قصة الجحيم💀الجزء السادس💀مستنيه رائيكم❤ - اليك القصة

قصة الجحيم💀الجزء السادس💀مستنيه رائيكم❤ - اليك القصة

#الجحيم
#الجزء_السادس .. معظم الاحداث حقيقية
وبعدين  قرب من وشى  ...
وبرقلى بغضب وقالى .. ماغوراااااا مش قلتلك ماتروحيش مع فاطمة
لية مصممة تغضيينى... لية مصممة تعصينى
لية مصممة تجلبى الشر تانى
متفكريش ان دة الحل ... انتى كدة هتضطرينى ...ااذيها
ومش هى بس لاااااااااااااااااا
هى وكل الى حواليكى
بالدور ... واحد واحد
استسلمى لقدرك الى اختارتية بنفسك ماغورا
مش انتى الى حبيتى تقتحمى عالمنا..
مش انتى الى اخترعتى الاكاذيب حول وجودنا ...
الجحيم عقابك ماغورا ....
باب الشقة خبط ...   افتحيلها ... واياكى اياااااااكى
تروحى معاها
اختفى الشى المرعب ..
وانا واقعه ع الارض ... انتهت حالة الجاثوم
بدات احس انى اقدر اتحرك
فضل الباب يخبط والجرس يرن ...
بدات اسند نفسى واقوم اقف عشان اروح افتح الباب
بالعافية وصلت
فتحت الباب.. لقيت .. ماما... اتخضيت
حضنتها جامد وقعدت اعيط ..
فضلت تقولى مالك اى بهدلك كدة ... فى اية يا سمر
دخلنا وقفلنا الباب .. وقعدتنى على الكنبة
و قعدت تندة على محمد كانت مفكراه ضربنى ..
يا محمد يا حيوان مش قلتلك اياك تمد ايدك عليها تانى
قعدت تدور عليه بكل الاوض
ملقتهوش .. جت قالتى الكلب ضربك ونزل صح
والله لطالعه لامة فوق ومفرجاهم ... ندهتت عليها
يا ماما استنى
م محم د مالوش دعوة
الكلام طالع منى بالعافية ... صوتى مش طالع خالص
سمعتنى وقربت تقولى هتدافعى عنة تانى
هزيت راسى بالنفى
وبدات اعيط ..
طبطبة عليا فضلت اعيط فترة ...
وبعدين بدات اهدى ..
وبدات احكيله ..
القطة ... الصوت ... الشئ المرعب
قالتلى معمولك عمل زى ما الشيخ ما قال ...
لازم تنجزى وتجيبى قطر سلفتك وحماتك
وبصى انا جبت اى .. عديت ع خالتك وسرقت منها دى ودى .. دى بتاعتها ودى بتاعه بتها العقربة
عشان نوديهم كمان 3 ايام للشيخ
قلتلها لا مش رايحة ...
قالتى نعم ... مش رايحة فين
قلتها للشيخ ...
بيهددونى يا ماما بيقولولى ماترويش مع فاطمة
قالتلى مين الى بيهددك ...
حماتك وابنها ولا مين
صرخ بوشها حماتى ومحمد ملهمش دخل ...
الموضوع قدييييييم يا ماما
محدش عاملى عمل
قالتلى قديم ازاااااى ؟
مش فاهمة يا سمر ..
قلتلها مش لازم يا ماما قومى لو سمحتى روحى وانسى موضوع الشيخ دة تماما ..
قعدت تقولى والله ابدا
انشالله تعدمينى لو ماروحتى معايا ...
واتظاهرت ان جالها نوبة القلب
ومسكت قلبها ... وفضلت تقولى هتموتينى يا سمر
هتموتينى ... اه يا قلبى
لو مروحتيش معايا هموت وقلبى وربى غضبانين عليكى يا سمر
جريت عليها اهديها ...
