قصة الرجل الافريقي🙄 الجزء الاخير - اليك القصة

قصة الرجل الافريقي🙄 الجزء الاخير - اليك القصة

=مكنش قصدي والله مكنش قصدي
-طب اهدي واشربي ميه وكملي
=انا بعد ما اغتصبني وخرج وانا انهارت قعدت اعيط فات يومين وانا بفكر اخرج ازاي من الارف ده كنت حاسه انهم هيقتلوني فجبت الشمعه وقلعت  البلوزه  والبنطلون وولعت فيهم وقعدت اصرخ ورقفت ورا الباب وكان في شباك ازاز اخته شافت النار جت تجري فتحت الباب روحت مسكت رقبتها من ورا وكنت هخنقها فضلت تعافر مسكت المفتاح اللي كان في الباب ودخلته في عنيها وقعدت اخنق فيها طلعت كل الغل عليها ماااااتت مطلعتش نفس انا مش عارفه انا عملت كده ازااااي انا قتلت يا ساره فضلت قاعده جمبها اعيط زي الطفله  مش عارفه اروح فين وبعدين لاقيته قدامي اقعد يتكلم بكلام مش مفهوم وبعصبيه وشلني وركب عربيه ومشي وبعدين وقفنا في حته بعد ما مشينا كتير بالعربيه
واتكلم معايا انجليزي مع انه بيتكلم عربي دايما بس المره دي اتكلم انجليزي وقالي انتي قتلتيها وراني فيديو وانا بضربها كانوا حاطين كاميرات في الاوضه وقالي انا مش هبلغ عنك ولا هسلمك وكمان هنسافر بس لو فتحتي بوقك او حاولتي تهربي هجيبك بالفيديو ده او هفضحك بفيديو الاغتصاب ايه رايك هتبقي مطيعه انا مكنش قدامي غير اني اسكت ورجعنا مصر ورجع هو الشغل ولا كانه عمل حاجه وانا اتحبست في الشقه دي مبخرجش منها لو خرجت متعداش عتبه البيت والبيت كله كاميرات وبضرب لو قولت حاجه غلط ازاي بقي كده فجأه مكنش كده يا ساره ده اتحول كانه بني آدم تاني انا مبقتش مستحمله ارجوكي ساعديني
-محاولتيش تدوري علي الفيديوهات دي ؟
=دورت ملقتهاش! 
-بوصي انا هقعد معاه واهدده
=انتي عبيطه ده ممكن يقتلنا
-طب بوصي انا هسافر اثيوبيا
=هتعملي ايه هناك ؟
-مش عارفه بس حاسه اني هلاقي حاجه تعرفي توصفيلي المكان بالضبط
=هحاول افتكر لكن هما قبيله معروفه هناك لو قولتي اسمهم هيعرفوكي البيت بس انا خايفه عليكي يعملوا فيكي حاجه
-متخافيش محدش هيقربلي وانا هخرجك من السجن ده اوعدك
=شكرا يا ساره عارفه حتي لو معرفناش نعمل حاجه كفايه انك جمبي
-انا هضبط حاجات السفر واكتبيلي العنوان وانا هاخد اجازه من الشغل واروح انا همشي دلوقتي وانتي يلا روحي قبل ما يجي
=مع السلامه
*نزلت وانا خايفه ايوة خايفه اسافر مكان معرفهوش بس حبي لنرمين كان اقوي كنت حاسه ان هوصل لحاجه لما اروح البيت عندهم جهزت الحاجه والورق في خلال 5ايام وودعت نيرمين وادتيها موبيل علشان اتواصل معاها سافرت اول ما حطيت رجلي في اثيوبيا حسيت اني في مهمه افتكرت المحقق كونان واني لازم اعرف الناس دي عملتلها كده ليه وليه جوزها جابها وبعدين هربها كانت في اسئله كتيره لازم اعرف اجابتها،وصلت قدام باب البيت ومكنتش عارفه اقولهم ايه بس خبطت الباب ولاقيت ست كبيره لابسه قماشه لفاها ع جسمها كله وخارمه مناخيرها وطويله اول ما فتحت ابتسمت وحاولت اكلمها مفهمتش لكن شاورتلي بايديها اني ادخل مع ابتسامه بصراحه كنت خايفه بس دخلت وقعدت وقعدت قدامي فضلت تبص عليا وبعدين ناديت علي حد بلف اشوف مين اتفاجأت
كانت بنت حاطه لازقه علي عنيها اول ما شوفتها كنت هتجنن وافتكرت جمله نيرمين "خرمت عنيها بالمفتاح" لكن محاولتش ادي رده فعل لكن نظرتهم ليا كانت تخوف
او يمكن انا اللي كنت خايفه...مكناش فاهمين بعض الست الكبيره قامت وشاورتلي استني وغابت ساعه وانا زهقت ومش عارفه بتعمل ايه ولا بتحضرلي ايه 
