل يوم بالليل كان بيجيلى الجاثوم ..
اكتئبت .. تقريبا بطلت انام واكل ..
قبل الامتحانات دخلت فى حاله انهيار عصبى حاد من الى بشوفة
ومش قادرة احكى لحد .....
هقولهم اى ... انا الى جلبت الشر ؟
انا السبب فى قتل صحابى ...
اهلى ودونى الدكتور نفسى وكانوا مفكرين ان نفسيتى تعبت عشان بعد حادث الاسانسير
الدكتور بقى يدينى مهدئات ومنومات ...
قعد سنتين  مش بنام غير بمنوم
الاحلام ما انتهتش
الكوابيس ماخلصتش ... الشئ المرعب بقى جزء من حياتى
بدات المحلهم ان فى حاجة فى شئ مرعب
فى احلام وحشة فى ...جن على حد علمى ومعرفتى وقتى ..
فى جن ملازمنى
محدش صدق .. ودونى لدكتور نفسى تانى
وقف ادوية الاولانى .. وقال دى عندها هلاوس سمعية وبصرية بسبب الحادث والادوية الغلط ...
بعد 6 شهور
اتحسنت فعلا بطلت اصحى مفجوعة
بطلت احلم احللم مرعب...
وحاولت اتجاهل وحدة حواليا .....
تناسيت ....
وعدة السنين .. واتخرجت ... واتجوزت ....
احكى لمحمد اية ابقى؟
تفاصيل كتيرة معرغش هيبقى رد فعله اى
ممكن يحكى لحماتى ... ممكن تقول عليا مجنونة
او ملبوسة او مخاوية ...
و هو شخصيا ميقدرش يعيش معايا بعد محكيلة ..
فبركت حوار ... ك العادة
انا صحيت النور كان قاطع قمت دورت عليك
خفت جدااا حسبتك عفريت فجريت منك ..
قعد يضحك محمد ويقولى مجنونة ..  هو فى عفريت بالبيت دة غيرك ..
صفيتى دمى يا شيخة ...
حضنى ونمنا .....
صحيت الصبح اول ما نزل
خفت اقعد يالبيت
لبست وقلت اروح لماما
وانا نازلة..
لقيت بقع دم ... بقع دم كتير قدام باب شقتى
صورتها بالموبايل ...
وطلعت لحماتى
خبط عليها ...
صباح الخير يا طنط ... ممكن اعرف اى بقع الدم الى قدام شقتى دى
قالتلى دم ... دم اى
قلتلها فى بقع دم قدام شقتى
قالتلى ممكن تكون قطه ولدت قدام بابك ولا حاجة
يلا بشرة خير عشان حالك الى واقف دة
قلتلها حالى... واقف ازاى يعنى انا مبقاليش كم شهر متجوزة يا طنط
وسبتها ونزلت
ملقتش الدم قدام شقتى
فتحت الموبايل بصيت على الصورة الى كنت مصوراها ...
لقيت الدم ..
قلت يبقى اكيد حد مسحة ...
نزلت جرى رحت عند ماما
وحكيتلها الى حصل معايا امبارح .. من روث ااحصان لموضوع الدم
بس مرضتش برضو اقولها موضوع ويجا القديم ..
قعدت تصوت وتلطم
وتقولى حماتك عملاك عمل .   حماتك عملالك عمل
يلا نروح للشيخ دلوقتى حالا
المرادى ماعرضتهاش عشان كنت فعلا محتاجة اروح لحد يساعدنى
وبرضو مش هحكيلة ... مش هو شيخ بقى يحلها بطريقتها
مش هحكى موضوع ويجاااا
ماما دخلت  تلبس وانا فضلت مستنياها
خلصت ونزلنا
بالطريق قعدت اقوللها هو الشيخ دة هيعرف يساعدنى بجد
طيب الشيخ دة هيعرف المشكلة الحقيقية فين
ولا لازم دليل وكدة
قالتلى لا الشيخ هيعرف المشكلة ومين عملك العمل وفين وهيفكه
وصلنا للشيخ
منظرة كان مرعب بالنسبالى
اورتة من فوق سووووووودة
جلدة مشقق
وحوالين عنية اسود جداااا كانة مكحل عينة والكحل ساح
نبرة صوتة لما رد علينا لسلامة
كانت مرعية واصلا التون بس بتاع ردالسلام لكن الكلمات مش واضحة ... مش فاهمة بيقول وعليكم السلام .. ولا بيقول اى  
ماما جاية تحكيلة .. شاورلها بايدة انها تسكت ..
وطلب منى انا الى احكى
حكيت الى حصل فى شقتى .. موضوع روث الحصان
وموضوع الدم .. والنور لما قطع .. ولما اتسحبت الحمام .. ولما كنت هرمى نفسى .... الخ ...
شاورلى انى اقرب منة
كان قدامة حاجة مولع فيها تقريبا فحم ونار
وكل شوية يرمى فيها حاجة الدخان يزيد
قربت منة
بقى ياخد من الدخان دة ويحطة ع وشى
3 مرات وقالى يا ساااااااتر يا ساتر  ...وبرقلى فى عينى ....
يتبع
مستنية رئيكم وتشجيكم بقى😍 ...