اهدى يا ماما خلاص خلاص سيبيها لربنا
قالتلى يعنى هتروحى ... هزيت راسى بالموافقة ...
باللحظة دى سمعت صوت القطة ... طالع من اوضتى ...
كانهم بيعلنوا عن غضبهم لكلامى ..
خفت اووووى
ورجعت قلت لماما انا مش هروح عشان لو رحت ومحمد عرف ممكن يطلقنى
قعدت تقولى ومين هيقولة يا سمر
الموضوع دى محدش يعرفة غيرنا ...
قومى اغسلى وشك  وظبطى نفسك واعملى كوبايتين شاى وتعالى نحط خطه تسرقى بيها قطر حماتك وسلفتك
اتنهدت جامد  ومش عارفة اعمل اى
وخايفة اقوم...
قلتلها مش قادرة اقوم شوية شوية
قالتى خلاص خليكى قاعدة هقوم انا
اول ما قامت قمت وراها..
انا كنت مكسوفة اقولها انا خايفة اقوم ادخل الحمام ..  بس لما قامت دخلت المطبخ ... ماصدقت
قمت دخلت الحمام غسلت وشى ولميت شعرى
لقيت جرح فى رقبتى من القطة 
الجرح كان شكلة قريب من دايرة
بس كانصغير اوى وشكله عميق ولونة اسود جداااا مع انة لسة بينزف
وانا بظبط هدومى لقيت امى بتصوت برة ...
طلعت جريت لقيت الشنطة الى فيها قطر خالتى وبنتها .. طالع منها صراصير كتييييييييير ...
والصراصير عمالة تطلع من الشنطة وتجرى نحية ماما
وماما عماله تصوت وتجرى فى الشقة
جريت ع المطبخ جبت الرش عشان ارش بيه على الصراصير وطلعت ..
لقيت الصراصير ... اختفت
وماما واقفة متنحة ....
تبص على هدومها وعلى الارض
مافيش صراصير ...
اختفوا !
سالتنى .... انتى شوفتيهم صح !
هزيت راسى
صرخت فيا ... ردة عليااااااا بقولك شوفتيهم !
قلتلها اه يا ماما شوفتهم ...
قالتلى كدة الموضوع مايتكتش عليه ...
انا مش دخلالك بيتك المرعب دى تانى ... الا لما تيجى معايا للشيخ ونشوف حل ....
وخدت شنطتها وفتحت باب الشقة ... ونزلت جرى
وانا طبعا كنت خايفة اقعد بالبيت لوحدى
لبست الاسدال ونزلت  اخبط ع سلفتى ع  اقعد معاها لحد م محمد يجى ...
لما نزلت ... اول م قربت من بابها ...
سمعت مروة بتتكلم مع حد . من جوة بس قرب الباب . تقريبا بالتليفون ..
بتضحك بصوت عالى وبتقول ...
سمعتى امها وهى بتصوت ...هههههعهععععععههههه
لا دة كمان قبلها بشوية .. كانت بتصرخ وبتجرى بالشقة ...
وقفت اتسمرت مكانى ....
معقوووووووول
معقول كلام الشيخ بجد ... معقول الموضوع دة مالهوش علاقة
بالحوار القديم...
رحت مخبطة عليها...
مردتش ... خبط تاااانى
غابت على مافتحت ... طلعت لابس البرنس ..
بصيتلها من فوق لتحت .. اي دة
و سالتها بعصبية ... مبتفتخيش على طول لية
رد ...معلش يا سمر كنت بستحمى وعقبال ما عرفت البس واطلعلك
اتفضلى ادخلى ..
دخلت وقعدت .. قالتلى ادينى 5د البس هدومى واسرح واجى
قلتلها تمام..
طبعا الشك كان ملى قلبى ...
او يمكن كنت بميل اكتر لان الموضوع يطلع عمل مايطلعش ويجا
استغليت غيابها وقمت دخلت الحمام دورت ع حاجة من هدومها وخدتها وخبيتها بهدومى
لما طلعت ..