لكن المفاجاه اللي شوفتها المره دي مقدرتش اتمالك فيها نفسي قومت فجأه من علي الكرسي اول ما شوفته هو ايووة هو جوز نيرمين لكن مربي دقنه الست مخدتش  بالها لكن هو خد باله اني اتخضيت اول ما شوفته وكلمني بالانجليزي
=حضرتك عايزه ايه
-انا صحفيه وجايه اعرف حاجات عن اثيوبيا والقبائل اللي هنا علشان بكتب عنها
=اشمعنا احنا البيت اللي اخترتيه
-انا مخترتهوش انا دخلت بيوت قبل بيتك لكن مكنتش عارفه اتواصل معاهم انت اتعلمت انجليزي منين
=درسته
-درسته فين ؟
لكن الست الكبيره قاطعت كلامنا وكلمته وتقريبا فهمها اني صحفيه رحبت بيا جدا وكانت لطيفه ازاي هي نفس الست اللي كانت بتعامل نيرمين وحش سالتهم علي فندق لكن هي اصرت اني ابات عندهم مرفضتش لاني كان في اسئله كتيييره في دماغي فضلت صاحيه في الاوضه لحد ما كله نام وجيت اخرج لاقيت حد بيخبط عليا فتحت لاقيته هو
-انتي لازم تمشي من هنا
=ليه ؟
-علشان هتتأذي لو قعدتي ارجوكي امشي
=هيحصلي نفس اللي حصل لنرمين ؟
*اتخض جدااا  واتوتر جداا وعرق وكان شويه وهيعيط*
-انتي تعرفيها ازاي وعرفتي منين انها هنا
=احكيلي انت القصه من الاول خالص وانا هعرفك كل حاجه
-انا حبيبت انسانه شوفت فيها كل حاجه حسيت انها الوحيده اللي متريقتش عليا مشافتنيش بنظره اقل منها واتجوزنا وبعدها بفتره اكتئبت من غير اسباب كنت بصحي حد يخنقني ولما كلمت امي قالتلي ان لازم اجيلها علشان دي اعراض خطيره خوفت وسافرت انا نيرمين وامي قعدت معايا وقالتلي ان نيرمين هي السبب واني لازم اقتلها علشان الخنقه دي تختفي وانها جت في الوقت ده علشان  عيد النحر قرب  واخُتيرت تتقتل
=ايه عيد النحر ده!
-ده عيد عندنا  وبنسميه هنا "المنجي"زمان كانوا بيقتلوا الطفل اللي اسنانه معوجه او فتاه او المرأه اللي بيحسوا انها لعنه وهيجبوا للقريه اللعنه
لكن دلوقتي الموضوع ده ناس قليله جدا اللي بتعمله لكن امي فسرت ان نيرمين امرأه منجي ولازم تموت علشان هتخليني ملعون
=ازاي تصدق العبط ده
-انا مصدقتهاش وروحت لشيخ مشهور عندنا واخدت نيرمين لكن هو قالي نفس الكلام لما شافها وقالي كمان انها هتموت حتي لو مقتلتهاش لكن هفضل ملعون طول عمري والخنقه هتلازمني 
=فقررت تقتلها
-لا ابدا انا بحب نيرمين لو قتلتها هتبقي دي اللعنه فعلا انا كنت هاخدها واسافر لكن اللعنه حلت علينا نمت يوم كامل وهو كان يوم النحر وصحيت لاقيت نيرمين ماتت وجثتها اختفت
-انت مجنون وغبي انت ازاي تصدق العبط ده عيلتك ضحكن عليك ونيرمين اتبهدلت بسب غبائك
*قومت بهستريا قعدت اخبط في كتفه وازقه جامد واعيط وهو واقف مذهول ومش فاهم حاجه قعدت وهديت وحكتله كل حاجه اتعصب جدا وقام علشان يخرج يكلم مامته لكن ومنعته*
=لازم نفكر بالعقل ونشوف هنعمل ايه لو قولت لمامتك دلوقتي هتقتلني وتقتلك
-انا لازم اسافر معاكي
=هتسافر معايا ازاي واخوك في مصر بجواز سفرك
-ههرب لهناك نيرمين في خطر وانا مينفعش اسيبها
*وفضل يعيط ويخبط في دماغه *
-انتي لازم تسافري دلوقتي وانا هاجي وراكي بأي طريقه قولي لنيرمين انا اسف اني عرضتها لكل ده انا هاخد حقها من اي حد جيه عليها حتي لو انا
=ماشي خد رقمي اهو واول ما تيجي مصر كلمني ارجوك متتاخرش
*هربني من البيت وسافرت نزلت القاهره ومكنتش مصدقه ان ده حصل كانه فيلم مستحيل يكون حقيقه وكان لازم اقول لنرمين اتصلت عليها لاقيت الموبيل مغلق!