قلتلها كنتى بالحمام لما خبط
؟
قالتلى اه
قلتلها بس انا سمعتك بتتكلمى بالموبايل قرب الباب
قالتلى انا لا طبعا
الموبايل جمبك اهو وانا كنت بالحمام ..
رفعت حاجبى وهزيت راسى وقلت تمام
قالى عاملة اى وو.......
كملنا رغى
لحد م حسيت محمد بيخبط ع الباب طلعت جريت
استغرب انى كنت عندها عشان عارف انى مبحبش جو بيت العيلة وكدة
قلتله بكل صراحة ... كنت خااااااااايفة ....
قالى خايفة من اى .؟
واى الريحة الوحشة دى يا سمر
قلتله ريحة اى
قالى ريحة ..حمام
قلتله مجارى يعنى .؟
سابنى وبدا يلف بالشقة ... فى ريحة حاجة مقرفة
فى ريحة ... بيبى
افتكرت روث الحصان ..
وقعدت ادور معاه ...
الريحة جاية من نحية اوضتنا ...
اول ما قربنا من اوضة النوم ..
ظهرت القطة السودة فى وشنا...
محمد اتخض وانا صرخت اي دة
جريت القطة نحية باب الشقة
جرى محمد وراها وقعد يشتمها ويقولى يا مهملة
اكيد سيبتى باب الشقة مفتوح فدخلت القطة
فضل يجرى وراها وفتح باب الشقة ..
طلعت القطة من باب الشقة ..
قعد مخمد يزعق .. ويقولى مهمله دماغك مش فيكى ...
طبعا بلعت الكلام وسكت .. هقولة ايييييية
الغريب ان الريحة اختفت ..
قالى اكيد القطة المعفنه دى هى الى كانت قالبة ريحة الشقة ...
قلتلة اكيييييد
سال فين الغدا ..
قلتله ع النار 10 د ويكون جاهز
قالى طيب مالك مبهدلة كدة لية .. فى حاجة ؟
قلتله لا كنت بنضف البيت وكدة ..
وجريت ع المطبخ
طبعا مكنش فى اكل ع النار ولا حاجة ... حاولت انجز نفسى ...
وطلعتلة بمكرونة وبطاطس
بصلهم كدة وبصلى ...
تانى
دى رابع مرة الاسبوع دى ...
حسيت انى عاوزة ارجع
جريت ع الحمام وبدات ارجع ..
جرى ورايا فى اي مالك
قلتله يمكن بردت ...
كل معلقتين وكم يطاطساية ...
وقعد جمبى يخلص شغله على اللاب توب ...
مسكت الموبايل ودخلت الاوضة اتصلت ع ماما
وحكيتلها عملت اى مع سلفتى
وسمعتها بتقول اية .. وسرقت منها اى ..
قالتى ماشى يا ماغورا
قلتلها نعم ... مين
قالتلى ماشى يا سمر فى اى ...
محمد ندة عليا
قلتلها اصلى سمعتك بتقولى اسم تانى
قالتلى مقولتش غير سمر ...
وقفلنا ...
حاسة ان اسم ماغوراا بسمعه طول الوقت ..
محمد طلب اعملو شاى وبعد الشاى دخلنا ننام
سمعت صوت بيندة اسمى ...
سمر سمر سمر تعالى
ودخلت فى حاله الجاثوم تانى
سامعة صوت مرعب بيندة اسمى
مش قادرة اصرخ واصحى محمد
ظهر الشى الاسود مسكنى من شعرى ...
وشدنى جرنى على الارض
مجرد ما طلعت من باب الاوضة ...ملقتش نفسى فى شقتى ....
لقيت نفسى فى واقفة كهف ضلمة...
والجو كان برد جدداااا وكنت برتعش
ومش قادرة امشى من السقعة ..
سامعه صوت ديابة برة الكهف بتعوى بشكل يقشعر من الرعب ..
مش عارفة اقف ولا اكمل ..
ظهر باخر الكهف نور ...ضعيف
بدات امشى نحيتة ..
اول ما وصلت لقيت زى بنى ادم بس جلدة احمر
ولية قرون  طوييييله
ملفوفة من فوق حوالين لعض ...
واقف ماسك خشبة وقدامة زى وعاء كبيييييير
طالعه منة دخان
كان فى حاجة بتغلى جوة
وعمال يقلبها بالخشبة ...
شاور لحد ... جم 2 من نفس الهيئة بتاعته
مسكونى وبداوا يقربونى منة .. بالغصب.
لحد م صلت عندة... لقية طلع بالخشبة ...حاجة سودة صغيرة
وبدا يقرب الخشبة من بوقى ...
وانا احاول ابعد راسى ...
عاوز ياكلنى الحاجة دى ...
وفعلا دخلها بقى بالعافية ...
وبعيد لما اتاكد انى بلعتها .. غصب برضو
وطى حط ايدة على بطنى وبصلى فى عينى جامد
سمعت صوت ضحكة طفل
بس الصوت مش طفل عادى ... لا دة صوت طفل بيضحك بشكل مرعب ..كانة شطان
رفع ودنة من على بطنى وراح حط ايدة على بطنى حسيت بمغص فظييييييع كانى اتسممت وهموت ..... وقعت بالارض وفضلت اتلوى من التعب
بطنى كبرت بسرعه بسرعة .....
بقيت حامل بالتاسع ...
مد ايدة الشئ المرعب دة فى بطنى وطلع طفل ...
طفل مرعب .... صوت ضحكتة شكلة ... مرعب
مسك الطفل دى وحطة قدام عينى جوة الماية الى بتغلى قدامة ... وفضل يقلب فية ...
قلبى وجعنى ... ابنى !
جالى  مغص جاااااااامد ....
ولقيت نفسى بارض حمام بيتى ...
والدنيا ضالمة والباب مقفول
قعدت اصرخ واندة على محمد
فين وفين لحد ما سمعنى
جة يجرى ... اى دة فى ايييية
اى الى مقعدك يالارض
وانا ماسكو بطنى وعماله اصرخ
كنت هموت من التعب
سندنى ودخلنى الاوضة .. والوضع سئ زى ما هو
لبس هدومة بسرعه ولبسنى الاسدال واتصل باخوة كريم
وخدنى ونزلنا على المستشفى
بعد تحاليل وهيصة .....
مبروك ... المدام حامل
طبعا محمد اتجن من الخبر وفرح جداااا كلن ناقص يزغرط وعنية دمعت
وفضل يبوس ايدى وراسى وووووو
بس انا مكونتش مبسوطة
خالص
ومش مستوعبة ... اى الى حصل
انا سمعت صوت طفل مرعب .
انا شوفت الطفل بيطلع من بطنى وبيترمى بالماية السخنة ...
اى الى بيحصل ... اى الى هيحصل ..
وانهارت بالعياط ...
سال محمد الدكتور هو فى اى؟
رد الدكتور معلش يا استاذ ... دة بيسموة اكتئاب الحمل
ولخبطة هرمونات ... شوية وهتبقى كويسة
روحنا البيت .... عدت الليله
بس انا والله ما شوفت النوم ... قاعدة خايفة ...
ببقى كويسة ومرة وحدة بشوف حاجات وبتحصل حاجات ...
اعصابى باظت
صحيت الصبح ..  محمد كان نازل الشغل
كنت خايفة اقعد لوحدى بالبيت قلت لمحمد بطريقك وصلنى لماما وانت مروح خدنى
قالى لية فى ايية قلتة تعبانة ومش عاوزة اقعد لوحدى
قالى طيب المفروض ترتاحى وهى تجيلك
او اطلعى عند ماما
او هى تنزلك ...