*قلقت جدا واول ما رجعت البيت خبطت علي الباب فتح  هو*
-فين نيرمين ؟
=نيرمين نايمه
-صحيها عايزاها في موضوع مهم
=الوقت متاخر تعالي بكرا
-بقولك صحيييييها
=بتعلي صوتك ليه
*لاقيت نيرمين جايه اول ما شوفتها اطمنت كنت خايفه يكون عمل فيها حاجه جريت حضنتها ولفيت خرجت دخلت بيتي واستنيت تاني يوم لغايت ما راح الشغل وطلعت من السلم اللي ناحيه المطبخ كنت طايره علشان افرح نيرمين واقولها الحقيقه
طلعت وحكتلها كل حاجه اتفاجأت جدا وحسيت انها فرحت ان جوزها مطلعش وحش وفضلت تعيط مع ابتسامه  وتمسك ايدي وتقولي
-يعني كل حاجه هتبقي كويسه يعني خلاص هخلص من الكابوس ده هخرج من سجني
=اه يا حبيبتي خلاص
نزلت ومستنيه التليفون يرن والاقيه جوز نيرمين كل شويه ابص علي الموبيل فات شهر وانا مستنيه وبعدين لاقيت الموبيل بيرن الساعه8الصبح قومت بسرعه رديت لاقيته هو وعرفت هو فين وخدته وجبته البيت عندي كان باين عليه الاجهاد والتعب
-نام وارتاح شويه
=انا مش هنام لا هعرف ارتاح غير لما انقذ نيرمين ارجوكي هي فين عايز اشوفها
-هتشوفها بس مش دلوقتي
*جبتله اكل وبعد ما كل نام علي الكنبه من التعب سبته نايم لغايت ما قرب معاد ما اخوه بيجي من الشغل وصحيته قام مفزوع وفضل واقف ورا الباب وبعدين خرج وقف فوق علي السلم علشان يهجم عليه اول ما اخوه يجي وفعلا اول ما جيه وبيفتح الباب هجم عليه من ورا وخنقه وانا خدت المفتاح وفتحت دخلنا كلنا وفضلوا يتخانقوا مع بعض وبعدين جوز نيرمين مسكه من رقبته وكان هيخنقه فاخوه زقه وقعدوا يتكلموا وطبعا احنا مش فاهمين حاجه وبعدين اخوه قام وجاب جواز السفر والفيديوهات واداهم لجوز نيرمين ولف وهيخرج من البيت راح جوز نيرمين خبطه في دماغه اغمي عليه وبلغ البوليس انه هربان واتهجم علي بيته اللي فهمانه بعد كده انه ساله املت كده ليه قاله ان ليه يكون انت معاك زوجه حلوة وشغل وحياه كويسه وانا لا وانه هو اللي يستحق الحياه استغل فرصه ان امه واخته معترضين علي جوازه من نيرمين فاقنع  امه  بان نيرمين لعنه واتفق مع الشيخ كمان ولما نيرمين ضربت اخته كان هي الفرصه اللي ياخد بيها حياته ومراته ،وجوز نيرمين اتفق معاه انه هيسيبه بس يديه جواز السفر  والاقامه او يقتله فطبعا هو خاف علي حياته وطلع الحاجه ،
بعد ما البوليس خده جوز نيرمين جري علي نيرمين وخدها في حضنه وقعد يعيط ويتأسفلها كانت لحظه متتوصفش بكلام مليانه مشاعر ما بين صدمه وحب وخوف وكل حاجه اتجمعت في المشهد ده
ورجعت نيرمين لحياتها تاني رجعت نيرمين صحبتي اللي اعرفها
‏Menna_elshamy
‎الرجل_الافريقي
الجزء_الاخير