انتى حامل يا سمر ... الوضع دلوقتى مختلف ..
قلتلة خلينى اروح لماما عشان خاطرى انا كدة هبقى مرتاحة اكتر
اصل انا وماما متخانقين ومش هترضى تيجى
وكمان عاوزة اروح افرحها بخبر حملى ...
بعد مناهدة كتييييير وافق
رحت لماما وقلتها انى حامل ...
وانى اكيد لما اقول لخماتى كدة ... لو كانت عملالى حاجة هتبطلها
انا مش مقتنعه بالى بقولة ... بس خايفة اروح للشيخ
خايفة ياذوا حد
على الاقل دلوقتى انا الى بتاذى مش حد ...
عدى اليوم ومحمد جة خدنى
روحنا ...
عدى اليوم طبيعى جدااااا
وتانى يوم طلبت من ماما تيجى تقعد معايا ...
ومفتحناش سيرة الشيخ نهائى
اتلههينا بالكلام ع البيبى
انا تناسيت ... مش نسيت
تالت يوم بدا اليوم طبيعى ... فقررت لا اروح لماما ولا اخليها تجيلى
واريح وانام بالبيت ...
صحى محمد وفطرتة ومشيتة ...
ودخلت نمت ... وصحيت ع العصر كدة تقريبا....
طبخت وروقت شوية بالبيت ...
والشمس راحت ..
كانت الساعه 7ونص تقرييا ...
وقفت بالبلكونة ابص ع السما واشم شوية هوا ...
لقيت السما ضلمااااااااااااا
لفت انتباهى عدم وجود قمر
اى دة .... انهاردة اول الشهر العربى
معادنا مع الشيخ ....
حسيت انى اتفجعت ...
خبط الباب انبسط ... حد جة ايا كان المهم حد جة باللحظة المرعبة دى ..
رحت عشان افتح الباب
كل مقرب من الباب اشم ريحة وشحة ...
نفس ريحة روث الحصان ....
بطئ خطوتى وبقيت خايفة افتح ...
سالت مييييين
مسييييييين
محدش بيرد ...
سمعت صوت كركبة جاية من جوة ...
تقريبا .... الحمام ...
قلبى اتقبض ... وبدا صوت القطة ... القطة السوووودة
يظهر .....
والباب يخبط ...
ومحدش يرد ...
سمعت صوت حد جاااااى من الطرقة
بيقرب عليا...
وباب الشقة يخبط واسال مين محدش يرد...
الصوت بيقرب ....
وبدات اسمع ... ماغورراااااا
فتحت باب الشقة ... وقلت اصرخ اجرى اعمل اى حاجة
لقيت الشيخ بوشى ...
مبرقلى ومبتسم ... ابتسااااامة اعوذ بالله من الشيطان الرجيم ....
مرعبة فوق الووووووووصف
ملامحة اصلا كانت بتخوفنى
بس المرادى .... كان ساكن روحة شيطان .
كانة شيطان متقمص الشيخ ....
او الشيخ اصلا ......
مش عارفة اقول اية
الصوت الى طالع من الحمام  بيقرب
وبيقولى ماغورااااا
والشيخ بوشى مبتسم و وبيقولى ماجيتيش لية يا سمر يا بنت فاطمة ....
وادانى ضهره ونزل ...
والصوت ورايا بيكرر اسم ماغور ... بيقرب ...
سامعة صوت رجلية بالارض ...
رحت طلعت من الشقة جرى ع شقة حماتى..
طلع ورايا ... قعدت اخبط عليها ...
محدش بيفتح ...
وصوتة طالع ورايا وبيكرر ماغور .... ما غورررررا
قعدت اهبد ع وشقة حماتى عشان حد يفتح ابدااااا.
بدا الصوت يقرب ... وظهر بوشى ...
يتبع
مستنية رايكم وتشجعكم بقى😍